तितुस 2:2 - Muria Far Western

² अनि मुदयाह मानेयकुन करहा, अनि ओरकुन आपुनतुन हुशयार मन्वाल बनेहमायिर, अनि लोकुरक ओरकुन हुळसुन आदर केविर इदाम ओरक जिवेमायिर, समजदार आयिर, विस्वास इरिर, मया केविर, बोदायि दुःख सहेमायिला मजबुत आयिर।

तितुस 2:2 Iomraidhean Croise

मरकुस 5:15

अनि येसुना हेरे वास ओर ओन बगा दुष्टात्मा पयतोर मानेय मतोर अगा ओर सोबाय सन्दरांग लावेकिस अनि कमेक उदस हुळस वरियतुरक।

लूका 8:35

अनि आता पोल्लोनुंग हुळान साटि लोकुरक पसियस येसुना हेरे वातुरक, दुष्टात्मांग पसियिस मता ओन सन्दरांग करसुन सोबाय बुद्धिते येसुना काल्कना हेरे कमेक उदितोर हुळसुन लोकुरक वरियतुरक।

बुतोंग 24:25

मति परमेस्वरना मुने येताना योग्य आयाना, अनि आपुनतुन नियन्त्रन किस मन्दाना अनि परमेस्वर सबोय लोकुरकुन न्याय कियान साटि वायवाल मन्तोर ओद आकरि न्यायता दिया इदाम पोल्लोता बारेते पोलुस चर्चा किसोर मतोर, असके फेलिक्स वरियस उत्तर हितुर: “इदेक हन, बेरा हुळस नना असा निकुन केयका।”

रोमि 12:3

परमेस्वर नाकुन दयाकिस मिया साटि लोहतोर इन्जोर नना निमाट सबोय लोकुरकुन इन्तोना, निमाट आपुनतुन खरोय रितिते समजेमाम्ट मन्जे निमाट बचोन लायक मन्तोरिट अदेनताल आपुना हजोरपण तोहमाट। मति परमेस्वर सबोय लोकुरकुन बचोन विस्वास हितोर अदेना अनुसार आपुनतुन समजेमाम्ट।

१ कुरिन्थुस 15:34

इन्जोर खरोय रितिते विचार किस निमाट होसते मन्ट अनि पाप कियाना तासिम्ट, बाक्याकि मियागडाल हुचुलोर लोकुरक परमेस्वरना बारेते पुनोरक, इन्जोर मिकुन लज्जा आयि इन्जोर नना इदाम इन्तोना।

१ कुरिन्थुस 9:25

अनि वरोर वरोर कुस्टि करसवाल मानेय ओद करसनाता नियमता अनुसार पकाय ध्यानते तयार आन्तोर। ओर कुस्टि करसवाल नाश आस मारिन्ता ओद मुकुटता बकसिस मन्ता ओद बकसिस साटि सबोय किन्तोर मति माक दरोज मन्वाल बकसिसता मुकुट साटि सबोय किन्तोरोम।

२ कुरिन्थुस 5:13

बाक्याकि मावा “बुद्धि बराबर हिले” ते ओद परमेस्वर साटि मन्ता अनि माक हुशयार मन्तोरोम ते ओद मिया साटि मन्तोरोम।

गलाति 5:23

नम्रताते मन्दाना अनि आत्मसंयमते मन्दाना; इदाम बुतोता विरोदते बोदे नियम हिले।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

१ तिस्लुनि 5:6

इन्जोर निमाट अविस्वासि लोकुरक लेहका मिया हेरे बाताल बाताल आन्ता अदेना बारेते पुन्वाप लेहका मनमाट मति निमाट पकाय ध्यान किसुन आपुना मन अनि मेन्दुलतुन नियन्त्रन किसोरिन मन्ट।

१ तिस्लुनि 5:8

माक विस्वासता अनि मयाता चिलम करसुन अनि टोपि लेहका पिसानाता आशा करसुन मनकाट बाक्याकि माक पियालता बालक मन्तोरोम।

१ तिमुति 1:10

अनि मूसाना द्वारा परमेस्वर हिता नियम इदाम लोकुरक साटि मन्ता, बोर लोकुरक व्यभिचार किन्तोरक अनि समान लिंग लोकुरासंग कुकरम किन्तोरक अनि दासता लेहका दुसरोन मोमसुन पयसांग कमेहकिन्तोरक अनि खोटाल वळकवालोरक अनि खोटाल शपथ येतान्तोर अनि खरोय उपदेशता विरोद बुतो किन्तोर इदाम सबोय लोकुरक साटि मन्ता।

