रोमि 5:2 - Muria Far Western

² मावोर प्रबु येसु मसिना द्वारा विस्वासता कारण परमेस्वरना दयाते माक इदेक मन्तोरोम ओद दयातिगा माक हतोम अनि माक परमेस्वरना महिमातिगा सहभागि आयकोम इन्जोर आशाते पकायि गिरदा किन्तोरोम।

रोमि 5:2 Iomraidhean Croise

मत्ति 25:21

ओनोर स्वामि ओन इतुर, ‘वा! सोबाय अनि इमानदार दास निमा हुचुक डब्बुना बारेते विस्वासते मतोन, नना निकुन पकाय चिजता अदिकारि बनेहकियाका। आपुना स्वामिना गिरदातिगा सहभागि आम’ इन्जोर इतुर।

युहनाल 10:7

अनि अदेना अर्थ ओरकुन समजेमायो इन्जोर असके येसु असा ओरकुन इतुर, “नना मिकुन खरोय खरोय इन्तोना कोळकाता टाटरा ननाय आन्दान।

युहनाल 10:9

अनि टाटरा ननाय आन्दान। बोरायि नावा द्वारा लोपा दायनुर ओन पिसानुर अनि ओर लोपा वाय परान्तोर अनि बाहरो हन्दिला परान्तोर। अनि बारायि ओना जरुरि मन्ता ओन ओद पुटार।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 5:24

बोरायि नावा पोल्लो केन्जुन नाकुन लोहवालिन विस्वास किन्तोर ओना अनन्त जिवन मन्ता अनि ओना पोरो हायानाता दन्ड आयो मति ओर हायनाताल पिचिहच अनन्त जिवन पुटहितोर इन्जोर नना मिकुन खरोय खरोय वेहान्तोना।”

बुतोंग 14:27

ओरक अगा अवतुरक अनि पजा मसिलोकुरा सभातुन उन्दि जागा केयस जमा कितुरक अनि परमेस्वर ओरासंगे मन्जोर बदाम हजो-हजोह बुतो किस यहुदि आयोर लोकुरक साटि विस्वासता कवाळ तरियतुर इन्जोर ओरा मुने वेहतुरक।

रोमि 11:20

इद खरोय मन्ता। ओर यहुदिलोकुरक मसिनिगा विस्वास इरोरक इन्जोर ओरकुन कदियस वाटतोर मति निमाट विस्वास इरतिट इन्जोर मिकुन जोळे किस कलम कितोर इन्जोर निमाट घमन्ड केमाट। मति वरियसोर मन्ट।

रोमि 12:12

निमाट आपुना आशाता बारेते गिरदा किम्ट अनि मिकुन सन्कट वायार असके हिमते मन्ट। अनि दरोज प्रार्थना किसोर मन्ट।

रोमि 14:4

अनि परमेस्वर ओरा मालकाल मन्तोर अनि ओरक परमेस्वरना सेवक मन्तोरक इन्जोर दुसरोना सेवकिन दोष लावे केवालोर निमाट बोर आन्दिट? इदाम न्याय कियाना अदिकार मिकुन हिले। बाक्याकि ओरक दोषि मन्तोर या हिलेर, अनि बोद कियाला पहाजे ओरक किन्तोरक या केवोर इद न्याय कियाना अदिकार ओरा मालकान मन्ता। अनि प्रबु ओरकुन येताना योग्य ठहरे किन्तोर।

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

रोमि 3:23

बाक्याकि सबोय लोकुरक पाप किसुन परमेस्वरना महिमाता योग्य मनोर आतुरक,

रोमि 5:5

अनि आशा माकुन बसकेय लज्जा आयिला हेवो बाक्याकि परमेस्वर माकुन पवित्र आत्मा हितोर अनि ओर पवित्र आत्माता द्वारा परमेस्वरना मया मावा मन्दिगा पकाय हितोर।

रोमि 8:1

इन्जोर इदेक बोर येसु मसिनिगा विस्वास किन्तोर ओरकुन बोदे दन्ड साटि न्याय हिले। बाक्याकि ओरक पाप स्वभावता अनुसार आयो मति पवित्र आत्माता अनुसार ताकान्तोरक।

रोमि 8:24

परमेस्वरताल माकुन मुक्ति पुटतु असके माक इद आशा पुटतु। मति माक बोद आशा किन्तोरोम अदेन हुळान्तोरोम ते ओद आशा मनो आन्ता। बाक्याकि बोद चिजतुन बोरे हुळिला आतोर अदेना आशा बाक्या कियानुर?

