रोमि 3:5 - Muria Far Western

⁵ माक खराब बुतो कियाकोम असके परमेस्वरना दारमिकदातुन सोबाय तोहकाट ते माक बाताल इन्काट? इन्जोर (मानेयना रितिते नना पुच्चेमायिका), “बाताल आपुना गलतिता कारण माकुन होंग किस दन्ड हिन्तोर ओर अन्यायि मन्तोर बहे?”

रोमि 3:5 Iomraidhean Croise

रोमि 12:19

हे नावोर प्रिय बायि-दादालोरक, बोरायि मिया विरोद बाताले कितुर ते निमाट आपुनास अदेना बदला येतमाट मति परमेस्वरिन अदेना बदला येतिला हिम्ट बाक्याकि “बदला येताना नावा बुतो मन्ता। अनि नना अदेना बदला हियाका” इन्जोर प्रबुना पोल्लोतिगा कोटता मन्ता।

रोमि 2:5

मति परमेस्वर पकायि होंगते खरोय न्याय कियाना दिया, निया कटोरता अनि बसकेय पस्तेमायो ओद मन्दा कारणते आपुन साटि पकायि दन्ड पुटाना कारण आयार।

रोमि 3:19

मूसाना नियमतिगा बाताल इतोर ओद सबोय ओद नियमता अदिकारते मन्तोर लोकुरक साटि वेहान्ता इन्जोर माक पुन्तोरोम। अदामे सबोय लोकुरा टोडितुन बन्द किस सबोय दुनिया परमेस्वरना दन्डता योग्य ठहरे मायान साटिय इदाम इन्तोर।

रोमि 3:7

परमेस्वरना खरोयि नावा खोटालता कारण ओन महिमा साटि पकाय तोहतु ते पजा बाक्या पापि लेहका नाकुन दन्डता योग्य ठहरे किन्तोर?

रोमि 4:1

ते मावोर पुरकातोर बाबो अब्रहाम परमेस्वरना मुने येताना योग्य ठहरे मायानाता बारेते बाताल इन्काट?

रोमि 5:8

मति माक पापिये मतोम ते वने मसि मावा साटि आपुना जिवा हितुर इदाम परमेस्वर मावा साटि आपुना मायातुन तोहतुर।

रोमि 6:1

ते परमेस्वरना दया बरसोर मनि इन्जोर बाताल माक पाप किसोरे मनकाट इदाम निमाट विचार किसोरिन मन्तोरिट बहे? बसकेय आयो!

रोमि 6:19

नना मिया मेन्दुलता कमजोरिता कारण मानेयता रितिते इन्तोना। निमाट आपुना मेन्दुलतुन व्यभिचार अनि सबोय प्रकारता खराब बुतोता दास इन्जोर मुने सोपेकिस मतोरिट। अदामे इदेक आपुना मेन्दुलतुन पवित्रता साटि दारमिकताता दास इन्जोर सोपेकिम्ट।

रोमि 7:7

ते मूसाना नियम पाप मन्ता इन्जोर बाताल माक इन परकाट बहे? बसकेय आयो! नियम हिले आस मनवार ते पाप बाताल मन्ता इन्जोर नना पुनोन आस मनेना। लालुच केमा इन्जोर नियम इनो आस मनवार ते नना लालुचतुन पुनोन आस मनेना।

रोमि 8:31

ते इद सबोय पोल्लोता बारेते माक बाताल इन्काट? परमेस्वर मावा बासा मन्तोर ते मावा विरोद ते बोर आय परान्तोर?

रोमि 9:30

ते माक बाताल इन्काट? परमेस्वरना मुने येताना योग्य बनेमायाना कोसिस केवोर यहुदि आयोर लोकुरक मसिनिगा विस्वास इरतुरक इन्जोर परमेस्वरना मुने येताना योग्य ठहरे मातुरक।

१ कुरिन्थुस 15:32

अनि इफिसुस सहेरतोर लोकुरक केळाता जानवर लेहका नावासंग लळेमातुरक। ओद लळायि कियाना केवल इद सन्सारता पोल्लोंग साटि मन्ता ते इदाम कियाना द्वारा नाकुन बोदे फायदा हिले आसि। अनि हातोर लोकुरकुन असा जिवेह केवोर आयनुर ते “दटु माक सोबाय तिन्काट उन्काट बाक्याकि नाळ माकुन हायानाय मन्ता।”

१ कुरिन्थुस 9:8

नना इद पोल्लो मानेयना विचारताल वेहोन। मूसाना नियम वने अदामे इन्ता।

२ कुरिन्थुस 6:4

माक पकाय हिमते तकलिपतुन सहेनकिस गरिबिते अनि सन्कटता नडुमताल मुने हन्जुन इदाम सबोय पोल्लोतिगा परमेस्वरना सेवक लेहका आपुना सोबाय गुणतुन माक तोहान्तोरोम।

२ कुरिन्थुस 7:11

परमेस्वरना इच्चाता अनुसार आता दुःख मिया जिवनतुन बचोन बदले कितु इन्जोर हुळाट। ओद दुःख मिकुन मिया बुतो कियान साटि पकाय हुशियार बनेकितु अनि निमाट निरदोष मन्तोरिट इदाम आपुनतुन तोहान साटि पकाय इच्चा कितोरिट। अदेनते निमाट पापता विरुद पकाय होंगवाले अनि पापता फासातिगा अरकिट इदाम पकाय वरे इरवाल आतोरिट, अदेनते नाकुन हुळान साटि मिकुन पकाय उत्साह आतु, अदेनते निमाट पकाय ध्यान इरवाल बनेमातोरिट, अनि खराब लोकुरकुन दन्ड किस केवल खरोय पोल्लो कियान साटि मिकुन उत्साह किता, इदन्ते सबोय पोल्लोतिगा निमाट निरदोष मन्तोरिट इन्जोर आपुन्तुन तोहतोरिट।

गलाति 2:18

नना मुटिहचितान ओद चिजतुन असा बनेहकियाका ते नना आपुनतुन दोषि ठहरे कियाका।

गलाति 3:15

हे बायि-दादालोरक, नना मानेयना रितिता अनुसार उन्दि उदाहरण इन्तोना: इवुर मानेय उन्दि करार किन्तोरक अनि ओद करार बनेकिस इवुर मानेय अदेन स्विकार किन्तोरक। अदेना पजा ओद करारतुन ओरागडाल बोरे वरोर मानेय अदेन बदले कियाला परोर या असा बाताले जोळेकिया वने परोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 15:3

ओरक परमेस्वरनोर दास मूसाना पाटा अनि बेळा पिलाता पाटा ओस-ओस इदाम ओतुरक, “हे सबोय लाववाले प्रबु परमेस्वर, निया बुतोंग हजोर अनि अत्भुत मन्ता, हे सबोय जातितोर राजा, निया हरि परमेस्वरना मुने येताना योग्य अनि खरोय मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:20

“हे स्वरग गिरिदा किम्ट! अनि पवित्र लोकुरे अनि येसु मसिना खास चेलालोरे अनि परमेस्वरना पोल्लो वेहवालोर लोकुरे गिरिदा किम्ट! परमेस्वर अदेन मिया साटि बदला येचुन अदेन न्याय कितुर बहे।”