रोमि 8:3 - Muria Far Western

³ मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

रोमि 8:3 Iomraidhean Croise

मरकुस 15:27

ओरक येसुनासंग रन्ड डाकुलोरकुन वरोर ओना तिन्दान कयबासा अनि दुसरोन डावो कयबासा कुरुस पोरो अन्जिहतुरक।

युहनाल 1:14

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

युहनाल 9:24

असके यहुदि अदिकारि लोकुरक आन्दराल मतोर ओर मानेयतुन दुसरो बेरा केयस, “परमेस्वरना महिमा किम बाक्याकि ओर मानेय पापि मन्तोर इदाम माक पुन्तोरोम” इन्जोर इतुरक।

बुतोंग 13:39

मूसाना नियमता द्वारा परमेस्वरना मुने येताना योग्य आय परवि आन्दिट मति येसुनिगा विस्वास किन्तोर सबोय लोकुरक येसुना द्वारा परमेस्वरना मुने येताना योग्य ठहरे मान्तोरक इन्जोर निमाट पुन्ट।

रोमि 3:20

इन्जोर मूसाना नियमता बुतोता कारण बोरे मानेय परमेस्वरना मुने येताना योग्य आय परोर मति मूसाना नियमता द्वारा आपुना पापता बारेते बराबर समजेमायनुर।

रोमि 6:6

माक असा पापता दास मनोम आयकोम इन्जोर पापते निन्दिता मावा मेन्दुल नाश आयान साटि मावा जुनाल पापि स्वभावता मानेय मसिनासंग कुरुसतिगा अन्जिहतोर इन्जोर माक पुन्तोरोम।

रोमि 7:18

नावागा बाताले सोबाता पोल्लोंग हिलेंग इन्जोर नना पुन्तोना। नना पाप स्वभावतोर मानेय मन्तोना। नना सोबाय पोल्लोंग कियाना इच्चा किन्तोना मति ओद सोबाय बुतो कियाला परोन।

रोमि 8:32

परमेस्वर आपुना मरिन वने पिसिहच इरोर आस माक सबोय लोकुर साटि बलिदान कियालाय सोपे कितोर ते ओर परमेस्वर मावा योजना किता सबोय पोल्लोंग बाक्या माकुन पकायि हेवोर आयनुर बहे?

रोमि 9:3

बाक्याकि नावोर प्रिय बायि-दादालोरक परमेस्वरताल लक आतोर आपुना वंशतोर लोकुरकुन परमेस्वरना हेरे ततान साटि नना मसिहाताल अलग आस परमेस्वरना सराप आयिका इन्जोर वने नना विचार किन्तोना।

२ कुरिन्थुस 5:21

मसिनिगा बोदे पाप हिले आसि माक ओना द्वारा परमेस्वरना मुने येताना योग्य ठहरे मायिला पहाजे इन्जोर परमेस्वर मावा पापतुन ओना पोरो इरस मावा पापता साटि बलि बनेहकितुर।

गलाति 3:13

“मरा पोरो वळहान्तोर ओर सरापते मन्तोर” इन्जोर पवित्र पुस्तकतिगा कोटता लेहका मसिहाल मावा सरापतुन आपुनानिगा येतस मूसाना नियमतिगा कोटता सरापताल माकुन लेहचितुर।

गलाति 3:21

ते बाताल मूसाना नियम परमेस्वरना वाचाता विरोदते मन्ता? बसकेय आयो! बाक्याकि इदाम मूसाना नियमतुन माकुन पुनाल जिवन हिस मनेर ते खरोय दारमिकता मूसाना नियमताल मन्वार।

फिलिप्पि 2:7

अनि ओर आपुनतुन दासता लेहका हुडलोर बनेकिस मानेय आस जनम आतुर अनि मानेय आस जिवेमातुर।

यहुदि 10:12

मति येर याजक मन्जे मसि ते पापता मापितुन सबोय काळ साटि आपुनतुन उन्दिय बलिदान हितुर अनि पजा ओर परमेस्वरना तिन्दान कयबासा हन्ज उदितुर।

यहुदि 10:14

बाक्याकि ओर आपुनतुन उन्दिय बेरा किता बलिदानता द्वारा परमेस्वर साटि लोकुरकुन पवित्र कितोर अनि ओरकुन सबोय काळ साटि परमेस्वरना मुने परिपूर्ण कितोर।

यहुदि 2:14

परमेस्वरना बालक मानेयक मन्तोरक इन्जोर परमेस्वरनोर मरि वने आपुनतुन अदामे कितुर। येसु मानेय आस वातुर इन्जोर हायानाता कारण मन्ता ओर सयतानतुन येसु आपुना हायानाता द्वारा हारे कितुर।

यहुदि 2:17

इन्जोर लोकुरकुन ओरा पापताल मापि पुटहान साटि परमेस्वरना सेवातिगा दया केवाल अनि विस्वासयोग्य मन्तोर हजोर याजक आस पापता मापि साटि बलि हिया परिर इन्जोर मावा लेहका येसु सबोय रितिते खरोय मानेय बनेहकियाना जरुरि मता।

यहुदि 4:15

मावासंग मन्तोर हजोर याजक मावोर कमजोरितिगांग पका मावासंगे मन्जुन माकुन मदत किन्तोर। ओर मावा लेहकाय पाप कियान साटि सबोय रितिते परिक्षा आतोर मन्तोर ते वने ओर बसकेय पाप केवोर।

१ पतरस 2:24

माक पाप संबन्दताल हास दारमिकता साटि जिवन जिवेमायकाट इन्जोर ओर आपुना मेन्दुलतिगा मावा पापतुन येचुन कुरुस पोरो अन्जतोर, ओना मार तिन्दानाता कारण निमाट चंगा आतोरिट।