रोमि 3:10 - Muria Far Western

¹⁰ पवित्र पुस्तकतिगा इदाम कोटता मन्ता: “बोरे परमेस्वरना मुने येताना योग्य हिलेर वरोर वने हिलेर;

रोमि 3:10 Iomraidhean Croise

मत्ति 15:19

बाक्याकि खराब विचार, हव्काना, व्यभिचार, दुसरो आळदा या मुजोनासंग खराब संबन्द, कलाना, खोटाल गवाहि अनि निन्दा इद सबोय पोल्लोता विचार मानेयना मन्दाले पसियान्तांग।

मरकुस 10:18

येसु ओन इतुर, “निमा नाकुन बेसतोर गुरु बाक्या इन्तोन? परमेस्वरदुन तासिस बोरे बेसतोर हिलेर।

रोमि 11:8

अनि ओरकुन परमेस्वरना पोल्लोता अनुसार अदाम आतु: “परमेस्वर ओरकुन होचहान लेहका कितुर इन्जोर ओरक बाताले समजेमाय परोरक। अनि कोन्डांग मन्ज वने ओरक हुळिला परोरक अनि कविंग मन्ज वने ओरक केन्जिला परोरक अनि इदेकवनाह इदामे आयिला आता” इदाम परमेस्वरना पोल्लोतिगा कोटता मन्ता।

रोमि 3:11

खरोय बाताल मन्ता इन्जोर बोरे समजेमायोर, परमेस्वरतुन पळकवाल वने बोरे हिलेर।

रोमि 3:23

बाक्याकि सबोय लोकुरक पाप किसुन परमेस्वरना महिमाता योग्य मनोर आतुरक,

रोमि 3:4

ओना बारेते “बोन निमा आपुना पोल्लोते परमेस्वरना मुने येताना योग्य ठहरे मायाना अनि निया न्याय कियान बेरा निमा विजयि आयकि” इन्जोर पवित्र पुस्तकतिगा कोटता लेहका परमेस्वर विस्वास योग्य मन्तोर। मति सबोय लोकुरक खोटाल वळकवालोर मन्तोरक।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

१ पतरस 1:16

“नना पवित्र मन्तोना इन्जोर निमाट वने पवित्र बनेमाम्ट” इन्जोर परमेस्वर इन्तोर इदाम पवित्र पुस्तकतिगा कोटता मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:8

मति वरियवालोर, अनि अविस्वासि लोकुरक, कपटि, अनि हव्कवालोरक, अनि व्यभिचारि लोकुरक, अनि होदाल बुतो केवालोर अनि मूरति पुजा केवालोर अनि सबोय खोटाल वळकवालोरा भाग किस अनि गंधकते पतियसोर मन्ता ओद तळायतिगा पुटार, इद दुसरो हामुर आन्दु।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:15

मति नयक, अनि होदाह अनि व्यभिचारिंग अनि हव्कवालोरक अनि मूरति पुजा केवालोरक अनि खोटाल पोल्लोंग कियाना इच्चा केवाल अनि खोटाल वळकवाल इदाम खराब लोकुरक सहेरता बाहरो आयनुरक।”