तितुस 2:12 - Muria Far Western

^12-13 अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

तितुस 2:12 Iomraidhean Croise

मत्ति 12:32

बोरायि नना मानेयतोर मरिना विरोदते बोदे पोल्लो इन्दानुर ते ओना इद गुन्हातुन मापि कियानुर, मति बोरायि पवित्र आत्माता विरोदते बाताले इन्दानुर ते ओना गुन्हा इद दरतितिगा या वायवांग काळते वने मापि केवोर आयनुर।”

मत्ति 16:24

अनि पजा येसु सबोय लोकुरकुन इतुर, “बोने नावा चेला आयाना इच्चा मन्ता ते, ओर आपुना इच्चा अनि योजनातुन तासिस आपुना कुरुस ताहच आपुना पकाय तकलिपतुन सहेन किस नावा परके वायिर।

मत्ति 28:20

नना मिकुन आग्या हितोना ओद सबोय पोल्लोंग ओरकुन मानेमायिला करहिस सबोय जातितोर लोकुरकुन नावा चेलाह बनेहकिम्ट; नना ते दुनियाता अन्तवनाह दरोज मियासंग मन्तोना” इन्जोर इतुर।

लूका 1:6

ओरक आळिवुर परमेस्वरना मुने येताना योग्य अनि प्रबुना सबोय आग्यातुन स्विकार किस मानेमायवाल मतोरक,

लूका 1:75

मावोर बाबो अब्रहामिनासंग कितोर पवित्र वाचा आलिहच इन्जोर परमेस्वर इदाम कितुर।

युहनाल 14:30

अनि नना इदेक मियासंग असा पोल्लोंग केवोन बाक्याकि इद दुनियातोर राजाल मन्जे सयतान वायिला आतोर ओना नावा पोरो बाताले अदिकार हिले।

युहनाल 6:25

अनि नहारता ओद पकाड येसुन मिलेमातुरक असके, “हे गुरुजि, निमा इगा बसके वाति?” इदाम ओरक पुच्चेमातुरक।

बुतोंग 24:16

इन्जोर परमेस्वरना मुने अनि मानेयना मुने खरोय मन्ता इदाम नना विस्वास किन्तोना ओद पोल्लो कियान साटि नना दरोज आपुनास कोसिस किन्तोना।

बुतोंग 24:25

मति परमेस्वरना मुने येताना योग्य आयाना, अनि आपुनतुन नियन्त्रन किस मन्दाना अनि परमेस्वर सबोय लोकुरकुन न्याय कियान साटि वायवाल मन्तोर ओद आकरि न्यायता दिया इदाम पोल्लोता बारेते पोलुस चर्चा किसोर मतोर, असके फेलिक्स वरियस उत्तर हितुर: “इदेक हन, बेरा हुळस नना असा निकुन केयका।”

रोमि 12:2

अनि निमाट इद सन्सारता लोकुरक लेहका बनेमायमाट मति परमेस्वरतुन मिया मन्दुन बदले किया हिम्ट। अनि ओर मिकुन पुनाल मानेय बनेकियानुर असके परमेस्वर साटि सोबाय अनि ओना गिरदा कियाना बुतो बाताल मन्ता इन्जोर मिया बारेता ओना सबोय इच्चातुन मिकुन समजेमायार।

रोमि 6:12

इन्जोर निमाट पापता इच्चाता अनुसार ताकमाट इन्जोर मिया नाश आयवाल मेन्दुलतिगा पाप बसकेय अदिकार केमाकिर।

रोमि 6:19

नना मिया मेन्दुलता कमजोरिता कारण मानेयता रितिते इन्तोना। निमाट आपुना मेन्दुलतुन व्यभिचार अनि सबोय प्रकारता खराब बुतोता दास इन्जोर मुने सोपेकिस मतोरिट। अदामे इदेक आपुना मेन्दुलतुन पवित्रता साटि दारमिकताता दास इन्जोर सोपेकिम्ट।

रोमि 8:13

बाक्याकि निमाट पापि मेन्दुलता इच्चाता अनुसार जिवेमायकिट ते हायानाता योग्य दन्ड पुटार मति निमाट पवित्र आत्माता द्वारा मेन्दुलता इच्चातुन जिकिकिट ते अनन्त जिवन्ते मनकिट।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

२ कुरिन्थुस 7:1

इन्जोर हे नावोर बायि-दादालोरक, इव वाचांग माकुन पुटतांग इन्जोर वराट माक परमेस्वरना मुने आपुना मेन्दुलता अनि आत्माता अशुद्ध किन्ता पोल्लोंग सबोय हरचिस परमेस्वरतुन मानेमास पवित्रतातुन पुरा केविट।

गलाति 1:4

प्रबु येसु मसिनिकेडाल मिकुन दया अनि शान्ति पुटसोर मनि,

गलाति 5:24

अनि बोर येसु मसिनोर मन्तोर ओरक आपुना मेन्दुलता खराब स्वभाव अनि अदेना इच्चातुन कुरुस पोरो अन्जिहतोरक मन्जे आपुना मेन्दुलता खराब स्वभावतुन पुरा तासितोरक।

इफिसुस 1:4

अनि माक ओना मुने पवित्र अनि निरदोष मन्दान साटि दुनियाता उत्पत्ति आयानाता मुने येसु मसिना कारण माकुन मया किस आचतुर।

