रोमि 5:1 - Muria Far Western

¹ इन्जोर माक आपुना विस्वासता कारण परमेस्वर साटि येताना योग्य ठहरे मास मावोर प्रबु येसु मसिना द्वारा मावोर परमेस्वरनासंग सोबाय संबन्द आतु।

रोमि 5:1 Iomraidhean Croise

लूका 19:38

“परमेस्वरना पोरोयदे वान्तोर ओर राजाल धन्य मन्तोर! परमेस्वर अनि मानेयकना नडुम स्वरगतिगा शान्ति आयि अनि आबारतिगा परमेस्वरना महिमा आयि” इदाम इतुरक।

लूका 19:42

अनि येसु इतुर, “हे येरुसलेमतोरक लोकुरक परमेस्वरनासंग शान्तिते मन्दान साटि मिया मदत किन्ता ओद पोल्लो निमाट समजेमान्तोरिट ते बचोक सोबाय मता। मति इदेक परमेस्वर अद शान्तितुन मियागडाल मकितुर।

लूका 2:14

“स्वरगतिगा परमेस्वरना हजोरपण दिसिर अनि दरतितिगा परमेस्वर बोनिगा गिरिदा आन्तोर ओरकुन शान्ति पुटि” इदाम इतोरक।

युहनाल 14:27

अनि नना मिकुन शान्ति हिस दान्तोना, अनि नना आपुना शान्ति मिकुन हिन्तोना। दुनिया हिन्ता लेहका आयो नना मिकुन हिन्तोना। अनि मिया मन दुःखि आयमाकि अनि वरियमाकि।

युहनाल 16:33

अनि मिकुन नावागा शान्ति पुटि इन्जोर नना इव पोल्लोंग मिकुन इतोना। अनि दुनियातिगा मिकुन तकलिप आन्ता मति हिमत किम्ट बाक्याकि नना दुनियातुन जिकतोना।”

युहनाल 20:31

मति येसुये परमेस्वरनोर मरि मसिहा आन्दुर इन्जोर निमाट विस्वास किम्ट अनि विस्वास किस ओना पोरोयते अनन्त जिवन पुटहाट इन्जोर साटि इद कोटता मन्ता।

युहनाल 5:24

बोरायि नावा पोल्लो केन्जुन नाकुन लोहवालिन विस्वास किन्तोर ओना अनन्त जिवन मन्ता अनि ओना पोरो हायानाता दन्ड आयो मति ओर हायनाताल पिचिहच अनन्त जिवन पुटहितोर इन्जोर नना मिकुन खरोय खरोय वेहान्तोना।”

बुतोंग 10:36

शान्तिता सोबाता पोल्लो सबोयलोरा प्रबु येसु मसिना द्वारा वेहिच आपुना पोल्लो परमेस्वर इस्रायेल लोकुरा हेरे लोहतुर।

रोमि 1:17

बाक्याकि परमेस्वर आपुना पोरो विस्वास किन्तोर ओर लोकुरकुन बदाम येताना योग्य बनेहकिन्तोर इन्जोर येसु मसिना बारेते सोबाता पोल्लोतिगा सुचेह कितोर। परमेस्वरना मुने येताना योग्य मुनेटाल आकरिवनाह विस्वासतिगा टिकेमाता। पवित्र पुस्तकतिगा कोटता मन्ता अदाम लेहका “परमेस्वरना मुने येताना योग्य विस्वासते जिवित मन्दानुर।”

रोमि 1:7

मावोर बाबो परमेस्वरनिकेडाल अनि प्रबु येसु मसिनिकेडाल मिकुन दया अनि शान्ति पुटि।

रोमि 10:10

बाक्याकि पुरा मन्दे बोर इद विस्वास किन्तोर ओने परमेस्वर आपुना मुने येताना योग्य ठहरे किन्तोर अनि बोर अदेन आपुना टोडिते स्विकार किन्तोर ओने पिसानुर।

रोमि 10:15

अनि बोरे ओरा हेरे बोने लोहोर ते बदाम बोरायि हन्जुन ओरकुन प्रचार कियानुर? “येसु मसिना बारेता सोबाता पोल्लो वेहान साटि लोहतोर लोकुरा वायाना बचोन गिरदाता पोल्लो मन्ता” इन्जोर पवित्र पुस्तकतिगा कोटता मन्ता।

रोमि 14:17

बाक्याकि परमेस्वरना राज्य तिन्दान उन्डानातिगा आयो मति सबोयनासंग पवित्र आत्माता द्वारा पुटता शान्तिते अनि गिरदाते परमेस्वरतुन गिरिदा आन्ता इदाम बुतो किसोर जिवन जिवे मायिर ते परमेस्वर मावा जिवनतिगा राज्य कियानुर।

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 15:33

शान्ति हेवाल परमेस्वर मिया सबोयसंग मनिर इन्जोर नना प्रार्थना किन्तोना। आमिन।

रोमि 3:22

सबोय विस्वासि लोकुरक साटि येसु मसिनिगा विस्वासता द्वारा परमेस्वरना दारमिकता बिना भेदभावते दिसता।

रोमि 3:30

बाक्याकि परमेस्वर वरोरे मन्तोर, ओरे विस्वासता द्वारा कतना आतोरा अनि कतना आयोर लोकुरकुन वने ओदे विस्वासता कारण आपुना मुने येताना योग्य ठहरे कियानुर।

