रोमि 3:4 - Muria Far Western

⁴ ओना बारेते “बोन निमा आपुना पोल्लोते परमेस्वरना मुने येताना योग्य ठहरे मायाना अनि निया न्याय कियान बेरा निमा विजयि आयकि” इन्जोर पवित्र पुस्तकतिगा कोटता लेहका परमेस्वर विस्वास योग्य मन्तोर। मति सबोय लोकुरक खोटाल वळकवालोर मन्तोरक।

रोमि 3:4 Iomraidhean Croise

मत्ति 11:19

मानेयतोर मरि तिन्जुन-उन्जुन वातुर, ‘हुळाट, लेहळाल अनि मडि मानेय, टाक्स येतवालोर अनि पापिलोरा गोतियाल’ इन्जोर ओरक इन्तोर। मति परमेस्वरना ग्यान खरोय मन्ता इन्जोर आपुना सबोय बुतोते तोहान्तोर।”

लूका 20:16

अनि ओर मालकाल वासुन कास्ताकर लोकुरकुन नाश किस अंगुरकना आवाटुन दुसरोन सोपेकिसियानुर।” अद पोल्लो केन्जुन, “इदाम बसकेय आयमाकि!” इन्जोर लोकुरक इतुरक।

युहनाल 3:33

अनि ओना वेहतांग पोल्लोनुंग स्विकार किन्तोर ओर परमेस्वरनिकेडाल हिता पोल्लो खरोय मन्ता इन्जोर गवाहि हिन्तोर।

रोमि 11:1

ते बाताल परमेस्वर आपुना इस्रायेल लोकुरकुन तासितुर इन्जोर नना पुच्चेमान्तोना। बसकेय आयो! बाक्याकि नना वने इस्रायेल लोकुरकनिगेडाल, अब्रहामना पिळिताल बिन्यामिना वंशताल मन्तोना।

रोमि 11:11

ते ओरक कोदोर हिस अडिय अरतुरक अनि बसकेय तेदिला परोरक इदाम आन्ता बहे इन्जोर नना पुच्चेमान्तोना। बसकेय आयो! मति ओरक परमेस्वरना आग्या मानेमायोर इन्जोर परमेस्वर यहुदि आयोर लोकुरकुन पिसितुर, इदेनते यहुदिलोकुरकुन हेवा आयि।

रोमि 3:31

इन्जोर माक येसुना पोरोयता विस्वासते मूसाना नियमतुन बेकार ठहरे किन्तोरोम? बसकेय आयो! बाक्याकि येसु मसिना विस्वासता द्वारा नियमता सबोय पोल्लोतुन पुरा किन्ता।

रोमि 6:15

ते माक बाताल कियाकाट? बाक्याकि माक मूसाना नियमता अदिकारते आयो मति परमेस्वरना दयाता अदिकारते जिवेमान्तोरोम इन्जोर बाताल माक पाप किसोर मनकाट? बसकेय आयो!

रोमि 6:2

माक पापता संबन्दते हातोम इन्जोर हाता ओद पापता संबन्दते माक असा बदाम जिवेमायिकोम?

रोमि 7:13

ते पजा परमेस्वरना सोबाता नियम नावा हायानाता कारण बनेमातु इन्जोर बाताल इदेना अर्थ मन्ता? बसकेय आयो! मति पाप ओद परमेस्वरना सोबाता नियमता द्वारा नावा साटि हायानाता दन्ड पुटाना कारण बनेमातु। बाक्याकि नियमता आग्याता द्वारा पापतुन बराबर पुन्ज पाप पकाय खराब मन्ता इन्जोर समजेमायिलाय पहाजे।

रोमि 7:7

ते मूसाना नियम पाप मन्ता इन्जोर बाताल माक इन परकाट बहे? बसकेय आयो! नियम हिले आस मनवार ते पाप बाताल मन्ता इन्जोर नना पुनोन आस मनेना। लालुच केमा इन्जोर नियम इनो आस मनवार ते नना लालुचतुन पुनोन आस मनेना।

रोमि 9:14

ते माक इदेना बारेते बाताल इन्काट? परमेस्वर खरोय न्याय केवोर इदाम माक इन्काट बहे? बसकेय आयो!

