रोमि 2:4 - Muria Far Western

⁴ परमेस्वरना दया निया मन्दुन पस्तेमायाना करहो इन्जोर समजेमास ओना दया सहनशिलता अनि धिरजतुन निमा तुच्च समजेमान्तोन बहे?

रोमि 2:4 Iomraidhean Croise

रोमि 10:12

इद पोल्लो सबोय लोकुरक साटि मन्ता यहुदि अनि यहुदि आयोर लोकुरकनिगा बोदे भेद हिले बाक्याकि सबोय लोकुरा प्रबु वरोरे मन्तोर। अनि आपुना मदत साटि ओना पोरोयते प्रार्थना किन्तोर ओरकुन प्रबु पकाय आशिरवाद हिन्तोर।

रोमि 11:22

इन्जोर निमाट केवल परमेस्वरना दयातुने हुळमाट मति ओना कटोर स्वभावतुन वने हुळाट। अनि बोर ओन मानेमायोर ओरा साटि ओर पकाय कटोर मन्तोर। मति निमाट ओना विस्वासते मनकिट ते मिकुन ओर दया किन्तोर, आयो ते मिकुन वने ओव कोहक लेहका कदियनुर।

रोमि 11:33

वा! वा! परमेस्वर ओना दन, बुद्धि अनि ग्यानते बाताल आयि कितोर ओद बोने समजेमायो! अनि ओना बुतो कियाना रितितुन वने बोरे समजेमाय परोर!

रोमि 3:25

परमेस्वर मावा पापता गुना निहान साटि येसु मसिन दुनियातिगा लोहतुर। ओर मावा पापताल पिसहान साटि नतुर हिस बलिदान आतुर। अनि ओर मावा साटि नतुर हिस बलिदान आतुर इन्जोर माक विस्वास कियाकाट ते ओर मावा पापतुन मापि किस परमेस्वरना मुने येतानाता योग्य बनेकिन्तोर। अनि आपुना स्वभावते ओर लोकुरक मुने किता पापतुन दन्ड हेवाय तासिस पापि लोकुरकुन मापि किस परमेस्वर आपुना दारमिकता तोहान्तोर,

रोमि 6:1

ते परमेस्वरना दया बरसोर मनि इन्जोर बाताल माक पाप किसोरे मनकाट इदाम निमाट विचार किसोरिन मन्तोरिट बहे? बसकेय आयो!

रोमि 6:15

ते माक बाताल कियाकाट? बाक्याकि माक मूसाना नियमता अदिकारते आयो मति परमेस्वरना दयाता अदिकारते जिवेमान्तोरोम इन्जोर बाताल माक पाप किसोर मनकाट? बसकेय आयो!

२ कुरिन्थुस 8:2

बाक्याकि पकाय तकलिपता हजोर परिक्षातिगा मतोरक ते वने ओर विस्वासि लोकुरक तिन्दाना उन्डाना अनि आपुना बाताले जरुरितुन पुरा कियान साटि डबुंग हिले आसि ओद बेरावनाह ओरक पकाय गिरिदाते पकाय दान हितुरक।

इफिसुस 1:18

अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

इफिसुस 1:7

येसु मसिना द्वारा ओना बलिदानता कारण मावा पापताल पिसाना मन्ता मन्जे मावा अपरादता मापि मन्ता। ओद परमेस्वरना पकाय दयाता अनुसार मन्ता।

इफिसुस 2:4

मति परमेस्वर पकाय दयावाले मन्तोर अनि ओना हजोर मयाता कारण ओर माकुन पकाय मया कितुर।

इफिसुस 2:7

इदेनते परमेस्वरना अतुलय रूपता पकाय हजोर दया अनि दया येसु मसिना द्वारा माकुन हितुर इन्जोर परमेस्वरिन वायाना काळता सबोय लोकुरकुन इद पोल्लो तोहपरान्तोर।