१ कुरिन्थुस 15:1

हे नावोर बायि-दादालोरक, निमाट मानेमास मजबुते स्थिर मन्तोरिट ओद सोबाता पोल्लो नना बदाम मिकुन मुने वेहतोना इन्जोर नना मिकुन असा आलहिच हियाना कोसिस किन्तोना।

२ कुरिन्थुस 3:18

इन्जोर दुपटा बदलेमाता चेहराते प्रबुना महिमा आरसाता लेहका प्रतिबिंब किन्तोरोम। इदाम माक सबोय लोकुरक आत्मा मन्तोर ओर प्रबुना ओद मान्जाना रूपतिगा हुळुक हुळुक आसोर ओना ओदे रूपता लेहका माक वने बदले मासोर दान्तोरोम।

२ कुरिन्थुस 4:17

मावा घळिमेटा तकलिप मावा साटि पकाय महत्वता मन्ता बाक्याकि अदेनते अनन्त जिवनता महिमा उत्पन्न आयाना कारण आन्ता। इद महिमा दुसरो बगाय पुटो।

इफिसुस 2:18

बाक्याकि ओनाय द्वारा माक इवुरास उन्दि आत्मातिगा बाबोना मुने हन्दिला परान्तोरोम।

इफिसुस 3:12

मसिनिगा विस्वासता कारण माक हिमतते अनि भरोसाते परमेस्वरना हेरे वायाना अदिकार मन्ता।

इफिसुस 6:13

इन्जोर साटि निमाट खराब दियांगतिगा सयताना युक्तिता विरुद पकाय लावदे नितस परकिट अनि सबोय युद्ध पुरा किस स्थिर मन परकिट इन्जोर परमेस्वरना सबोय हत्यारतुन दोहाट।

२ तिस्लुनि 2:16

अनि मावोर प्रबु येसु मसि अनि मावोर बाबो परमेस्वर माकुन मया किन्तोर अनि ओना दया माकुन प्रोत्साहन अनि सोबाय आशा हिता।

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

यहुदि 6:18

ते इगा रन्ड पोल्लोंग मन्तांग मन्जे ओना वाचा अनि ओना शपथ ओव बसकेय बदले मायपरोंग अनि अवेहना बारेते परमेस्वर बसकेय खोटाल वळक परोर। इन्जोर परमेस्वरना हेरे भरोसा पुटहान साटि वातोरोम माकुन येसु मसिना द्वारा जरुर पुटान्ता इदाम विस्वास किन्ता पिसहानातुन हर हुळसोर मजबुतते मन्दाना कोसिस किन्तोर माकुन ओद रन्डास पोल्लोंग अर्थ परमेस्वरना वाचा अनि शपथ पकाय प्रोत्साहन हिन्ता।

१ पतरस 3:18

बाक्याकि मसिहाल वने माकुन परमेस्वरना संबन्दते ओयिर इन्जोर ओर निरदोष मतोर ते वने माक पापि लोकुरक साटि उन्दि बेरा दुःख ताहतुर। अनि मेन्दुलते ओन हायानाता दन्ड पुटतु मति पवित्र आत्माता लावदे ओन असा जितो कितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:11

अनि अदेना वेळिचि बगाय पुटो आता पकाय किमति बिल्लोर पोरोयता रत्न कल लेहका मता, अनि हिरवो अनि रेंगाल रंगतासंग मन्ता यशब पोरोयता पकाय किमति कल लेहका साप मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:23

ओद सहेरतिगा पोळद अनि नलेंजता वेळिचिता जरुरि हिले, बाक्याकि परमेस्वरना मान्जानाते अगा वेळिचि आयिला आता अनि बेळा पिला अदेना टिवरि आन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:3

पजा नना सिंहासनताल इदाम पकाय जोरदे लेंगते इन्दानपा केन्जतान, “हुळा, मानेयना नडुम परमेस्वरना मन्डा। परमेस्वर ओरासंग मन्दानुर, अनि ओरक परमेस्वरनोर लोकुरक आयनुरक, अनि परमेस्वर ओरा परमेस्वर आस ओरासंग आपुनास मन्दानुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:21

नना वने विजय आस आपुना बाबोनासंग ओना सिंहासनतिगा उदिता लेहका बोर जिकानुर ओन नना नावासंग नावा सिंहासनतिगा उदाना साटि अदिकार हियाका।