8 अनि बोव खरोय मन्तांग अवेकुने निमा करहा बाक्याकि अवेन बोरे गलति समजेमायमाकिर अनि इन्माकिर। अनि बोर माकुन होंग किन्तोर, ओरकुन मावागा दोष लावेह कियानाता सन्दि हेमाट असके ओरक लज्जा आयनुरक।
येसु ओरकुन इतुर, “हजोर राजाना हजोर राजान हिम्ट, अनि परमेस्वरना परमेस्वरतुन हिम्ट।” असके ओरक ओना बारेते पकाय आश्चरय किया लागतुरक।
मूसाना नियमतुन करिहवालोर लोकुरकनिगा वरोर मानेय वास येसु अनि सदुकि लोकुरा विवाद कियाना केन्जतुर। अनि येसु ओरकुन सोबाय रितिते उत्तर हितुर इन्जोर ओन पुन्ज ओर येसुन पुच्चेमातुर, “सबोयताल मुक्य आग्या बोद मन्ता?”
मूसाना नियमतुन करिहवाल येसुन इतुर, “हे गुरु, परमेस्वर वरोरे मन्तोर अनि ओन तासिस दुसरो बोरे परमेस्वर हिलेर इन्जोर निमा खरोय इतोन।
ओर समजेमास उत्तर हितुर इन्जोर येसु हुळसुन, “निमा परमेस्वरना राज्यतिगा हन्दानाता पकाय हेरे मन्तोन” इन्जोर येसु ओन इतुर। असके पजा बोने असा बाताले पुच्चेमायाना हिमत आयो।
येसु इदाम इतोर बरोबर ओनोर सबोय विरोदि लोकुरक लज्जा आतुरक, असके भीळतोरक सबोय लोकुर येसुना महिमाता चमत्कारतुन हुळसुन पकाय गिरदा आतुरक।
अनि बोरे इद पत्रते वेहता पोल्लोतुन मानेमायोर ते ओनागा ध्यान इराट अनि ओनासंग निमाट संबन्द बन्द किम्ट, इदामते ओर आपुना आचरनते लज्जा आयिर।
इन्जोर लयांग रान्डि आसक मरमिंग किसुन बालकुन जनम हिस आपुना परिवारतुन सोबाय संभालेकेवि अनि अदामे दुश्मनतुन दोष हियाला सन्दि हेमाकि इन्जोर नावा इच्चा मन्ता।
अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।
अनि ओरक सोबाय बुतो केविर इन्जोर निमा सबोयलोर विस्वासि लोकुरकुन करहा, बाक्याकि ओरक वरोन दुसरोना जरुरितुन पुरा केविर, अनि इदाम ओरक बिना फयदाते मनमाकिर।
बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।
बाक्याकि निमाट सोबाय बुतो कियानाता कारण मिया बारेते बराबर समजेमायवाय वळकिन्तोर ओर अन्जान लोकुरा व्यर्थ पोल्लोंग वळकाना बन्द किसिम्ट इन्जोर परमेस्वरना इच्चा मन्ता।
येसु मसिनिगा मिया सोबाय बुतोता निन्दा केवालोर लोकुरक मिया अपमान कियानपा लज्जा आयिर इन्जोर शुद्ध विवेकते मन्ट।