इफिसुस 3:16

ओर आपुना महिमाता पकाय हजोर धनता अनुसार आपुना पवित्र आत्माता द्वारा मिया मन्दा लावतुन मजबुत केविर इन्जोर,

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

फिलिप्पि 4:19

नावोर परमेस्वर येसु मसिना कारण मिया सबोय कमितुन परमेस्वर ओना पकाय हजोर धनसंपतिता अनुसार पुरा कियानुर।

कुलुसि 1:27

इद पकाय आश्चरय अनि महत्व पुर्ण रहस्यतुन बोर यहुदि लोकुर आयोर ओर लोकुरकुन वेहका इन्जोर परमेस्वर इच्चा कितुर। अनि ओद रहस्य मन्जे महिमाता आशा मन्ता ओर येसु मसि ओनागा विस्वास केवाल मियासंगे मन्तोर।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

१ तिमुति 1:16

अनि नना सबोयताल हजोर पापि मानेय मतोना मति बचोक हजोर पापि मानेयना पापतुन वने येसु मसि मापि कियानुर इन्जोर लोकुरकुन प्रगट कियान साटि नना आपुना पापताल पस्तेमातान असके ओर नावागा दया किसुन नावा सबोय पापतुन मापि कितुर। इन्जोर लोकुरक ओनागा विस्वास कियापरान्तोरक अनि अनन्तकाळ ओना संग मन्दिला परान्तोरक।

१ तिमुति 6:17

इद दुनियाता धनि मानेयकुन पकाय अभिमानि बने केमा अनि वान्ता दान्ता धनतिगा आशा इरमाकिर इन्जोर करहा, बाक्याकि आपुना गिरदा साटि सबोय चिजनुंग पकाय हिन्तोर ओर परमेस्वरनिगा आशा इरविर।

१ पतरस 3:20

ओरक ते पकाय वरसाना पहले नूहा पोरोयतोर परमेस्वरनोर मानेय हजोर डोंगा बनेहकियाना ओद बेरा परमेस्वरना आग्या मानेमायोर लोकुरक मतोरक, ओरा साटि परमेस्वर पोसोरिंग सहेन किस हर हुळन्दुर असके ओद हजोर डोंगातिगा हुचुलोर मन्जे केवल आटे लोकुरक उसाताल पिस मतोर।

२ पतरस 1:11

इदाम कियाकिट ते निमाट मावोर प्रबु अनि पिसिहवाल येसु मसिना अनन्त काळता राज्यतिगा हजोर आदरतासंग हन्दा परकिट।

२ पतरस 3:15

अनि आकरि न्यायता दन्डताल निमाट पिसान साटि इन्जोर प्रबु पोसोरिंग सहेन किस मन्तोर इदाम समजेमाम्ट। अदामे मावोर मायातोर तमो पोलुस वने ओद पिसानाता बारेते आपुनतुन परमेस्वरताल पुटता ओद ग्यानता अनुसार मिकुन कोटतोर।

२ पतरस 3:3

“ओना वायाना वाचा बगा हतु?

२ पतरस 3:9

हुचुलोर लोकुरक विचार किन्तोरक लेहका प्रबु आपुना वाचा पुराकियान साटि बेरा केवोर। मति बोरे नाश आयमाकिर इन्जोर सबोय लोकुरकुन पस्तेमायाना सन्दि पुटि इन्जोर मिया बारेते पोसोरिंग सहेन किस मन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:21

नना अदेन आपुना व्यभिचार तासि पस्तेमायान साटि सन्दि हितान, मति पस्तेमायाना साटि अदेना इच्चा हिले।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:20

हुळा, नना कवाळ मुने नितस कवाळतुन कोहकिला आतोना, बोरे नावा लेंग केन्जचुन कवाळ तरयानुर ते नना ओना हेरे लोपा वास ओनासंग अनि ओर नावासंग जेवन कियानुर।