इफिसुस 2:2

ओदेनते निमाट पहले आबारता दुष्टात्मांगता राजान अनि बोर आग्यातुन मानेमायोरक ओरिगा बुतोकिन्तोर ओव आत्मातुन केन्जुन इद सन्सारता गलति हरिते इद दुनियाता लोकुरा लेहका निमाट ताकसोर मतोरिट।

कुलुसि 1:22

मिकुन आपुना टोडि मुने पवित्र अनि निष्कलन्क अनि निरदोष बनेहकिस हाजर केविर इन्जोर ओर इदेक मसि शारिरिक मेन्दुलतिगा हायानाता द्वारा मिकुन वने मिले कितुर ते निमाट केन्जता ओद सोबाता पोल्लोतिगा हिता आशाताल निमाट बदलेमायमाट अनि स्थिरता अनि मजबुतासंग निमाट ओद सोबाता पोल्लोतिगा विस्वास किसोर मन्ट।

१ तिस्लुनि 4:7

बाक्याकि परमेस्वर माकुन अशुद्धि आयान साटि आयो मति पवित्र आयाना साटि केयतुर।

१ तिस्लुनि 4:9

अनि सबोय विस्वासि लोकुरकुन मया कियानाता बारेते मिकुन कोटानाता जरुरि हिले इन्जोर निमाट पुन्तोरिट, बाक्याकि निमाट आपसते मया किम्ट इन्जोर परमेस्वर मिकुन करिहतोर।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ तिमुति 6:17

इद दुनियाता धनि मानेयकुन पकाय अभिमानि बने केमा अनि वान्ता दान्ता धनतिगा आशा इरमाकिर इन्जोर करहा, बाक्याकि आपुना गिरदा साटि सबोय चिजनुंग पकाय हिन्तोर ओर परमेस्वरनिगा आशा इरविर।

१ तिमुति 6:9

अनि सावकार आयाना इच्चा किन्तोर ओर लोकुरक परिक्षातिगा अनि नाशता फन्दातिगा अरस पकाय व्यर्थ अनि दोखाता लालचते ओरा नाश आयार अनि परमेस्वर ओरकुन सोळेकियानुर।

२ तिमुति 3:12

अनि येसु मसिनिगा विस्वास किस पवित्र जिवन जिवेमायाना विचार किन्तोरक सबोय लोकुरकुन पकाय तकलिप आयार,

२ तिमुति 4:10

अनि देमास इद दुनियाता पोल्लोतुन मया किसुन नाकुन विळिच तिस्सलुनिका सहेरतिके हतुर। अनि क्रेसकेस गलातियातिके हतुर अनि तितुस दलमतियातिके हतुर।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

यहुदि 8:11

अनि बोरे मानेय आपुना देशतिगा मन्वालोरकुन अनि आपुना तमोलोरकुन प्रबुन पुन्ट इदाम करिहस हियाना जरुरि हिले आयार। बाक्याकि ओरागडाल हुडलोरताल हजोहवनाह सबोय लोकुरक नाकुन पुन्दानुरक।

याकुब 1:27

अनि अनाथ अनि रान्डिह आसकना गरिब परिस्थितिते मदत कियाना अनि दुनियाता गलतिताल आपुनतुन पिसहाना ओद मावोर बाबो परमेस्वरना हेरे शुद्ध अनि सोबाय भक्ति मन्ता।

२ पतरस 2:9

परमेस्वरना मुने येताना योग्य लोकुरकुन पकायि तकलिपताल बदाम पिसहाना, अनि परमेस्वरना नियमता विरोदते ताकवाल पापि लोकुरकुन न्यायता दियावनाह दन्ड हियान साटि बदाम इरिला पहाजे इदेन प्रबु पुन्तोर।

२ पतरस 3:11

इव सबोय चिजक इदे रितिते पिघलेमायवाल मन्तांग इन्जोर आबार किसते पिघलेमायार, अनि ब्रंमान्डता सबोय चिजक पकाय कासते पिघले मायनुंग, अनि परमेस्वर सबोय लोकुरकुन न्याय कियान साटि वायान ओद दिया हर हुळस ओद दिया सान्डे वायाना साटि कोसिस किस,

१ युहनाल 2:27

मति येसु मसि मिकुन हिता ओर पवित्र आत्मा मियासंग मन्दार। अनि ओर पवित्र आत्मा मिकुन सबोय पोल्लोंग करहान्तोर इन्जोर मिकुन बोरायि बाताले करिहानाता जरुरि हिले। अनि पवित्र आत्मा मिकुन करहिता ओद पोल्लो खोटाल आयो मति खरोय मन्ता इन्जोर बदाम ओर मिकुन करहीतोर अदामे निमाट ओनासंग मन्ट।

१ युहनाल 2:6

नना ओनासंग मन्तोना इदाम बोरायि इन्तोर ते बदाम येसु ताकिन्दुर अदामे ओर वने ताकिला पहाजे।

१ युहनाल 5:19

अनि माक परमेस्वरताल मन्तोरोम इन्जोर माक पुन्तोराट, अनि सबोय दुनिया ओर सयताना अदिकारता अडिय मन्तोर।

यहुदा 1:18

“आकरि दियाते आपुना अदरमता इच्चाता अनुसार ताकस प्रबुन मजाकेवालोर लोकुरक पसियानुरक” इन्जोर ओरक मिकुन इन्दुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:12

परमेस्वरना आग्या मानेमान्तोर पवित्र लोकुरा पोसोरिंग सहेनकियाना अनि येसुनिगा मन्ता विस्वास इगा जरुर मन्ता।