रोमि 2:8 - Muria Far Western

⁸ मति आपुना स्वार्थिपनते खरोय रितिते ताकोर मति अदरम किन्तोरक ओर लोकुरकुन परमेस्वर होंग किस पकाय दन्ड हियानुर।

रोमि 2:8 Iomraidhean Croise

रोमि 1:18

परमेस्वरना विरोद किता खराब बुतो ते खरोयतुन मकहान्तोर लोकुरा खराब बुतोंग अनि सबोय गलतिता पोरो स्वरगताल परमेस्वर पकाय होंग किन्तोर।

रोमि 10:16

मति सबोय इस्रायेल लोकुरक येसु मसिना बारेते सोबाता पोल्लोतुन स्विकार केवोरक बाक्याकि “हे प्रबु मावा वेहता येसु मसिना बारेते सोबाता पोल्लोतिगा बोर विस्वास कितुरक?” इन्जोर परमेस्वरना पोल्लो वेहवाल यशायाह इन्तोर।

रोमि 15:18

यहुदि आयोर लोकुरक वने परमेस्वरतुन मानेमायिर इन्जोर नना ओरकुन करिहता ओद पोल्लो केन्जुन अनि पवित्र आत्माता मदतते नना किता ओव हजोर चमत्कारता बुतोतुन हुळस ओरक मसिनिगा विस्वास कितोर। इदाम नावा द्वारा मसिहाल बारायि कितोर अदेन तासिस असा दुसरो बोवे पोल्लोनुंग वेहाना हिमत केवोन।

रोमि 6:17

मति निमाट पापतोर दास मतोरिट ते वने माक करिहता उपदेशतुन पुरा मन्दे निमाट पालन किस,

रोमि 9:22

अदामे परमेस्वर होंग कियाना अनि आपुना लाव तोहाना अदिकार मन्ता। मति परमेस्वरना होंग किस बोरकुन नाश कियान साटि आचतोर ओरकुन परमेस्वर दिरजते सहेमास ओर लोकुरकुन दया किन्तोर।

१ कुरिन्थुस 11:16

मति नना वेहता इद सबोय पोल्लोता बारेते बोरे वाद-विवाद कियानुर ते नना बोद पोल्लो वेहतोना अदेना सिवायि माक परमेस्वरना आरादना कियानाता दुसरो बोदे रिति हिले इन्जोर नना ओरकुन इन्तोना। अनि परमेस्वरना दुसरो सबोय सभातिगा वने इदे रिति मन्ता।

२ कुरिन्थुस 12:20

बाक्याकि नना मिया हेरे वायका असके मियाबारेते नावा इच्चा लेहका मिकुन अनि नना बदाम आयिला पहाजे इन्जोर विचार किन्तोरिट अदाम लेहका नना आयोन आस निमाट नाकुन वने मिलेमायकिट इन्जोर वने नना वरयान्तोना। अनि मिया नडुम वाहचाना, हेवा, होंग, विरोद, इरषा, चाहळिंग, अभिमानि अनि अव्यवस्ता इदाम पोल्लोंग कलियकि इन्जोर वने नाकुन वरे मन्ता।

गलाति 5:20

मूरति पुजा, जादुटोना, वेयरि, वाहचाना, हेवा, होंग, स्वार्थपन, मसिलोकुरा सभातुन फुट कियाना अनि विस्वासि लोकुरा नडुम विभाजन बनेकियाना,

फिलिप्पि 1:17

मति दुसरो हुचुलोर लोकुरक खरोयतासंग आयो मति हेवा अनि होंगते आपुनतुन हजोर तोहाना साटि मसिना सन्देशतुन वेहान्तोरक। इदेनते नाकुन जेहलतिगा पकाय तकलिप हियान साटि ओरक विचार किन्तोर।

फिलिप्पि 2:3

केवल आपुना फायदा साटि अनि आपुना हजोरपण साटि बारायि बुतो केमाट मति आपुनतुन हुळिलोर बनेमास दुसरोन आपुनताल हजोर समजेमास सबोय बुतोतुन किम्ट।

तितुस 3:9

मति बेकारता पोल्लोंग अनि वारसाना बारेते ओरा विवादताल लक मन्ट अनि यहुदि नियमता बारेते विवाद किन्तोरक ओरा वने लक मन्ट अनि वाहचानाताल लक मन्ट, बाक्याकि इव सबोय पोल्लोंग बाताले फायदातांग हिलेंग अनि बाताले बुतोता वने हिलेंग।

यहुदि 10:27

इंगो, अदाम माक असा पाप किसोर मनकाट ते अनन्तकाळ साटि मन्ता हायानाता दन्ड हर हुळस मन्दाना ओद पकाय वरे अनि परमेस्वरना विरोद पाप किसोर मन्वालोरक सबोय विरोदि लोकुरकुन पयटे किस नाश कियान साटि परमेस्वर तयारि किता पकाय हजोर होंगता तेज किस मावा साटि पिसता मन्ता।

यहुदि 11:8

विस्वासता कारणतेय अब्रहामिन मिरास पुटवाल मता ओद देशतिके हन्दान साटि परमेस्वर केयतुर असके परमेस्वरना आग्या मानेमास नना बेके हन्दिला आतोना इन्जोर ओर पुनोर आन्दुर ते वने ओद जागातिके पसियस हतुर।

यहुदि 5:9

इदाम ओर सबोय रितिते परिपूर्ण आतुर, अदेनते ओना आग्या मानेमायवाल मन्तोर सबोय लोकुरकुन अनन्त काळ साटि पिसहानाता कारण आतुर।

याकुब 3:14

मति निमाट आपुना आपुना मन्दे दुसरो लोकुरा बारेते हेवा अनि स्वार्थ किन्तोरिट ते खरोयता विरुद घमेन्ड केमाट अनि खोटाल वळकमाट।

याकुब 3:16

इन्जोर बगा हेवा अनि विरोद मन्ता अगा वाहचना अनि सबोय प्रकारता खराब बुतो मन्तांग।

१ पतरस 3:1

हे मुतेह, निमाट वने आपुना मुदयोना अधिनते मन्ट, ओरागडाल बोरे परमेस्वरना पोल्लोतुन मानेमायोर आसोर मन्दानुरक,

१ पतरस 4:17

बाक्याकि न्याय कियाना बेरा आतु, अनि न्याय कियाना पहले परमेस्वरना लोकुरिगा आयार। अनि न्यायता सुरुवात मावागाडाले आयार ते बोर परमेस्वरना सोबाता पोल्लोतुन मानेमायोर ओरा न्याय बचोन हजोर आयार?

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:10

ते ओर परमेस्वरना कोपता कटोराताल बाताले मिसरेह केवो परमेस्वरना पकाय अरसता दाळंगो उन्डिला पहाजे, ओर मानेयतुन पवित्र स्वरगदूतक अनि बेळा पिलाता मुने किसते अनि गंधकते पकाय तकलिप आयार।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:19

हजोर सहेर मन्जे बाबिलोन मून्ड भाग आतुंग, अनि सबोय जातितोर सहेरक अरतुंग अनि परमेस्वरना पकाय होंगदा जोमा मन्ता कटोरा बाबिलोनतुन उहिर इन्जोर हजोर बाबिलोनतुन परमेस्वर खास आल्हितुर।