रोमि 7:4 - Muria Far Western

⁴ इन्जोर हे बायि-दादालोरक, मसिना मेन्दुलता द्वारा मूसाना नियमता संबन्दताल निमाट वने हातोरिट। इदेनते निमाट दुसरोनासंग संबन्द आयकिट इन्जोर इदाम आतु। ओर दुसरोर हातोरिगाडाल जिवेमातोर ओर येसु मसि मन्तोर, इदेना द्वारा माक वने परमेस्वर साटि सोबाय बुतोता फसलकिया परकाट इन्जोर मन्ता।

रोमि 7:4 Iomraidhean Croise

मत्ति 26:26

ओरक तिन्दिला आस मन्दुरक असके येसु रोटितुन पयतुर अनि परमेस्वरना धन्यवाद किस रोटितुन किळिहतुर अनि चेलालोरकुन हितुर, “इद येचुन तिन्ट, इद नावा मेन्दुल आन्द” इन्जोर इतुर।

मरकुस 4:20

अनि सोबाय जागादिगा वीतिता ओद विजा परमेस्वरना पोल्लो केन्जुन स्विकार किन्तोरेय मन्तोरक, येरक तिस पट, साट पट, अनि नुर पट कायांग ततान्तोरक।”

युहनाल 15:8

अनि निमाट पकाय कायांग हादिहकिट ते नावोर बाबोन हजोर मान पुटान्ता, अदाम निमाट नावोर चेला ठहरे मायकिट।

युहनाल 3:29

अनि दुलहिनसंग मरमिंग कियाला दान्तोर ओरे दुलहाल आन्दुर। मति दुलहालना गोतियाल ओना हेरे नितस दुलहान केन्जान्तोर, अनि ओर दुलहाना पोल्लोते पकाय गिरदा आन्तोर इदाम लेहका नना वने येसुनोर मदत केवाल गोतियाल आन्दान अनि ओना बारेते केन्जुन इदेक नावा गिरदा पुरा आतु।

युहनाल 6:51

अनि स्वरगता रेयता जिवनता रोटि ननाय आन्दान बोरायि इद रोटितिगाडाल तिनिर ते ओरक दरोज साटि जितो मन्दानुरक। अनि नना हियाका ओद रोटि दरतिता लोकुरकुन जिवेमायान साटि हियाना नावा मेन्दुल आन्दु।”

रोमि 6:11

अदामे मिया वने पापता संबन्दते हातु अनि पापता बोदे परिक्षा मावागा अदिकार हिले इन्जोर विचार किस इदेक निमाट येसु मसिनिगा केवल परमेस्वर साटि जिवित मन्तोरोम इदाम समजेमाम्ट।

रोमि 6:14

निमाट मूसाना नियमता मदतते आयो मति परमेस्वरना दयाता मदतते जिवेमान्तोरिट इन्जोर मियागा पापता अदिकार ताको आयार।

रोमि 6:2

माक पापता संबन्दते हातोम इन्जोर हाता ओद पापता संबन्दते माक असा बदाम जिवेमायिकोम?

रोमि 6:22

मति इदेक पापताल स्वतन्त्र आस अनि परमेस्वरना दास आयानाता कारण निमाट पवित्रतातुन पुटिहतोरिट। अदेना परिणाम अनन्त जिवन मन्ता।

रोमि 7:3

मुजो जिवित मन्दानपा ओद आळ बोरायि दुसरो मानेयनासंग संबन्द कियाकि ते अदेन व्यभिचारणि इन्तोरक। मति अदेनोर मुजो हान्तोर ते मरमिंगना बारेता मूसाना नियम अदेन लागु आयो अनि इन्जोर साटि ओद दुसरो मानेयना मुत्ते आन्ता ते वने ओद व्यभिचारणि आयो।

रोमि 7:6

मति इदेक माकुन उन्दि बेरा बन्दि बनेकिस मता ओद नियमतुन मावागा बाराय अदिकार हिले। बाक्याकि माक येसु मसिनासंग हातोम अनि इदेक जुनाल कोटता नियमताल आयो मति आत्माता पुनाल रितिते माक आपुनोर स्वामि परमेस्वरना सेवा किन्तोरोम इन्जोर माकुन नियमताल लेहचितुर।

रोमि 8:2

येसु मसि हिन्तोर ओर पवित्र आत्मा माकुन जिवन हिन्तोर। ओर पवित्र आत्मा मिकुन पापता अदिकारताल अनि पापता द्वारा वान्ता हायानाता योग्य दन्डताल स्वतन्त्र किन्तोर।

१ कुरिन्थुस 10:16

अनि प्रबु जेवनता बेरा माक परमेस्वरतुन धन्यवाद किस अंगुरता जोमा उन्तोरोम असके मसिना नतुरता संगत बनेमान्तोरोम। अदाम माक रोटि किळहिच तिन्तोरोम असके माक मसिना मेन्दुलता संगत बनेमान्तोरोम।

