तितुस 1:10 - Muria Far Western

¹⁰ बाक्याकि पकाय लोकुरक खरोय करिहनातुन होंग किन्तोरक, ओरक आग्यातुन मानेमायोरक अनि पुकोट वळकवाल, अनि विशेषाल पिसाना साटि कतना जरुरि मन्ता इदाम करहान्तोर ओर लोकुरक दोखा हेवालोरक मन्तोरक।

तितुस 1:10 Iomraidhean Croise

मत्ति 23:14

(कपटि मन्तोरक हे नियमतुन करिहवालोरक अनि परीसि लोकुरक परमेस्वर मिकुन पकाय दन्ड हियानुर। निमाट रान्डिहना लोतुन दोखाते लुटे किन्तोरिट, अनि दुसरो लोकुरकुन तोहान साटि पकाय बेरावनाह प्रार्थना किसोर मन्तोरिट, इदेना कारण मिकुन पकाय दन्ड पुटार।)

बुतोंग 11:2

इन्जोर पतरस येरुसलेमतिगा वातुर असके कतना कितोर यहुदिलोकुरक ओनासंग वाद-विवाद कियाला लागतुरक।

बुतोंग 15:1

पजा यहुदियाताल हुचुक लोकुरक वास, “मूसाना नियमता अनुसार मिया कतना आयो ते मिया पिसाना आयिला परो” इन्जोर विस्वासि लोकुरकुन करिहला लागतुरक।

बुतोंग 15:24

मावानिगाडाल हुचुक लोकुरक अगा वास आपुना पोल्लोंगते मिकुन तकलिप किस मिया मन्दुन दुःख कितुरक इन्जोर माक केन्जतोम मति ओर लोकुरकुन माक बाताले आग्या हेवोम आसि।

बुतोंग 20:29

नावा हतपा पजा ओव बेळानुंग मानेमायोर पकाय दुष्ट हुन्डराह लेहका मन्तोरक लोकुरक मियागा वायनुरक ओर बेळांगना पोरो बोदे दया केवोर आयनुरक इन्जोर नना पुन्तोना।

गलाति 2:4

इद प्रश्न ओरक जुटाह करहिवाल यहुदि विस्वासि लोकुरा कारणते आत; माकुन यहुदि नियमता दास असा बनेहकियान साटि येसु मसिनिगा मावा स्वतन्त्रताता बारेते दोष लावे कियान साटि ओर जुटाह करिहवालोरक मकस वास मतोरक।

गलाति 3:1

हे निरबुद्धि गलातियातोर विस्वासि लोकुरक! मिकुन ते सबोय लोकुरा मुने येसु मसि कुरुस पोरो मिया साटि हातुर इन्जोर पकाय स्पष्ट रितिते तोहतान ते वने मिकुन बोर जादु किस मोहनिंग कितोर?

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

१ तिमुति 1:4

अनि खोटाल उपदेश करिहवालोरक आपुना पिळि पिळिता कालपनिक पिटेंग अनि आपुना दादा दादि लोकुरकना अनन्त वंशावलिता बारेते बहस किन्तोर, इदाम खोटाल उपदेश करिहवालोरकना सबोय पोल्लोतुन रोकेकिम बाक्याकि इद बहस परमेस्वरना योजना अनुसार आयो। अनि परमेस्वरना बुतोतुन परमेस्वरनिगा भरोसा किसुन कियाला पहाजे मति इद बहस खरोय विस्वासते मुने हन्दान साटि बसकेय मदत केवो।

१ तिमुति 1:6

अनि हुचुलोर लोकुरक परमेस्वरना खरोय पोल्लोतुन हरचुन काल्पनिक पिटो अनि अनन्त वंशावलिता बारेता बहसते भटकेमातुरक।

१ तिमुति 1:9

अनि लोकुरक पापि मन्तोर इन्जोर परमेस्वर लोकुरक साटि नियमतुन हितुर इदाम माक समजेमान्तोरोम। अनि परमेस्वरना ओद नियमतुन तोळेकेवालोरक अनि परमेस्वरना ओद नियमतुन विरोद बुतोकेवाल लोकुरक अनि परमेस्वरतुन आदर केवोरक लोकुरक अनि दरोज पाप किस बसकेय पस्तेमायोरक अनि बोर प्रबुना मुने पवित्र जिवन जिवे केवोरक अनि बोर आपुना अवाल बाबोन हव्किन्तोरक अनि दुसरोन वने हव्किन्तोरक इदाम सबोय लोकुरक साटि परमेस्वर नियम हितुर,

२ तिमुति 3:13

अनि खोटाल उपदेश करिहवालोर ओर लोकुरक सोबाय उपदेश करहान्तोर लेहका आपुना खोटाल उपदेश करहिन्तोर अनि खराब बुतो किसोर मन्दानुरक। अनि ओर लोकुरक दुसरोन दोखा किन्तोर अनि आपुन वने दोखा तिन्तोर।

२ तिमुति 4:4

अनि ओर खरोय उपदेशतुन केन्जोर मति ओरा आजि-दादा लोकुरक बनेकिता कालपनिक पिटोनिंग मानेमायनुरक इदाम उन्दि बेरा वायार।

तितुस 1:6

अनि बोरकुन निमा आचकि ओरक मसिलोकुरा सभाता मुक्याल लोकुरक निरदोष अनि उन्दि मुत्तेना मुजोहराल मनिर, ओनोर बालक प्रबुनिगा विस्वास केवालोरक मनिर, अनि ओरा बालक बोदे गलति हरिते हनवाल मनमाकिर अनि ओर अवाल-बाबो अनि मसिलोकुरा सभाता मुक्या लोकुरा पोल्लोता अधिनते मनवाल आयिर।

याकुब 1:26

अनि बोरायि मानेय आपुना वन्जेर पोरो काबु इरोर आयनुर अनि ओर आपुनतुन दोखा हिस आपुनतुन भक्ति केवाल लेहका समजेमायिर ते ओना भक्ति व्यर्थ आयार।

१ युहनाल 2:18

हे बालक, इद दुनियाता नाश आयानाता आकरि बेरा मन्ता! अनि मसिना विरोदि वायवाल मन्तोर इन्जोर निमाट केन्जतोरिट अनि अदेना अनुसार इदेक वने पकाय मसिना विरोद केवालोरक तेदीतोरक अनि इदेनते इद दुनियाता आकिरता बेरा आन्दु इन्जोर माक पुन्तोरोम।

१ युहनाल 2:4

अनि “नना ओन पुन्तोना” इन्जोर बोरायि इन्तोर अनि ओना आग्यातुन मानेमायोर ते ओर खोटाल मन्तोर, अनि ओनागा बाताले खरोय हिले।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:14

मति नाकुन निया विरुद हुचुक पोल्लोंग इन्दाना मन्ता; बाक्याकि इस्रायेल लोकुरकुन मूरतिहकुन चळेहकिता चिजक तिनिर अनि व्यभिचार केविर इदाम ओरा खरोय विस्वास तासिविर इन्जोर बालाकतुन करहिच हितोर ओर बिलामना करहानातुन मानेमान्तोरक हुचुलोरक लोकुरक निया हेरे मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:6

ते वने निमा निकलाव्य दलतोरा बुतोता होंग किन्तोन इदाम उन्दि सोबाय पोल्लो नियागा मन्ता, ओरा बुतोतुन नना वने विरोद किन्तोना।