रोमि 9:1 - Muria Far Western

¹ नना मसिना संबन्दते मन्तोना इन्जोर नना खोटाल वळकोन मति खरोय वळकान्तोना।

रोमि 9:1 Iomraidhean Croise

१ तिमुति 2:7

अनि येसु मसि कुरुस पोरो हातुर इन्जोर सबोय लोकुरकुन आपुना पापते लेहचियाना पुटार। अनि इद पोल्लोतुन यहुदि आयोर लोकुरकुन करहान साटि नाकुन वेहवाल अनि येसुना खास चेला आस आचतुर। अनि नावा इव पोल्लोंग खोटाल पोल्लो आयो मति पकाय खरोय मन्तांग।

रोमि 1:9

नना दरोजे मिकुन आलहिस परमेस्वरना इच्चाते बदाम आयि आकरिते मिया हेरे बसकेय वाय परका इन्जोर आपुना प्रार्थनातिगा नना दरोज परमेस्वरतुन विनन्ति किन्तोना,

गलाति 1:20

नना मिकुन कोटिला आतोना ओद बाताले खोटाल हिले इन्जोर परमेस्वर गवाहि मन्तोर।

फिलिप्पि 1:8

येसु मसिना मयाते मिया सबोय लोकुरकुन हुळान साटि नावा पकाय इच्चा मन्ता इन्जोर परमेस्वर गवाह मन्तोर।

२ कुरिन्थुस 11:10

अनि मसिना खरोयता गुण नावागा मन्ता इन्जोर अखिया प्रदेशतिगा नावा इद हजोरपणताल बोरे बन्द केवोर आयनुरक।

रोमि 8:16

माक परमेस्वतोर मरि आन्दोम इन्जोर ओर पवित्र आत्मा मावा आत्मातासंग मिलेमास गवाहि हिन्ता।

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

१ तिस्लुनि 2:5

माक बसकेय चापलुसि पोल्लो केवोम अनि माक मियाताल पयसांग येताना इच्चा बसकेय केवोम इन्जोर निमाट पुन्तोरिट, इदेक अदेन परमेस्वर वने गवाह मन्तोर।

२ कुरिन्थुस 12:19

माक इद सबोय माकुन पिसहान साटि इन्दिला आतोरोम इन्जोर निमाट लोकुरक बाताल इदेक वने समजेमास मनकिट बहे? परमेस्वरना मुने इदाम समजेमास सबोयि मसिना चेला आस इन्दिला आतोम। हे गोतियालोरक, इद सबोय पोल्लोंग निमाट विस्वासते मजबुत आयान साटि इन्दिला आतोरोम।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

१ तिमुति 5:21

अनि निमा आपुना मन्दे इद पोल्लोतुन स्विकार किसुन मानेमाम अनि बोदे बुतोतुन बोनागाय भेदभावते केमा इन्जोर परमेस्वर, येसु मसि अनि आचतोर स्वरगदूतकना मुने नना आग्या हिन्तोना।

२ कुरिन्थुस 11:31

नना खोटाल वळकोन इन्जोर मावोर प्रबु येसुनोर परमेस्वर अनि बाबो अनि दरोज धन्य मन्तोर ओर परमेस्वर पुन्तोर।

२ कुरिन्थुस 1:23

नना मिकुन बोदे तकलिप हेवोन आयिका इन्जोर इदेकवनाह कुरिन्थुस सहेरतिगा वायोन आतान इदेन परमेस्वर गवाहि मन्तोर।

रोमि 2:15

ओरा मन वने इदेनाय गवाहि हिन्ता, अनि ओरा चिन्ता ओरकुन दोषि इन्ता या ओरकुन निरदोष इन्ज ओर मूसाना नियमता बुतो आपुना मन्दिगा कोटता मन्ता इन्जोर तोहान्तोरक।

रोमि 9:2

नाकुन पकाय दुःख लागान्ता अनि नावा मन्दुन दरोज तकलिप आन्ता इन्जोर नावा मन्दा विचार पवित्र आत्मातासंग उन्दि आस नाकुन गवाहि हिन्ता।