तितुस 1:16 - Muria Far Western

¹⁶ मति माक परमेस्वरदुन पुन्तोरोम इन्जोर ओरक इन्तोर, मति ओरक आपुना बुतोते परमेस्वरना आग्यातुन मानेमायोर अनि परमेस्वरतुन मानेमायोर इन्जोर परमेस्वर ओरकुन विरोद किन्तोर, अनि ओरक बोदे सोबाता बुतोतुन किया परोर।

तितुस 1:16 Iomraidhean Croise

रोमि 1:28

बसके ओर परमेस्वरना बारेते विचार कियाना वने विरोद कितुर असकेडाल परमेस्वर ओरकुन ओरा मन्दा बेकार विचार ओरा पोरो अदिकार कियाला हितुर। इन्जोर ओर बसकेय केमाकिर अदाम पकायि खराब बुतो ओर लोकुरक कितुरक।

इफिसुस 5:6

बोरायि मिकुन खोटाल करिहनाते दोखा हेमाकिर, बाक्याकि इवे बुतोता कारण परमेस्वरना दन्ड परमेस्वरना आग्या मानेमायोर लोकुरकनिग आन्ता।

१ तिमुति 1:9

अनि लोकुरक पापि मन्तोर इन्जोर परमेस्वर लोकुरक साटि नियमतुन हितुर इदाम माक समजेमान्तोरोम। अनि परमेस्वरना ओद नियमतुन तोळेकेवालोरक अनि परमेस्वरना ओद नियमतुन विरोद बुतोकेवाल लोकुरक अनि परमेस्वरतुन आदर केवोरक लोकुरक अनि दरोज पाप किस बसकेय पस्तेमायोरक अनि बोर प्रबुना मुने पवित्र जिवन जिवे केवोरक अनि बोर आपुना अवाल बाबोन हव्किन्तोरक अनि दुसरोन वने हव्किन्तोरक इदाम सबोय लोकुरक साटि परमेस्वर नियम हितुर,

१ तिमुति 5:8

अनि बोरे आपुना लोकुरक साटि विशेषाल आपुना लोतोरक साटि बाताले चिन्ता केवोरक ते ओरक आपुना विस्वासतुन तासिस अविस्वासिताल वने खराब मन्तोरक।

२ तिमुति 3:17

इन्जोर ओद पवित्र पोल्लो, परमेस्वरनिगा विस्वास केवालोरकुन सबोय सोबाय बुतो कियान साटि तेयार अनि योग्य बने कियार।

तितुस 3:1

अनि सरकारि अदिकारिना अदिकारते मनिरक अनि ओरा आग्या मानेमायिरक अनि बोदे खरोय बुतो कियान साटि तेयार मनिरक इन्जोर विस्वासि लोकुरकुन आलिहचिम,

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

१ युहनाल 2:4

अनि “नना ओन पुन्तोना” इन्जोर बोरायि इन्तोर अनि ओना आग्यातुन मानेमायोर ते ओर खोटाल मन्तोर, अनि ओनागा बाताले खरोय हिले।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:27

मति केवल बेळा पिलाता जिवनता पुस्तकतिगा पोरोय कोटता मन्ता ओर लोकुरक अगा दायनुरक। मति बोदे अपवित्र चिजक, लज्जाता बुतो अनि खराब बुतो केवालोरक बोरे अगा हनोर आयनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:8

मति वरियवालोर, अनि अविस्वासि लोकुरक, कपटि, अनि हव्कवालोरक, अनि व्यभिचारि लोकुरक, अनि होदाल बुतो केवालोर अनि मूरति पुजा केवालोर अनि सबोय खोटाल वळकवालोरा भाग किस अनि गंधकते पतियसोर मन्ता ओद तळायतिगा पुटार, इद दुसरो हामुर आन्दु।”