रोमि 8:1 - Muria Far Western

¹ इन्जोर इदेक बोर येसु मसिनिगा विस्वास किन्तोर ओरकुन बोदे दन्ड साटि न्याय हिले। बाक्याकि ओरक पाप स्वभावता अनुसार आयो मति पवित्र आत्माता अनुसार ताकान्तोरक।

रोमि 8:1 Iomraidhean Croise

युहनाल 14:20

अनि नना आपुना बाबोनिगा मन्तोना अनि निमाट नावागा अनि नना मियागा मन्तोना इन्जोर ओद दिया निमाट पुन्किट।

युहनाल 15:4

अनि निमाट नावागा मन्ट अनि नना मियागा मनका। अनि कोहक टोन्डा मरातिगा मनोंग ते अव आपुने हादिला परोंग अदामे निमाट वने नावागा मन्वि आयकिट ते बाताले किया परवि आयकिट।

युहनाल 5:24

बोरायि नावा पोल्लो केन्जुन नाकुन लोहवालिन विस्वास किन्तोर ओना अनन्त जिवन मन्ता अनि ओना पोरो हायानाता दन्ड आयो मति ओर हायनाताल पिचिहच अनन्त जिवन पुटहितोर इन्जोर नना मिकुन खरोय खरोय वेहान्तोना।”

रोमि 16:3

नावासंग मसि येसुना सेवा किता हेलाळ प्रिसका अनि तमो अकिलान नावा नमस्कार इन्ट।

रोमि 16:7

अन्द्रिनीकुस अनि युनियासिन वने नावा नमस्कार इन्ट। ओरक नावोर यहुदिलोकुरक निगाडाल मन्तोरक अनि नावासंग जेहलतिगा वने मतोर। अनि येसुना खास चेला लोकुरक ओरकुन पकाय मानेमान्तोरक अनि नावा वने मुने ओरक मसिनिगा विस्वास केवालोर मतोर।

रोमि 5:1

इन्जोर माक आपुना विस्वासता कारण परमेस्वर साटि येताना योग्य ठहरे मास मावोर प्रबु येसु मसिना द्वारा मावोर परमेस्वरनासंग सोबाय संबन्द आतु।

रोमि 5:16

अनि वरोर मानेय आदमना पापता कारण तता काया लेहका आयो परमेस्वरना इद वरदान; वरोर मान परमेस्वरना नियम पालन केवोर आतुर ओद हायानाता दन्डता आग्या हियान कारण आतु। मति परमेस्वरना ओद वरदान माक पकाय बेरा पाप कितोम ते वने पजा मावा पापता मापि किस परमेस्वरना मुने माकुन येताना योग्य बनेकियाना कारण आत।

रोमि 7:17

इन्जोर नना पापता बुतो किन्तोना ते ओद केवल आपुना मन्दे केवोन बाक्याकि नना अदेन कियाना इच्चा केवोन। मति नावा लोपा उदिता पाप ओद गलति पोल्लोंग किन्ता।

रोमि 7:20

मति नना बोद बुतो कियाना इच्चा केवोन ओद किन्तोना ते ओद बुतो कियाना केवाल नना आयोन मति नावागा उदिता पाप मन्ता।

रोमि 8:11

अनि येसु मसिन हातोरिगाडाल असा जिवेहकिस मता परमेस्वरना आत्मा मियागा मन्ता ते ओर परमेस्वर पवित्र आत्माता लावते मिकुन हातोरिगाडाल असा जितो कियानुर।

रोमि 8:14

परमेस्वरना आत्माता इच्चा अनुसार ताकान्तोरक ओर लोकुरक परमेस्वरनोर मरि आन्दुरक।

रोमि 8:2

येसु मसि हिन्तोर ओर पवित्र आत्मा माकुन जिवन हिन्तोर। ओर पवित्र आत्मा मिकुन पापता अदिकारताल अनि पापता द्वारा वान्ता हायानाता योग्य दन्डताल स्वतन्त्र किन्तोर।

