रोमि 4:5 - Muria Far Western

⁵ मति परमेस्वरना बुतो मानेयना लेहका आयो। बोरे मानेय आपुना बुतोता कारण परमेस्वरना मुने येताना योग्य बनेमाय परोर, बोरे परमेस्वरनिगा विस्वास किन्तोर ओन परमेस्वर आपुना मुने येताना योग्य ठहरे किन्तोर।

रोमि 4:5 Iomraidhean Croise

मरकुस 9:23

येसु ओन इतुर, “निमा बाताले किया परान्तोन इन्जोर निमा बाक्या इन्तोन? विस्वास केवान साटि सबोय आय परान्ता।”

युहनाल 5:24

बोरायि नावा पोल्लो केन्जुन नाकुन लोहवालिन विस्वास किन्तोर ओना अनन्त जिवन मन्ता अनि ओना पोरो हायानाता दन्ड आयो मति ओर हायनाताल पिचिहच अनन्त जिवन पुटहितोर इन्जोर नना मिकुन खरोय खरोय वेहान्तोना।”

युहनाल 6:29

येसु ओरकुन उत्तर हितुर: “परमेस्वरना बुतो इद आन्दु, परमेस्वर लोहतोर नावा पोरो निमाट विस्वास किम्ट इन्जोर मन्ता।”

रोमि 10:3

परमेस्वर लोकुरकुन बदाम परमेस्वरना मुने येताना योग्य बनेकिन्तोर इन्जोर ओरक पुनोरक। अनि आपुना रितिते परमेस्वरना मुने येताना योग्य बनेमायाना कोसिस किन्तोरक इदाम किस ओरक परमेस्वरना अधिनते मन्ज ओन मानेमायोर आतुर।

रोमि 3:22

सबोय विस्वासि लोकुरक साटि येसु मसिनिगा विस्वासता द्वारा परमेस्वरना दारमिकता बिना भेदभावते दिसता।

रोमि 4:24

मति मावा साटि वने मन्ता। परमेस्वर येसु मसिन मावा पापताल मुक्ति साटि हायिला हितुर अनि माकुन परमेस्वरना मुने येताना योग्य बनेकियान साटि ओर येसु मसिन हातोरिगाडाल असा जिवेहकितुर।

रोमि 4:3

पवित्र पुस्तकतिगा इदेना बारेते बाताल कोटता मन्ता? “अब्रहाम परमेस्वरनिगा विस्वास कितुर अनि ओद विस्वासता द्वारा ओर परमेस्वरना मुने येताना योग्य ठहरे मातुर” इन्जोर मन्ता।

रोमि 4:6

परमेस्वर बिना बुतोते आपुना मुने येताना योग्य ठहरे किन्तोर ओर मानेय पकाय धन्य मन्तोर इन्जोर दावुद वने इदेना बारेते इन्तोर:

फिलिप्पि 3:9

अनि मूसाना नियमता द्वारा पुटता दारमिकता आयो मति येसु मसिनिगा मन्ता विस्वासता कारण परमेस्वरताल पुटता दारमिकताता अनुसार ओनासंगे उन्दि जिवाते मन्दाना साटि अनि,