रोमि 3:8 - Muria Far Western

⁸ अनि “भलायि दिसि इन्जोर खराब बुतो कियाकाट” माक इदाम इन्तोरोम इन्जोर नावा बारते हुचुलोर लोकुरक नावागा दोष लावे किन्तोरक। इन्जोर ओर लोकुरक परमेस्वरना दन्ड पुटाना योग्य मन्तोर।

रोमि 3:8 Iomraidhean Croise

मत्ति 5:11

नावा पोल्लो मानेमान्तोर ओद कारणते मानेय मिकुन अपमान कियानुरक अनि पकाय तकलिप हियानुरक अनि मिया विरोदते सबोय प्रकारता खराब पोल्लोंग खोटाल इन्दानुरक असके निमाट धन्य मन्तोरिट।

रोमि 5:20

मूसाना नियम वातु इन्जोर लोकुरक परमेस्वरना नियम पालन केवोर इन्जोर सबोय लोकुरकुन सोबाय समजेमातुरक। मति बगा परमेस्वरना नियम पालन केवो आयाना पकाय आतुंग अगा परमेस्वरना दया वने पकाय आतु।

रोमि 6:1

ते परमेस्वरना दया बरसोर मनि इन्जोर बाताल माक पाप किसोरे मनकाट इदाम निमाट विचार किसोरिन मन्तोरिट बहे? बसकेय आयो!

रोमि 6:15

ते माक बाताल कियाकाट? बाक्याकि माक मूसाना नियमता अदिकारते आयो मति परमेस्वरना दयाता अदिकारते जिवेमान्तोरोम इन्जोर बाताल माक पाप किसोर मनकाट? बसकेय आयो!

रोमि 7:7

ते मूसाना नियम पाप मन्ता इन्जोर बाताल माक इन परकाट बहे? बसकेय आयो! नियम हिले आस मनवार ते पाप बाताल मन्ता इन्जोर नना पुनोन आस मनेना। लालुच केमा इन्जोर नियम इनो आस मनवार ते नना लालुचतुन पुनोन आस मनेना।

२ कुरिन्थुस 11:15

इन्जोर सयतानोर सेवक वने परमेस्वरनोर खरोय सेवा केवालोरा लेहका रूप बदले किस वान्तोर ते बोदे हजोर पोल्लो आयो मति ओरा बुतोता अनुसार ओरा अन्त आयार।

२ कुरिन्थुस 6:8

हुचुलोर लोकुरक माकुन आदर किन्तोरक मति दुसरो हुचुलोर लोकुरक माकुन अनादर किन्तोरक। हुचुलोर लोकुरक मावा प्रशंसा किन्तोरक मति दुसरो हुचुलोर लोकुरक मावा विरोदते निन्दा किन्तोरक। मावोर विरोदि लोकुरक माक खोटाल समजेमान्तोर मति माक खरोय वळकान्तोरोम।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।