रोमि 8:34

पजा बोर ओरकुन दोषि ठहरे किया परान्तोर? इदाम बोरे हिलेर! बाक्याकि येसु मसि मावा साटि हातुर। इंगो, ओर हातोरिगाडाल असा जिवेमातुर अनि परमेस्वरना तिन्दान कय बासा उदितोर अनि परमेस्वरना मुने मावा साटि विनन्ति वने किन्तोर।

रोमि 8:39

मावोर प्रबु येसुनिगा मन्ता परमेस्वरना मयाताल माकुन अलग किया परोर इन्जोर नना खरोय पुन्तोना।

रोमि 8:4

माक इदेक पाप स्वभावता इच्चाता अनुसार आयो मति इदेक परमेस्वरना नियम पुरा आयान साटि पवित्र आत्माता अनुसार जिवित मन्तोरोम।

रोमि 8:9

मियागा परमेस्वरना आत्मा मन्ता इन्जोर निमाट पापि स्वभावता अदिकारते हिलविट मति पवित्र आत्माता अदिकारते मन्तोरिट। मसिना आत्मा हिले ते ओरक मसिना लोकुरक आयोरक।

१ कुरिन्थुस 1:30

परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।

१ कुरिन्थुस 15:22

अनि आदमना पापतिगा सहभागि आस माक सबोय लोकुरक हान्तोरोम अदामे बोर मसिनासंग संबन्द जोळेमाता ओरकुन वने उन्दि दिया जिवेहकियानुर।

२ कुरिन्थुस 12:2

मसिनिगा वरोर मानेयतुन नना पुन्तोना ओन चवदा वरसाता मुने तिसरो स्वरगतिगा ताहच मतोर, इदाम मेन्दुल संग आस मता या बिना मेन्दुलसंग आस मता इद नना पुनोन मति परमेस्वर इद पोल्लोतुन पुन्तोर।

२ कुरिन्थुस 5:17

इन्जोर मसिना संगते मन्तोर ओर मानेय पुनाल सृष्टि मन्तोर; जुनाल पोल्लोंग मारतुंग अनि इदेक सबोय पुनाल आतुंग।

गलाति 3:13

“मरा पोरो वळहान्तोर ओर सरापते मन्तोर” इन्जोर पवित्र पुस्तकतिगा कोटता लेहका मसिहाल मावा सरापतुन आपुनानिगा येतस मूसाना नियमतिगा कोटता सरापताल माकुन लेहचितुर।

गलाति 3:26

बाक्याकि येसु मसिनिगा विस्वासता द्वारा निमाट सबोय लोकुरक परमेस्वरना बालक आयकिट।

गलाति 3:28

इदेक यहुदि अनि युनानि इदाम हिलेर, दास अनि स्वतन्त्र इदाम हिलेर, मानेय अनि आळ इदाम हिले, बाक्याकि निमाट सबोय लोकुरक येसु मसिनिगा उन्दि मन्तोरिट।

गलाति 5:16

मति पवित्र आत्माता अनुसार ताकाट ते निमाट मेन्दुलता वासना बोदे रितिते पुरा केविट आयकिट इन्जोर नना इन्तोना।

गलाति 5:25

बाक्याकि पवित्र आत्माता द्वारा माक पुनाल जिवन्ते मन्तोरोम ते पवित्र आत्माता अनुसार ताकिला वने पहाजे।

इफिसुस 1:1

परमेस्वरना इच्चाते येसु मसिना खास चेला पोलुस, इफिसुसतिगा मन्वालोरक येसु मसिनिगा विस्वास किन्तोरक ओरक पवित्र लोकुरक साटि कोटिन्तोना।

फिलिप्पि 3:9

अनि मूसाना नियमता द्वारा पुटता दारमिकता आयो मति येसु मसिनिगा मन्ता विस्वासता कारण परमेस्वरताल पुटता दारमिकताता अनुसार ओनासंगे उन्दि जिवाते मन्दाना साटि अनि,