१ तिमुति 1:14

अनि मावा प्रबुना दया नाकुन पकाय पुटतु। अनि नना येसु मसिनासंग मन्तोना इन्जोर नना ओनागा विस्वास कियापरान्तोना अनि दुसरोन वने मया कियापरान्तोना।

१ तिमुति 1:2

अनि बाबो परमेस्वर अनि मावोर प्रबु येसु मसिनिकेडाल निकुन कृपा, दया अनि शान्ति हेविर।

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

१ तिमुति 3:11

अनि मसिलोकुरा सभाता सेवातुन मदत केवांग आसक वने गम्बिर अनि सम्मानता योग्य आयिला पहाजे; दोष केवि आयमाकि अनि हर पोल्लोते विस्वास योग्य आयि।

१ तिमुति 3:2

अनि अध्यक्ष निरदोष मनिर, उन्दिय मुतेवाले मनिर, शान्ति स्वभावतोर मनिर अनि लोकुरासंग सोबाय संबन्द केवाल, लोकुरा आदर केवाल, वरताहकुन सोबाय गिरदाते मानेमायवाल अनि सोबाय उपदेश केवाल मनिर,

१ तिमुति 3:4

अनि आपुना परिवारतुन सोबाय पाले केवाल अनि आपुना बालकनुंग आपुना सबोय आग्याते पालन केवाल मनिर।

१ तिमुति 3:8

अनि मसिलोकुरा सभाता सेवकलोकुरक गम्बिर आयिला पहाजे अनि लोकुरा मुने उन्दि पोल्लो वळकसुन परके दुसरो पोल्लोंग वळकवाल आयमाकिर अनि दाळंगो उनवालोर अनि गलत बुतो किसुन पयसांग कमेय केवालोर मनमाकिर।

१ तिमुति 5:1

आपुना वयताल हजोर लोकुरकुन निमा होंगदे वळकमा मति ओरकुन आपुनोर बाबोन लेहका समजेमास वळका। अनि आपुना वयता हुडलोर लोकुरकुन तमो लेहका वळका।

तितुस 1:13

अनि इद गवाहि खरोय आन्दु; इन्जोर अव गलति आन्दुंग इन्जोर ओरकुन रांगसुन वेहा। अनि इदाम ओरकुन विस्वासते पका किम,

तितुस 1:8

मति ओर अध्यक्ष वरताहकुन सोबाय गिरदाते मानेमायवाल अनि भला कियान साटि तेयार मन्वाल, मया केवाल, न्याय केवाल अनि समजे किसुन वेहवाल, ओना मन शुद्ध मनि अनि ओर शान्त स्वभावतोर मनिर।

तितुस 2:7

अनि निमा सबोय बुतोनुंग सोबाय किम अनि लयोरक लोकुरक वने अदामे कियाला पहाजे। अनि निमा ओर परमेस्वरना बारेते करिहकि ते इमान्दारिते करिहकि, अनि समजदारिते ओरक करिहतांग पोल्लोनुंग मानेमायिर,

फिलेमोन 1:9

ते वने पोलुस पोरोयतोर नना मुदयाल अनि येसु मसिना सोबाता पोल्लो प्रचार कियानाता कारण इदेक जेहलतिगा मन्तोना नना मयाता कारण विनन्ति किन्तोना।

१ पतरस 1:13

इन्जोर आपुना मन्दुन तयार किस आप आपुना मन्दुन नियत्रण किस मन्ट। येसु मसि मिकुन असा दिसाना बेरा मिकुन पुटवाल मन्ता ओद दयातिगा पुरा आशा इराट।

१ पतरस 4:7

सबोय पोल्लोता अन्त सान्डेय आयवाल मन्ता इदाम समजदार आस निमाट आपुनतुन काबु किस प्रार्थना कियान साटि हुशार मन्ट।

१ पतरस 5:8

आपुनतुन नियत्रण किस हुशियारते मन्ट, मिवोर विरोदि सयतान गुरजेमान्ता सिंह लेहका बोन हिक्स तिनका इन्जोर पळकसोर वलियान्तोर।

२ पतरस 1:6

अनि परमेस्वरना बारेता पुन्दानातासंग संयम अनि संयमतासंग विस्वासते स्थिर मन्दाना, अनि स्थिरतातासंग परमेस्वरना गिरिदा कियाना बुतोंग कियाना,