रोमि 4:5

मति परमेस्वरना बुतो मानेयना लेहका आयो। बोरे मानेय आपुना बुतोता कारण परमेस्वरना मुने येताना योग्य बनेमाय परोर, बोरे परमेस्वरनिगा विस्वास किन्तोर ओन परमेस्वर आपुना मुने येताना योग्य ठहरे किन्तोर।

रोमि 5:11

इचोने आयो, माकुन परमेस्वरनासंग सोबाय संबन्द असा पुटाना कारण मन्तोर मावोर प्रबु येसु मसिना द्वारा माक परमेस्वरना मुने पकायि गिरदा किन्तोरोम।

रोमि 5:18

इन्जोर आदम पोरोयतोर वरोर मानेय परमेस्वरना नियमतुन उन्दिय बेरा मानेमायोर आतुर, इद सबोय मानेय साटि दन्डता कारण आतु अदामे मसिना उन्दि दरमता बुतोते सबोय मानेय परमेस्वरना मुने येताना योग्य ठहरे मास अनन्त जिवनता कारण आतु।

रोमि 6:23

इन्जोर पापता मजदुरि हायाना मन्ता मति परमेस्वरना वरदान मावोर प्रबु येसु मसिना द्वारा पुटता अनन्त जिवन मन्ता।

रोमि 9:30

ते माक बाताल इन्काट? परमेस्वरना मुने येताना योग्य बनेमायाना कोसिस केवोर यहुदि आयोर लोकुरक मसिनिगा विस्वास इरतुरक इन्जोर परमेस्वरना मुने येताना योग्य ठहरे मातुरक।

गलाति 2:16

ते वने मानेय मूसाना नियमता अनुसारता बुतोते आयो, मति केवल येसु मसिनिगा विस्वास कियानाता द्वारा परमेस्वरना मुने येताना योग्य ठहरे मान्तोर इन्जोर माक पुन्तोम। केवल मूसाना नियमतुन पालन किस परमेस्वरना मुने येताना योग्य आय परोर। मसिनिगा विस्वास कितोम इन्जोर विस्वासता द्वारा परमेस्वर माकुन परमेस्वरना मुने येताना योग्य आस स्विकार कितोर।

गलाति 3:25

मति येसु मसि मावा पापताल पिसान साटि कुरुस पोरो हातुर इन्जोर माक विस्वास कोन्तोरोम इन्जोर इदेक माक ओद नियमता अदिकारते मनवाट।

गलाति 5:22

मति पवित्र आत्माता बुतो इव मन्तांग: आपसते मया कियाना, गिरदाते मन्दाना, शान्तिते मन्दाना, दिरजते प्रगटकियाना, दया कियाना, भलायि कियाना, इम्मानदारिते मन्दाना,

इफिसुस 2:7

इदेनते परमेस्वरना अतुलय रूपता पकाय हजोर दया अनि दया येसु मसिना द्वारा माकुन हितुर इन्जोर परमेस्वरिन वायाना काळता सबोय लोकुरकुन इद पोल्लो तोहपरान्तोर।

फिलिप्पि 3:9

अनि मूसाना नियमता द्वारा पुटता दारमिकता आयो मति येसु मसिनिगा मन्ता विस्वासता कारण परमेस्वरताल पुटता दारमिकताता अनुसार ओनासंगे उन्दि जिवाते मन्दाना साटि अनि,

कुलुसि 1:20

अनि ओर कुरुस पोरो पोंगिहता नतुरता द्वारा शान्ति बनेहकितुर अनि बोद दरतिता मन्ता या बोद स्वरगता मन्ता ओव सबोयतुन ओना द्वारा परमेस्वर आपुनतुन असा मिलेह कियाना साटि परमेस्वर गिरदा आतुर।

कुलुसि 3:15

निमाट सबोय लोकुरक मसिना मेन्दुलता भाग मन्तोरिट। अनि शान्तिते मन्दान साटि परमेस्वर मिकुन आचतुर इन्जोर मसिना शान्ति मिया विचारतुन नियत्रण केवि। अनि दरोज धन्यवाद किसोर मन्ट।

१ तिस्लुनि 5:23

अनि शान्ति हिसोर परमेस्वर मिकुन पवित्र बनेहकेविर, मिया आत्मा, मिया जिवा अनि मिया मेन्दुलतुन मावोर प्रबु येसु मसिना दुसरो बेरा प्रगट आयानपा पुरा निरदोष बनेकिसुन ओना मुने प्रगट आयान साटि मिकुन सुरक्षित मनि।

२ तिस्लुनि 3:16

अनि शान्ति हेवाल प्रबु बोदे परिस्थितितिगा मिकुन दरोज शान्ति हिसोर मियासंग मनिर।

यहुदि 13:20

इदेक वरोर हजोर मेहवाल लेहका मसिलोकुरा सभाता मुक्याल मन्तोर मावोर प्रबु येसुन हातोरिगाडाल असा जिवेहकितोर शान्ति हेवाल परमेस्वर अनन्त काळदा करारता नतुरते सबोय सोबाय पोल्लो हिस मिकुन परिपूर्ण केविर! अदाम येसु मसिना द्वारा मावागा बुतो किसोर मन्ता परमेस्वरना इच्चा ओना योजना अनुसार पुरा कियान साटि मिकुन मदत केवि। सबोय काळदे ओना हजोरपण आसोर मनि। आमिन।