रोमि 4:1 - Muria Far Western

¹ ते मावोर पुरकातोर बाबो अब्रहाम परमेस्वरना मुने येताना योग्य ठहरे मायानाता बारेते बाताल इन्काट?

रोमि 4:1 Iomraidhean Croise

मत्ति 3:9

अनि ‘मावोर बाबो अब्रहाम आन्दुर’ इदाम आप-आपुना मन्दिगा विचार किस घमन्ड केमाट बाक्याकि इव कल्कनिगाडाल वने परमेस्वरिन अब्रहाम साटि बालक उपजेह किया परान्तोर इन्जोर नना मिकुन इन्तोना।

लूका 3:8

अनि निमाट पाप कियाना खरोय बन्द कितोरिट इन्जोर आपुना जिवाते लोकुरा मुने तोहाट। अनि ‘मावोर बाबाल अब्रहाम आन्दुर’ इन्जोर आप-आपुना मन्दिगा विचार किस घमन्ड केमाट। बाक्याकि परमेस्वर अब्रहामिन साटि इव कल्कनिगाडाल वने बालक उपजे किया परान्तोर इन्जोर नना मिकुन वेहान्तोना।

युहनाल 8:33

असके ओरक ओन इतुर, “माक ते अब्रहामना पिळिते जनम आतोम, अनि बसकेय बोनाय दास आयोम। ते ‘निमाट दासताल स्वतन्त्र आयकिट’?” इदाम निमा बाक्या इन्तोन।

युहनाल 8:53

मावोर बाबो अब्रहाम ते हातुर, बाताल निमा ओनाताल वने हजोर मन्तोन बहे? अनि परमेस्वरना पोल्लो वेहवाल वने हातुरक, निमा आपुनतुन बाताल समजेमान्तोन?”

युहनाल 8:56

नावा दरतितिगा वायाना दियातुन हुळाना आशा इरस मिवोर बाबो अब्रहाम पकाय गिरदाते मतोर। अनि ओर इव दियांग हुळतुर अनि गिरदा आतुर।”

बुतोंग 13:26

पोलुस असा इतुर, “हे दादालोरक, अब्रहामनोर सन्तान, अनि परमेस्वरतुन वरियवालोरक सबोय लोकुरक, मावा हेरेय पिसानाता इद पोल्लो लोहता मन्तोर।

रोमि 1:3

आचकुन अलग किस केयस मतोर येसुना खास चेलाल अनि येसु मसिनोर दास पोलुस,

रोमि 3:5

माक खराब बुतो कियाकोम असके परमेस्वरना दारमिकदातुन सोबाय तोहकाट ते माक बाताल इन्काट? इन्जोर (मानेयना रितिते नना पुच्चेमायिका), “बाताल आपुना गलतिता कारण माकुन होंग किस दन्ड हिन्तोर ओर अन्यायि मन्तोर बहे?”

रोमि 4:16

इन्जोर परमेस्वरना वाचा विस्वासता काया आन्दु अनि इद परमेस्वरताल दया आस फुकोटते पुटान्ता। इद प्रकारते परमेस्वरना वाचा अब्रहामना सबोय वंशज साटि मन्ता। केवल नियमतुन मानेमान्तोरक ओर लोकुरकुन आयो मति अब्रहामना लेहका विस्वास किन्तोरक लोकुरकुन वने पुटार इन्जोर पका कियाना साटि मन्ता। बाक्याकि अब्रहाम माक सबोय लोकुरा बाबाल मन्तोर।

रोमि 6:1

ते परमेस्वरना दया बरसोर मनि इन्जोर बाताल माक पाप किसोरे मनकाट इदाम निमाट विचार किसोरिन मन्तोरिट बहे? बसकेय आयो!

रोमि 7:7

ते मूसाना नियम पाप मन्ता इन्जोर बाताल माक इन परकाट बहे? बसकेय आयो! नियम हिले आस मनवार ते पाप बाताल मन्ता इन्जोर नना पुनोन आस मनेना। लालुच केमा इन्जोर नियम इनो आस मनवार ते नना लालुचतुन पुनोन आस मनेना।

रोमि 8:31

ते इद सबोय पोल्लोता बारेते माक बाताल इन्काट? परमेस्वर मावा बासा मन्तोर ते मावा विरोद ते बोर आय परान्तोर?

२ कुरिन्थुस 11:22

बाताल ओरके इब्रानि आन्दुरक बहे? इंगो नना वने इब्रानि आन्दान, बाताल ओरके इस्रायेलतोर आन्दुर बहे? इंगो नना वने इस्रायेलतोर आन्दान। बाताल ओरके अब्रहामनोर वंश आन्दुर बहे? इंगो नना वने आन्दान।

यहुदि 12:9

दुनियातिगा माकुन जनमा हेवाल बाबो वने दन्ड हिन्तोर असके माक ओन मानेमास ओना आग्या पालन किसोर मतोम; ते स्वरगतिगा मन्तोर मावोर आत्मिक बाबो परमेस्वर माकुन दन्ड हियाना बेरा ओन मानेमास ओना अधिनते अनन्तकाळ साटि बचोन पकाय जिवित मन्दिला पहाजे बहे?