२ कुरिन्थुस 11:2

परमेस्वर मिकुन पकाय मया किन्तोर अदामे नना वने मिकुन मया किन्तोना। बाक्याकि सोबाय स्वभावता लयान मरमिंग साटि वरोर दुलहान सोपे कियाना लेहका नना मिकुन केवल मसिन सोपेकियान साटि ओनासंग हेयना मांगळिंग कितान।

गलाति 3:13

“मरा पोरो वळहान्तोर ओर सरापते मन्तोर” इन्जोर पवित्र पुस्तकतिगा कोटता लेहका मसिहाल मावा सरापतुन आपुनानिगा येतस मूसाना नियमतिगा कोटता सरापताल माकुन लेहचितुर।

गलाति 5:18

मति निमाट पवित्र आत्माता मार्गदर्शनते ताकान्तोरिट ते मूसाना नियमता अदिकारते मनमाट।

इफिसुस 2:15

उन्दि वेटाड लेहका लोकुरकुन अलगो किस मता येहुदि लोकुरा सबोय नियम अनि अदेना आदेशता कानुनतुन येसु मसि आपुना बलिदानता द्वारा बन्द कितुर।

फिलिप्पि 1:11

अनि येसु मसिताल पुटिहच परमेस्वरना मुने येताना योग्य बुतोंगता सोबाय गुणक आपुना जिवनते येचुन आपुना बुतोते प्रगट कियाकिट अनि अदेनते परमेस्वरना महिमा अनि स्तुति आसोर मनि इन्जोर नना इद प्रार्थना किन्तोना।

फिलिप्पि 4:17

नना असा दानता इच्चा किन्तोना इदाम आयो मति निमा इदाम हियानाता द्वारा परमेस्वरताल आशिष मिकुन पुटहिला पहाजे इदाम नावा इच्चा मन्ता।

कुलुसि 1:10

निमाट प्रबुना योग्य चाल-चलन किस पवित्र आत्मा हिन्तोर ओद सबोय ग्यान अनि समजेमायानातासंग परमेस्वरना इच्चातुन पुरा रितिते पुन्ज मियागा सबोय प्रकारतांग भल्लो बुतोता कायांग प्रगट किस सबोय प्रकारते ओन प्रसन्न किस निमाट परमेस्वरिन बराबर पुन्ज बरसोरिंग हन्ट।

कुलुसि 1:22

मिकुन आपुना टोडि मुने पवित्र अनि निष्कलन्क अनि निरदोष बनेहकिस हाजर केविर इन्जोर ओर इदेक मसि शारिरिक मेन्दुलतिगा हायानाता द्वारा मिकुन वने मिले कितुर ते निमाट केन्जता ओद सोबाता पोल्लोतिगा हिता आशाताल निमाट बदलेमायमाट अनि स्थिरता अनि मजबुतासंग निमाट ओद सोबाता पोल्लोतिगा विस्वास किसोर मन्ट।

कुलुसि 1:6

निमाट अदे सोबाता पोल्लो केन्जतिट अनि परमेस्वरना दयाता बारेता खरोयतुन सबोय रितिते समजेमातोरिट ओद दियाताल मिया जिवन बदाम बदलेमातु अनि परमेस्वरना स्वभावतुन मिया जिवाते सोबाता कायांग लेहका प्रगट किन्ता अदामे सबोय जागातिगा वने ओद सोबाता पोल्लो लोकुरा जिवनतुन बदलेहकिस सोबाता कायांग ततसोर मन्ता।

कुलुसि 2:14

अनि मावा दन्डता कारण आस मावा विरुद कोटता मता ओद सबोय नियमतुन ओर मावा नडुमताल गुचिहच अदेन कुरुस पोरो कोहक्स मावा पापतुन मापि हिस ओनासंग माकुन जिवे किसिहतुर।

कुलुसि 2:20

निमाट मसिनासंग हातोरिट अनि लोकुरक पालन कियाना साटि मानेय बनेहकिता सन्सारता नियमताल स्वतन्त्र कितुर ते इद दुनियाता रितिते व्यवहार केवाल लोकुरा लेहका सन्सारता नियमता अनुसार:

यहुदि 10:10

परमेस्वर आपुना इच्चाता अनुसार येसु मसिना मेन्दुल दरोज साटि उन्दिय बेरा बलिदान हियानाता द्वारा परमेस्वर माकुन पवित्र कितोर।

१ पतरस 2:24

माक पाप संबन्दताल हास दारमिकता साटि जिवन जिवेमायकाट इन्जोर ओर आपुना मेन्दुलतिगा मावा पापतुन येचुन कुरुस पोरो अन्जतोर, ओना मार तिन्दानाता कारण निमाट चंगा आतोरिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:7

इन्जोर वराट, माक गिरदा किस ओना महिमा कियाकाट, बाक्याकि बेळा पिलाता मरमिंग अवता अनि ओना दुल्हि आपुनतुन तयार किता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:9

पजा आकरिता सात पकाय तकलिपते निन्दितांग सात कटोरा मतांग ओर सात स्वरगदूतकनिगाडाल वरोर स्वरगदूत नावा हेरे वास नाकुन इतुर, “हिके वाय, नना निकुन बेळा पिलाता मुत्ते आयार ओद दुल्हिन तोहका” इन्जोर इतुर।