तितुस 1:5 - Muria Far Western

⁵ ते नना निकुन समुद्र नडुमता क्रेते नाटेना पिसताल बुतोतुन पुरा कियिला अनि नावा आग्या अनुसार नाट-नाटेनोर मसिलोकुरा सभाता मुक्याल लोकुरकुन आचकि इन्जोर निकुन क्रेते नाटेनिगा इरस वातान।

तितुस 1:5 Iomraidhean Croise

बुतोंग 11:30

ओरक डबुंग जमा किस बरनबास अनि शावुलना कयदे हितुरक। ओरक ओव डबुंग यहुदा प्रेदेशता मसिलोकुरा सभाता मुक्या लोकुरकनिके लोहतुरक।

बुतोंग 14:23

अनि पोलुस अनि बरनाबास मसिलोकुरा सबोय दल साटि मुक्याल लोकुरकुन ठहरे कितुरक, अनि उपास अनि प्रार्थनातासंग ओरक विस्वास किस मतोरक प्रबुना कयदे ओरकुन सोपे कितुरक।

बुतोंग 2:11

क्रेति टापुतोर अनि अरब देशतोर मन्तोरोम मावाकेडाल हुचुलोर लोकुरक यहुदिलोकुरक मन्तोरक अनि दुसरो हुचुलोर लोकुरक यहुदि दरम स्विकार कितोर मन्तोरक। इदाम माक अलग अलग देशतोर मन्तोरोम। मति माक आप-आपुना बोलिते ओरा निकेडाल परमेस्वरना हजो-हजोह बुतोता पोल्लो केन्जान्तोरोम” इन्जोर इतुरक।

बुतोंग 27:12

जहाज रोमाना शुभ जागा पोरोयता समुद्र टकाता जहाज रोमाना ओद जागा पिनिता बेरा मन्दान साटि सोबाय हिले आसि, इन्जोर अगडाल जहाजते बोदे रितिते आय परारते फिनिक्स अवस पिनिता दियांग अगा मनका इदाम ओराकेडाल पकायलोरक विचार कितुरक। फिनिक्स क्रेतेता उन्दि जहाज रोमाना जागा मता, ओद जागा दक्षिण-पश्चिम अनि उत्तर-पश्चिम रन्डास दिसाता मुने मता।

बुतोंग 27:13

दक्षिण भागताल वळिय हुस्तोय हुस्तोय वान्दु असके आपुना विचार पुरा आत इन्जोर हुळस ओरक जहाज रोमाना कचि ताहच क्रेते टापुता टकाता हेरेटाल जहाजते हन्दिला लागतुरक।

बुतोंग 27:21

ओरक पकाय दियांगवनाह उपास मतोरक। असके पोलुस ओरा नडुम नितस इतुर: “हे लोकुरक निमाट नावा पोल्लो मानेमायिला पहाजे आस मता। क्रेतेताल जहाजते वायो आस मनेरोम ते इद सन्कट वायो आस मनवार।

बुतोंग 27:7

माक पकाय दियांगवनाह जहाजते हुस्तोय हुस्तोय हन्ज कठिनताते कनिदुस नगरता मुने अवतोम। वळिय माकुन मुने हन्दिला हेवो आन्दु इन्जोर समुद्र नडुम मन्ता क्रेते टापुता टका हेरेटाल सलेमोने पोरोयता जागाता हेरेटाल मुने आस हतोम।

१ कुरिन्थुस 11:34

अनि खरोय बोरे करवस्ता मन्तोर ते ओर आपुना लोताले तिन्जवायिर। बाक्याकि निमाट सोबाय रितिते प्रबु जेवन साटि मिलेमाय परान्तोरिट असके परमेस्वर मिया न्याय किस मिकुन दन्ड हेवोर आयनुर। अनि नना पोलुस मलस वायका असके पिसतांग पोल्लोता बारेते मिकुन वेहका।

१ कुरिन्थुस 14:40

मति परमेस्वरना आरादनाता बेरा सबोय पोल्लोंग उचित रितिते अनि क्रमानुसार आयिला पहाजे।

१ कुरिन्थुस 4:17

इन्जोर प्रबुनिगा सोबाय विस्वास केवाल अनि इमान्दारि मन्तोर नावोर मरि लेहका नना मया किन्तोना ओर तिमुथियुसिन मिया हेरे लोहतोना। अनि नना बोद बोद जागातिगा दान्तोना ओद सबोय जागाता सबोय मसिलोकुरा सभातिगा नना करहितोना लेहका मसिसंग उन्दि आयानाते नाकुन पुटता पुनाल जिवनतिगा नना पोलुस बदाम ताकिला आतोना ओद पोल्लो ओर मिकुन आलहिच हियानुर इन्जोर ओनागा नावा विस्वास मन्ता।

कुलुसि 2:5

नना मियाताल लक मन्तोना ते वने दरोज मिया बारेते विचार किस मिया हेरे मन्तोना अनि मिया व्यवस्थित जिवनतुन अनि मसिनिगा मिया पकाय मजबुत विस्वास हुळस गिरदा आन्तोना।

१ तिमुति 1:3

अनि इफिसुस सहेरतिगा मन्ज सबोय खोटाल प्रकारता करहानातुन बन्द कियान साटि हुचुक लोकुरकुन आग्या हिम इन्जोर नना रोमि देशता मकदुनिया प्रदेशतिके हन्दानपा निकुन सोबाय समजेकिस मतोना,

२ तिमुति 2:2

अनि नना पकाय लोकुरा मुने परमेस्वरना पोल्लो वेहतुर अनि निमा वने अदेन केन्जति। अनि इद पोल्लोतुन दुसरोन वने करहान साटि योग्य मन्तोर ओर इमान्दार लोकुरा कयते इद पोल्लोतुन निमा सोपेकिम।

तितुस 1:12

अनि ओरिगाडाले वरोर दिमाक वाले मानेय इदाम इन्तोर, “क्रेते नाटेनिगा मन्वालोर लोकुरा खोटाल वळकानाता आदत मन्ता अनि क्रूर जानवर लेहका अनि ओरक पकाय लेहळालोर अनि कोळहि मन्तोरक।”