तितुस 2:10 - Muria Far Western

¹⁰ अनि मालकाना बोदायि चिजतुन कलमाकिर, अनि बाताल आयि केविर मति इमान्दारिते केविर अनि अदामे दुसरो लोकुरकुन वने मावोर पिसिहवाल परमेस्वरना करहिता पोल्लो सोबाय आकर्षन केविर।

तितुस 2:10 Iomraidhean Croise

मत्ति 24:45

येसु असा इन्दिला आतोर, “आपुना लोतोरकुन ठहरे किता बेरा जेवन हेविर इन्जोर मालकाल अदिकारि ठहरे कितोर इमानदार अनि बुद्धिमान दास बोर मन्तोर?

मत्ति 5:16

अदामे दुसरो लोकुरक मिया सोबाय बुतोतुन हुळसुन स्वरगतिगा मन्तोर मिया बाबोना महिमा केविर इन्जोर मिया वेळिचि मानेयकना मुने मान्जि।”

लूका 1:47

अनि नावा आत्मा नावोर पिसवाल परमेस्वरताल पकाय गिरदा आत,

लूका 1:80

अनि युहन्ना नुनाल बरसोरिंग अनि आत्माता लावदे बरसोरिंग हजोर आतुर, अनि इस्रायेल लोकुरकुन प्रबुना पोल्लोता सन्देश वेहानाता मुने वने ओर वारु पल्लातिगा मन्जोर मतोर।

लूका 16:10

अनि हुचुन्सा पोल्लोतिगा बोर-आयि मानेय इम्मानदारिते मन्तोर ते ओर पकायतिगा वने इम्मानदारिते मन्दानुर: अनि हुचुन्सा पोल्लोतिगा बोर-आयि मानेय भरोसा योग्य हिलवेक, ओर पकायतिगा वने भरोसा योग्य हिलेर आयनुर।

युहनाल 12:6

अनि ओन गरिब लोकुरा बारेता चिन्ता मता इन्जोर ओर इद पोल्लो इनोर मति ओना हेरे डबुंग इराना जोरिया मता अनि ओर वरोर कलेर मतोर। अनि ओद जोरियातिगा बोद पयसांग निहिन्दुर ओर आपुना साटि टन्डिन्दुर इन्जोर इदाम इतुर।

१ कुरिन्थुस 4:2

इदेक परमेस्वर हिता बुतोतुन संभाले कियाना सोपे कितोर सबोय मानेय आपुना स्वामिनसंग इमानदार मन्दिला पहाजे।

इफिसुस 4:1

प्रबुना सोबाता पोल्लो वेहानाता कारण नना जेहलतिगा मन्तोना। परमेस्वर मिकुन केयतुर ओद केयानाता अनुसार जिवन जिवेमायिला पहाजे इन्जोर नना मिकुन विनन्ति किन्तोना,

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

१ तिमुति 1:1

मावा पिसिहवाल परमेस्वर अनि मावा आशा हेवाल येसु मसिना आग्याता अनुसार नना पोलुस येसु मसिना खास चेला बनेमास, विस्वासते नावोर मरि लेहका मन्तोन तिमुथियुसिन इद पत्र कोटान्तोना।

१ तिमुति 5:17

अनि मसिलोकुरा सभाता मुक्याल लोकुरकुन विशेषाल मेहनत किस प्रबुना पोल्लोतुन वेहवाल अनि करिहवाल लोकुरकुन पकाय आदर हिम्ट।

१ तिमुति 6:1

अनि आपुना मालकाना कय अडिय बुतो केवाल दास लोकुरक परमेस्वरना पोरो अनि खरोय कराहनातुन निन्दा आयमाकि इन्जोर आपुना मालकान हजोर आदर हियाला पहाजे इन्जोर समजेमाम।

१ तिमुति 6:3

अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।

तितुस 1:3

मति परमेस्वरना ठहरे किता अदे बेराते आपुना पोल्लो वेहानाता द्वारा ओर अनन्ता जिवनता ओद आशा प्रगट कितुर।

तितुस 3:4

असके पजा मावा पिसिहवाल परमेस्वरना दया अनि मया माक सबोय मानेयनिगा प्रगट आतु।

१ पतरस 2:12

बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 3:16

येसु मसिनिगा मिया सोबाय बुतोता निन्दा केवालोर लोकुरक मिया अपमान कियानपा लज्जा आयिर इन्जोर शुद्ध विवेकते मन्ट।

२ यहुनाल 1:9

अनि बोरायि मसिना बारेते माक करिहता खरोय उपदेश तासिस हनवालोर लोकुरकुन परमेस्वर हिले। बोरायि मसिना बारेता मावा करिहनातिगा स्थिर मन्तोर ओनासंग बाबो अनि मरि वने मन्तोर।