तितुस 1:2 - Muria Far Western

² अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

तितुस 1:2 Iomraidhean Croise

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

मत्ति 25:46

अनि येरक अनन्त काळता दन्ड भोगेमायान साटि दायनुरक मति परमेस्वरना मुने येताना योग्य बुतो केवाल लोकुरक अनन्त जिवनतिगा दायनुरक।”

मरकुस 10:17

येसु अगडाल पसियस हरिते हन्दिला आस मतोर असके वरोर मानेय वितसोर ओना हेरे वातुर अनि येसुना मुने मिन्डांग टेकेकिस ओन पुच्चेमातुर, “हे बेसतोर गुरु, अनन्त जिवन स्विकार कियान साटि नना बाताल कियाका?”

मरकुस 10:30

ते ओन इद दुनियातेय नुर पट लोन, तमो हेलाळ, अवाल बाबाल, बालक अनि डन्ड वने पुटार अनि अदेनासंग लोकुरकनिकेडाल मिकुन पकाय तकलिप वने पुटार। अनि वायाना काळते ओन स्वरगतिगा अनन्त जिवा वने पुटार इदाम नना मिकुन खरोय इन्तोना।

युहनाल 10:28

अनि नना अवेहकुन अनन्त जिवन हिन्तोना, अनि अव बसकेय नाश आयो आयनुंग। अनि बोरायि अवेहकुन मेहान साटि नावाताल उन्दोर आयनुर।

युहनाल 17:2

बाक्याकि बोन निमा नाकुन हितोन ओरक सबोय लोकुरकुन नना अनन्त जिवन हियाका इन्जोर निमा सबोय लोकुरकनिगा नाकुन अदिकार हितोन।

युहनाल 17:24

हे बाबो, दुनिया बनेमायानाता मुने निमा नावागा मया किस ओद महिमा नाकुन हितोन। इन्जोर निमा नाकुन हितोन ओर लोकुरक वने ओद महिमा हुळिर इन्जोर नना बगा मन्तोना अगा ओरक वने नावासंग मनिर इदाम नावा इच्चा मन्ता।

युहनाल 5:39

निमाट पवित्र पुस्तकतिगा पळकान्तोरिट बाक्याकि अगा मिकुन अनन्त जिवन पुटान्ता इन्जोर निमाट समजेमान्तोरिट अनि ओदेय पवित्र पुस्तक नावा गवाहि हिन्ता।

युहनाल 6:54

नावा मेन्दुल बोर तिन्तोर अनि नतुर उन्तोर असके अनन्त जिवन ओनाय मन्ता, अनि नना न्यायता आकरि दिया ओन असा जितो कियाका।

युहनाल 6:68

अनि शमोन पतरस येसुन उत्तर हितुर, “हे प्रबु माक बोना हेरे दाकोम? अनन्त जिवनता पोल्लो नियाय हेरे मन्ता।

बुतोंग 15:18

पकाय मुनेटाले सबोय पोल्लोतुन तोहवाल ओर प्रबु इन्तोर’ इदाम पवित्र पुस्तकतिगा कोटस मन्ता।

रोमि 1:2

(पवित्र पुस्तकतिगा परमेस्वरना पोल्लो वेहवालोरा द्वारा परमेस्वर मुनेय वाचा हिस मता येसु मसिना बारेता सोबाता पोल्लो) वेहान साटि

रोमि 16:25

परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

रोमि 5:2

मावोर प्रबु येसु मसिना द्वारा विस्वासता कारण परमेस्वरना दयाते माक इदेक मन्तोरोम ओद दयातिगा माक हतोम अनि माक परमेस्वरना महिमातिगा सहभागि आयकोम इन्जोर आशाते पकायि गिरदा किन्तोरोम।

रोमि 5:21

अदाम पाप हायानाता द्वारा लोकुरा पोरो बदाम राज कितु अदामे परमेस्वरना दयाते मावोर प्रबु येसु मसिना विस्वासता कारण परमेस्वरना मुने येताना योग्य बनेमास अनन्त जिवनतिके ओयान साटि राज केविर इन्जोर।