१ कुरिन्थुस 6:15

मिया मेन्दुल मसिना मेन्दुलता उन्दि भाग मन्ता इन्जोर निमाट पुन्तोरिट ते पजा नना मसिना मेन्दुलता भाग पयस बाताल अदेन व्यभिचारि आळदासंग मिलेकिस अदेना मेन्दुलता भाग बनेकियाका बहे? बसकेन आयो!

२ कुरिन्थुस 1:18

मिया साटि मावा पोल्लो उन्दि बेरा “इंगो” अनि दुसरो बेरा “आयो” इदाम हिले आसि इन्जोर विस्वास योग्य परमेस्वर इदेना खरोय गवाहि मन्तोर।

गलाति 2:17

माक यहुदिलोकुरक मसिना विस्वासता द्वारा परमेस्वरना मुने येताना योगय ठहरे मायिला इच्चा कियाकोम ते मूसाना नियमतुन हरचितोम इन्जोर माकुन पापि ठहरे कियानुर ते मसि पाप कियाना साटि माकुन प्रोत्साहन किन्तोर बहे? बसकेय आयो।

गलाति 2:21

नना परमेस्वरना दया व्यर्थ ठहरे केवोन बाक्याकि मूसाना नियमता द्वारा दारमिकता मन्वार ते मसिना हायाना व्यर्थ मन्वार।

गलाति 6:14

मति मावोर प्रबु येसु मसि कुरुस पोरो हातुर अदेना कारण माकुन पुटता पिसानाता सोबाता पोल्लो वेहाना सिवायि दुसरो बोदे पोल्लोतिगा नना बसकेय घमन्ड केवोन आयका। अनि मसिना कुरुसता कारण संनसारिक दुनियाता पोल्लोतिगा मता नावा सबोय इच्चा नाश आतुंग अनि संनसारिक दुनियातुन नावागा मता सबोय इच्चा वने हातुंग।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

यहुदि 6:18

ते इगा रन्ड पोल्लोंग मन्तांग मन्जे ओना वाचा अनि ओना शपथ ओव बसकेय बदले मायपरोंग अनि अवेहना बारेते परमेस्वर बसकेय खोटाल वळक परोर। इन्जोर परमेस्वरना हेरे भरोसा पुटहान साटि वातोरोम माकुन येसु मसिना द्वारा जरुर पुटान्ता इदाम विस्वास किन्ता पिसहानातुन हर हुळसोर मजबुतते मन्दाना कोसिस किन्तोर माकुन ओद रन्डास पोल्लोंग अर्थ परमेस्वरना वाचा अनि शपथ पकाय प्रोत्साहन हिन्ता।

१ युहनाल 5:10

अनि परमेस्वरना मरिनिगा विस्वास किन्तोर ओर आपुना मन्दे ओद गवाहि मन्तोर। अनि परमेस्वरनिगा विस्वास केवोर ओर परमेस्वर आपुना मरिना बारेते हितोर ओद गवाहितिगा विस्वास केवोर इन्जोर परमेस्वरतुन खोटाल ठहरे किन्तोर।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:7

“फिलेदिलफिया सहेरता मसिलोकुरा सभाता दूततुन इद कोटा: पवित्र अनि खरोय मन्तोर अनि दावुदना किल्लिंग आपुना कयदे मन्तोर अनि ओर तरियता कवाळतुन दुसरो बोरे बन्द किया परोर इदाम तरियान्तोर अनि ओर बन्द किता कवाळतुन दुसरो बोरे तरियला परोर इदाम बन्द किन्तोर ओर इव पोल्लोंग इन्तोर: