रोमि 2:6 - Muria Far Western

⁶ परमेस्वर सबोय लोकुरकुन ओरा बुतोता अनुसार न्याय कियानुर।

रोमि 2:6 Iomraidhean Croise

मत्ति 16:27

अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर।

रोमि 14:22

इव पोल्लोता बारेते बाताले निमाट विस्वास किन्तोरिट अदेन मिया मन्दिगा अनि परमेस्वरना हेरे खरोय मन्दिला हिम्ट। हुचुलोर लोकुरक आपुना मुने बोद सोबाय मन्ता ओदे किन्तोरक अनि अदेन कियान साटि ओरकुन खराब लागो इदाम लोकुरक धन्य मन्तोरक।

१ कुरिन्थुस 3:8

विजा वीतवाल अनि एर दोसवाल इवुरास तुल्य मन्तोर, सबोय मानेय आपुना मेहनतता अनुसार आपुना रोजि पुटहानुर।

१ कुरिन्थुस 4:5

इन्जोर प्रबु असा मलस वायनुर; ओद बेराता मुने निमाट बोरे मानेयना न्याय केमाट। प्रबु वायनुर असके लोकुरा न्याय आयार। प्रबु आन्दारते मकता मावा सबोय पोल्लोनुंग वेळिचितिगा तोहानुर अनि लोकुरा मन्दे मकस मन्ता ओद सबोय उद्देश्य तोहानुर पजा वरोर वरोर बदाम बुतो कितुर अदेना अनुसार सबोय लोकुरकुन परमेस्वरनिकेडाल प्रशंसा पुटार।

२ कुरिन्थुस 11:15

इन्जोर सयतानोर सेवक वने परमेस्वरनोर खरोय सेवा केवालोरा लेहका रूप बदले किस वान्तोर ते बोदे हजोर पोल्लो आयो मति ओरा बुतोता अनुसार ओरा अन्त आयार।

२ कुरिन्थुस 5:10

आप आपुना मेन्दुलतिगा मन्दानपा माक सबोय लोकुरक सोबायि बुतो या खराब बुतो कितोम अदेना योग्य काया पुटान साटि माक सबोय लोकुरक मसिना न्यायता सिंहासनता मुने हाजर आयिला पहाजे।

२ तिमुति 4:14

अनि तांबाना बुतोकेवाल सिकन्दर माकुन येसु मसिना पोल्लो वेहाना बेरा पकाय विरोद कितुर। ओर नाकुन बाताल कितुर अदेन अनुसार प्रबु ओन बदले कियानुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:23

नना अदेना बालकुन वने हव्कस वाटका, असके नना मन्दा सोचविचारतुन पुनवाल आन्दान इन्जोर सबोय मसिलोकुरा सभांग पुन्दानुंग अनि नना मियागाडाल सबोयजनकुन आप-आपुना बुतोंगता अनुसार प्रतिफळ हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:12

पजा नना हुडलोर-हजोर इदाम सबोय हातोरकुन सिंहासनता मुने नितितोर हुळतान। अनि पुस्तक तरियहतुर, अनि जिवनता पुस्तक पोरोयता असा दुसरो उन्दि पुस्तक वने तरियहतुर, अनि ओव पुस्तकतिगा कोटता मता अदामे ओरा बुतोता अनुसार हातोरा न्याय कितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:12

“हुळा, नना सान्डेय वायवाल मन्तोना अनि सबोयना आपुना बुतोता अनुसार ओरकुन हियान साटि प्रतिफळ नावा हेरे मन्ता।