रोमि 5:4

माक आपुना पकाय तकलिपते वने पकायि गिरदा किन्तोरोम।

रोमि 6:23

इन्जोर पापता मजदुरि हायाना मन्ता मति परमेस्वरना वरदान मावोर प्रबु येसु मसिना द्वारा पुटता अनन्त जिवन मन्ता।

कुलुसि 1:27

इद पकाय आश्चरय अनि महत्व पुर्ण रहस्यतुन बोर यहुदि लोकुर आयोर ओर लोकुरकुन वेहका इन्जोर परमेस्वर इच्चा कितुर। अनि ओद रहस्य मन्जे महिमाता आशा मन्ता ओर येसु मसि ओनागा विस्वास केवाल मियासंगे मन्तोर।

१ तिस्लुनि 2:15

अनि यहुदिलोकुरक प्रबु येसुन अनि परमेस्वरना पोल्लो वेहवालोरकुन हव्कतुर अनि माकुन सतेहकितुरक। ओरक परमेस्वरतुन गिरदा केवोरक अनि ओरक सबोय लोकुरकुन होंग किन्तोरक

१ तिस्लुनि 5:8

माक विस्वासता अनि मयाता चिलम करसुन अनि टोपि लेहका पिसानाता आशा करसुन मनकाट बाक्याकि माक पियालता बालक मन्तोरोम।

१ तिमुति 6:12

विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

१ तिमुति 6:19

अनि इदाम वायाना काळते खरोय जिवन ओरकुन मिलेमायाना साटि सोबाता पायवा इरिर इन्जोर ओरकुन आग्या किम।

२ तिमुति 1:1

अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

२ तिमुति 2:13

अनि माक परमेस्वरनासंग अविस्वासते मन्काट ते वने ओर वाचातुन पुराकियानुर, बाक्याकि ओर बसकेय आपुना वाचा बदले केवोर अनि खोटाल पोल्लोंग वळकोर।

२ तिमुति 2:15

अनि परमेस्वर निकुन स्विकार कियान साटि योग्य अनि परमेस्वरना उचित सेवक आसुन निमा सोबाय मेहनत किम। अनि परमेस्वरना खरोय पोल्लोतुन खरोय रितिते करहा। अनि इदाम कियाकि ते प्रबुना मुने बसकेय निमा लज्जित आयो आयिकि।

तितुस 2:7

अनि निमा सबोय बुतोनुंग सोबाय किम अनि लयोरक लोकुरक वने अदामे कियाला पहाजे। अनि निमा ओर परमेस्वरना बारेते करिहकि ते इमान्दारिते करिहकि, अनि समजदारिते ओरक करिहतांग पोल्लोनुंग मानेमायिर,

तितुस 3:7

अनि परमेस्वर मावागा दया किसुन माकुन निरदोष बनेहकितुर इन्जोर माक अनन्त जिवा पुटार इदाम पकाय हजोर आशा मन्ता।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।

यहुदा 1:21

अनन्त जिवन साटि मावोर प्रबु येसु मसिना दयातुन हर हुळस आपुनतुन परमेस्वरना मयातिगा केपसोर मन्ट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:8

दुनियाता उत्पतिता बेराताल असकता बेळा पिलाता जिवनता पुस्तकतिगा पोरोय कोटोर दरतितोर सबोय लोकुरक ओद जानवरता आरादना कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:8

निमा हुळतोन ओद जानवर ओद पहले मता मति इदेक हिले अनि अडिय बचोन खोल मन्ता इन्जोर माक पुनोम अचोन हजोर पतियता किसिता गडदाताल वायवाल काळते पसियस अनन्त काळता नाश साटि वायवाल मन्ता; अनि ओद जानवर पहले मता मति इदेक हिले ते वने ओद वायवाल मन्ता ओद जानवरतुन दरतिता सृष्टिता सुरुताले जिवनता पुस्तकतिगा पोरोय कोटोर आतुरक दरतितोर लोकुरक ओद जानवरतुन हुळस चकेमायनुरक।