रोमि 2:10 - Muria Far Western

¹⁰ अनि सच्चायि किन्तोर सबोय लोकुरकुन मुने यहुदि अनि पजा यहुदि आयोर सबोय लोकुरकुन महिमा, आदर अनि शान्ति पुटार।

रोमि 2:10 Iomraidhean Croise

मत्ति 10:13

ओद लोतोरक विस्वासयोग्य मन्दानुर ते मिया नमस्कारता सुख-शान्ति ओरागा अवार, मति ओरक विस्वासयोग्य हिलवेक मिया नमस्कारता सुख-शान्ति मिया हेरे मल्स वायार।

लूका 1:79

आन्दारतिगा मनवालोरकुन वेळिचि बदाम मुने हन्दाना साटि मदत किन्ता अदामे खरोय परमेस्वरतुन पुनोर आस पाप किसोर मन्तोरक, अनि हायानातुन वरियवालोरकुन परमेस्वर मदत कियान साटि अनि माकुन शान्तिता हरिते ओयान साटि इदाम किन्तोर।”

लूका 12:37

अनि मालकाल वायनुर असके सबोय तयारि किस मालकाल साटि हर हुळसोर मन्तोरक ओरक दास धन्य मन्तोरक। मालकाल आपुना तयारि किसुन ओरकुन तिन्दान साटि उपहानुर अनि ओरा सेवा कियानुर इन्जोर नना मिकुन चेतेकिसुन वेहान्तोना।

लूका 19:42

अनि येसु इतुर, “हे येरुसलेमतोरक लोकुरक परमेस्वरनासंग शान्तिते मन्दान साटि मिया मदत किन्ता ओद पोल्लो निमाट समजेमान्तोरिट ते बचोक सोबाय मता। मति इदेक परमेस्वर अद शान्तितुन मियागडाल मकितुर।

लूका 22:14

अनि पसह हनुमतांग रोटिंग तिन्दाना बेरा आतु, असके येसु आपुना खास चेला लोकुरासंग जेवेकियान साटि उदितुर।

लूका 9:48

अनि येसु चेलालोरकुन इन्तोर, “नावा पोरोयदे बोर येर नुनान गिरदाते मानेमायनुर ओर नाकुन वने मानेमायनुर; बोर नाकुन मानेमायनुर ओर मानेय नाकुन लोहवाल परमेस्वरतुन मानेमायनुर। बाक्याकि मिया पयकि बोर हुडलोनताल हुडलोर आन्तोर ओर सबोय लोकुराताल हजोर आयनुर” इन्जोर इतुर।

युहनाल 12:26

अनि बोरायि नावा सेवा कियानुर ते ओर नावा परके वायिर अनि बगा नना मन्तोना अगा नावोर दास वने मन्दानुर अनि बोरायि नावा सेवाकियानुर ते बाबो ओना आदर कियानुर।”

युहनाल 14:27

अनि नना मिकुन शान्ति हिस दान्तोना, अनि नना आपुना शान्ति मिकुन हिन्तोना। दुनिया हिन्ता लेहका आयो नना मिकुन हिन्तोना। अनि मिया मन दुःखि आयमाकि अनि वरियमाकि।

युहनाल 16:33

अनि मिकुन नावागा शान्ति पुटि इन्जोर नना इव पोल्लोंग मिकुन इतोना। अनि दुनियातिगा मिकुन तकलिप आन्ता मति हिमत किम्ट बाक्याकि नना दुनियातुन जिकतोना।”

बुतोंग 10:35

परमेस्वरिन वरियस ओना मुने येताना योग्य बुतो किन्तोर सबोय देशतोर लोकुरकुन ओर स्विकार किन्तोर इन्जोर नना इदेक समजेमातान।

रोमि 14:17

बाक्याकि परमेस्वरना राज्य तिन्दान उन्डानातिगा आयो मति सबोयनासंग पवित्र आत्माता द्वारा पुटता शान्तिते अनि गिरदाते परमेस्वरतुन गिरिदा आन्ता इदाम बुतो किसोर जिवन जिवे मायिर ते परमेस्वर मावा जिवनतिगा राज्य कियानुर।

