तितुस 1:7 - Muria Far Western

⁷ अनि मसिलोकुरा सभातोर अध्यक्षना कयदिगा परमेस्वरना सेवा सोपे कितोर, इन्जोर ओर निरदोष मनिर; घमन्ड केवाल आयमाकिर, ओर होंग केवाल आयमाकिर अनि दाळंगो उन्वाल आयमाकिर, अनि ओर वाहचमाकिर, खराब बुतो किसुन पयसांग कमेय केवाल आयमाकिर।

तितुस 1:7 Iomraidhean Croise

मत्ति 24:45

येसु असा इन्दिला आतोर, “आपुना लोतोरकुन ठहरे किता बेरा जेवन हेविर इन्जोर मालकाल अदिकारि ठहरे कितोर इमानदार अनि बुद्धिमान दास बोर मन्तोर?

लूका 12:42

अनि प्रबु पतरासिन इतुर, “बरोबर बेराते तिन्दा-उन्दा हेविर इन्जोर मालकाल सबोय नोवकरकनिगा मुक्याल बनेकितोर विस्वासयोग्य अनि बुद्धिमान भणडारि, बोर मन्तोर?

इफिसुस 5:18

दाळंगो उन्जुन बिगडेमायमाट, बाक्याकि इदेनते व्यभिचार आन्ता।

फिलिप्पि 1:1

मसि येसुनोर सेवा केवालोरक पोलुस अनि तिमुथियुस फिलिप्पि सहेरतिगा मन्वालोर मसि येसुनिगा विस्वास किन्तोरक सबोय पवित्र लोकुरक अनि मसिलोकुरा सभाता मुक्यालोरक अनि ओरकुन मदत केवालोर सेवक लोकुरकुन साटि इद पत्र कोटान्तोरोम।

तितुस 1:5

ते नना निकुन समुद्र नडुमता क्रेते नाटेना पिसताल बुतोतुन पुरा कियिला अनि नावा आग्या अनुसार नाट-नाटेनोर मसिलोकुरा सभाता मुक्याल लोकुरकुन आचकि इन्जोर निकुन क्रेते नाटेनिगा इरस वातान।

तितुस 2:3

इदामे परमेस्वरिन वरियस पवित्र जिवन जिवे मायींग, अनि दुसरोनागं चाहळिंग वळकसुन दुसरोन बदनाम केमाकिगं, दाळंगो उनमाकिंग मति दुसरोरकुन सबोय पोल्लोंग करहिंग इन्जोर सेळोह आसकुन वने करहा।

१ पतरस 4:10

बोन बोद वरदान परमेस्वरताल पुटता, ओर अदेन परमेस्वरना अलग-अलग प्रकारता वरदानतुन सोबाय केपसुन उपयोग केवाल भणडारि आस वरोर दुसरोना सेवा किम्ट।

१ पतरस 5:2

मिया कयते सोपे किता बेळांगता गोहडि लेहका मन्ता परमेस्वरना लोकुरकुन केपाट अनि इद जबरदस्तिते आयो मति परमेस्वरना इच्चाता अनुसार गिरदाते किम्ट, अनि डबुंगना लालुचते आयो मति ओरिगा मन लावेकिस किम्ट।

२ पतरस 2:10

विशेषाल बोर आपुना मेन्दुलता अनुसार अशुद्ध इच्चाता परके ताकान्तोरकुन अनि सबोय अदिकारतुन तुच्च मानेमान्तोरकुन वने। अनि ओरक खोटाल करिहवालोरक ओरा गलत बुतो कियान साटि पकाय हिमत मन्तोरक, अनि हजोर पदवालोरा वने निन्दा कियान साटि वरियोरक।