रोमि 15:3 - Muria Far Western

³ बाक्याकि “निया बारेते बोव खराब पोल्लोंग लोकुरक इन्तोरक ओव पोल्लोंग नावा पोरो वातांग” इदाम पवित्र पुस्तकतिगा परमेस्वरना बारेते कोटता लेहका मसिहाल वने आपुना गिरदा साटि जिवन जिवेमायोर मति ओर परमेस्वरतुन गिरदा कियान साटि जिवेमातुर।

रोमि 15:3 Iomraidhean Croise

मत्ति 10:25

गुरुना लेहका चेला आयनुर ते ओन सन्तुष्ट आयिला पहाजे अनि दास मालकाना लेहका आयनुर ते ओन सन्तुष्ट आयिला पहाजे। ओरक लोतोर मालकान दुष्टात्माता मुक्याल मन्तोर बेलजबुल इदाम इन्किट ते ओना लोतोर लोकुरकुन बचोन खराब पोरोय इन्दानुर?”

मत्ति 26:39

पजा ओर हुचुन्सा असा मुने विळस अडिय अरसुन “हे नावोर बाबो, आय परार ते पकाय तकलिपता इद वाटि नावा हेरेटाल लक किम, ते वने नावा इच्चा लेहका आयो मति निया इच्चा लेहका आयि” इन्जोर प्रार्थना कितुर।

मत्ति 26:42

पजा ओर दुसरो बेरा हन्जुन, “हे नावोर बाबो, नना इद सहेन कियाना पकाय जरुरि मन्ता ते निया इच्चा पुरा आयि” इन्जोर प्रार्थना कितुर।

मत्ति 27:44

इदामे ओनासंग कुरुस पोरो अन्जहिच मतोर ओन्डकाह वने ओना निन्दा किन्दुरक।

युहनाल 15:10

अनि नना आपुनोर बाबोना आग्यातुन मानेमास दरोज ओना मयाते मन्तोना अदामे निमाट वने नावा आग्यातुन मानेमायकिट ते नावा मयाते मन्ट।

युहनाल 15:24

अनि लोकुरकनिगा बोरे बसकेय केवोरक ओद चमत्कारता बुतो नना किस तोहतान। अनि नना ओद बुतो केवोन आस मनेना ते ओरा पाप साटि ओरकुन दोषि ठहरे केवोर आस मनेर। मति इदेक ओरक नावा द्वारा किता चमत्कारतुन हुळतोरक ते वने नाकुन अनि नावोर बाबो माक इवुरासकुन ओरक दुश्मनि किन्तोरक।

युहनाल 4:34

अनि येसु ओरकुन इतुर, “आपुन लोहवालना इच्चाते ताकिर अनि ओना बुतो पुरा केविर इन्जोर नावा गाटो इद मन्ता।

युहनाल 5:30

अनि येसु असा इतुर, “नना आपुनास बाराय कियाला परोन; बदाम केन्जान्तोना अदामे न्याय किन्तोना। अनि नावा न्याय खरोय मन्ता बाक्याकि नना आपुना इच्चाते आयो मति नाकुन लोहवालना इच्चाते किन्तोना।

युहनाल 6:38

बाक्याकि नना आपुना इच्चाते आयो मति नाकुन लोहवाल नावोर बाबोना इच्चा पुराकियान साटि नना स्वरगताल रेयस वातोना।

युहनाल 8:29

नाकुन लोहवाल नावासंग मन्तोर; नना दरोज ओन गिरदाकियाना बुतो किन्तोना इन्जोर ओर नाकुन वरोरे इरोर” इन्जोर इतुर।

२ कुरिन्थुस 8:9

मावोर प्रबु येसु मसि सावकार मन्ज वने ओना गरिब आयानाते निमाट सावकार आयकिट इन्जोर ओर मिया साटि गरिब आतुर ओना ओद दयातुन निमाट पुन्तोरिट।

फिलिप्पि 2:5

मसि येसुना ओदे स्वभाव मियागा वने मनि।

फिलिप्पि 2:8

अनि ओर आपुनतुन हुडलोर बनेकितुर अनि परमेस्वरना आग्या मानेमास ओर हायाना सहेन कितुर। इंगो! कुरुस पोरोता पकाय तकलिपता हायाना सहनकियाना वनाह परमेस्वरना आग्यातुन इचोन मानेमायवाल आतुर।