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

रोमि 2:9

अनि गलति किन्तोर ओरक सबोय लोकुरा पोरो मुने यहुदि अनि पजा यहुदि आयोर सबोय लोकुरकनिगा दुःख अनि सन्कट वायार।

रोमि 5:1

इन्जोर माक आपुना विस्वासता कारण परमेस्वर साटि येताना योग्य ठहरे मास मावोर प्रबु येसु मसिना द्वारा मावोर परमेस्वरनासंग सोबाय संबन्द आतु।

रोमि 8:6

पापता इच्चातिगा मन लावेकियाकिट ते हायानाता योग्य दन्ड पुटार मति पवित्र आत्माता अनुसार जिवेमायकिट ते जिवन अनि शान्ति पुटार।

रोमि 9:21

बाक्याकि अळका बनेकेवाल आपुना इच्चाता अनुसार उन्दिय गोला तोळियते उन्दि अळका खास आदरता बुतो साटि अनि बोदायि बुतो साटि बनेकियाना अदिकार ओन मन्ता ते इगा बोद आश्चरयता पोल्लो मन्ता?

रोमि 9:23

अनि आपुना हजोर महिमातिगा सहभागि बनेकियान साटि परमेस्वर मुनेटाले तयार कितोर लोकुरकुन वने ओर बचोन महान मन्तोर इन्जोर तोहान साटि,

गलाति 5:22

मति पवित्र आत्माता बुतो इव मन्तांग: आपसते मया कियाना, गिरदाते मन्दाना, शान्तिते मन्दाना, दिरजते प्रगटकियाना, दया कियाना, भलायि कियाना, इम्मानदारिते मन्दाना,

गलाति 5:6

बाक्याकि मसि येसुनिगा कतना कियाना अनि कतना कियाना आयो ओदेन बाराय बुतोता हिले। मुक्याल पोल्लो मयाते उत्पन्न आयवाल विस्वास मन्ता।

फिलिप्पि 4:7

इदेनतेय लोकुरकुन बसकेय समजेमाय परो अचोन हजोर शान्ति परमेस्वरनिकेडाल पुटस मिया मन अनि मिया विचारतुन मसि येसु मसिनिगा सुरक्षित इरानुर।

१ तिमुति 1:17

अनि ओर सबोय काळतोर राजाल मन्तोर अनि बसकेय हायोर अनि बोरे मानेयना कोन्डाते हूळ परोर। अनि ओर परमेस्वर अनन्त काळते राज किन्तोर। अनि ओर परमेस्वरतुन आदर अनि महिमा दरोज मन्दार। आमेन।

यहुदि 2:7

निमा हुडुक बेरा साटि ओन स्वरगदूतकना अदिकारताल हुडुक कमि किति, निमा ओन उन्दि राजाल लेहका आदर अनि अदिकार हिति।

याकुब 2:22

अनि परमेस्वरनिगा ओन बचोन विस्वास मता इन्जोर निमाट हुळतिट। परमेस्वर वेहता पोल्लो कियान साटि ओर तयार मतोर ओना बुतोते ओना विस्वास पुरा आता।

याकुब 3:13

अनि मियागाडाल ग्यानि अनि समजदार मानेय बोर मन्तोर? ओर ग्यानि अनि समजदार मन्तोर ओर ओना ग्यानता चिन्ह मन्ता ओद नम्रतातासंग सोबाय चाल-चलन किस आपुना बुतोतुन प्रगट केविर।

१ पतरस 1:7

बाक्याकि परिक्षाते विजय आता मिया खरोय विस्वास ओद किसतिगा परिक्षा किता सोनोताल वने पकाय किमति मन्ता इन्जोर येसु मसि असा प्रगट आयनुर असके परिक्षाते विजय आता मिया खरोय विस्वास वाहवाता, महिमाता अनि आदरता कारण ठहरे मायि।

१ पतरस 5:4

अनि मुक्याल मेहवाल येसु मसि प्रगट आयनुर असके ओर मिकुन बसकेय कोमेजे मायो आयार महिमाता ओद मुकुट हियानुर।