रोमि 13:2 - Muria Far Western

² इन्जोर सरकारि अदिकारिना आग्याता पालन केवोर ओर परमेस्वर बनेहकिता आग्याता विरोद किन्तोर अनि बोर इदाम विरोद किन्तोर ओन परमेस्वरताल पका दन्ड पुटार।

रोमि 13:2 Iomraidhean Croise

मत्ति 23:13

येसु असा इतुर, “हे नियमतुन करिहवालोर अनि परीसि लोकुरक परमेस्वर मिकुन पकाय दन्ड हियानुर। निमाट कपटि मन्तोरिट। स्वरगतिगा हन्दाना इच्चा किन्तोरक लोकुरा मुने निमाट स्वरग राज्यता टाटरा बन्द किन्तोरिट, आपुनास अगा हनविट अनि अगा हनवालोरकुन वने हन्दिला हेविट।

मरकुस 12:40

अनि रान्डिह आळदा धनसंपतितुन ओरक दोखा किस कलेर किन्तोर अनि दुसरो लोकुरक तोहान साटि पकाय बेरावनाह प्रार्थना किसोर मन्तोर इन्जोर ओर लोकुरकुन दुसरो लोकुराताल वने पकाय दन्ड भोगे मायनुरक।”

लूका 20:47

अनि ओरक रान्डिहना लोता धनसंपतितुन दोखाते येतिन्तोर अनि आपुहकुन दरमि तोहान साटि पकाय बेराताल प्रार्थना किसोरिंग मन्तोरक: येरकुन पकाय दन्ड पुटार।”

रोमि 13:1

सबोय विस्वासि लोकुरक आपुना सरकारता मुक्य अदिकारिना अधिनते मन्दिला पहाजे बाक्याकि ओर अदिकारिलोकुरकुन परमेस्वरे अदिकार हितोर। सबोय अदिकार परमेस्वरनिकेडाले मन्ता अनि ओरकुन परमेस्वरे आचतोर।

रोमि 13:3

अनि सोबाय बुतो किन्तोरक ओर लोकुरक अदिकारिलोकुरकुन वरियाना जरुरि हिले मति बोर खराब बुतो किन्तोरक ओरके वरियान्तोरक। इन्जोर निमाट अदिकारिलोकुरकुन वरियाना इच्चा केविट ते सोबाय बुतो किसोर मन्ट असके ओरक मिया स्तुति कियानुरक।

रोमि 13:5

इन्जोर निमाट ओरा अधिनताते मन्दिला पहाजे। केवल दन्डता वरेते आयो मति मिया अन्तकरणता कारणते इदाम कियाला पहाजे।

रोमि 9:19

इन्जोर परमेस्वर सबोय आयि ओना इच्चाता अनुसार किन्तोर ते पजा ओर माकुन दोष बाक्या हिन्तोर इदाम बोराय नाकुन इन परान्तोर? बोरायि ओना इच्चाता विरोदते हन्दिला परोर।

तितुस 3:1

अनि सरकारि अदिकारिना अदिकारते मनिरक अनि ओरा आग्या मानेमायिरक अनि बोदे खरोय बुतो कियान साटि तेयार मनिरक इन्जोर विस्वासि लोकुरकुन आलिहचिम,

याकुब 3:1

हे नावोर बायि-दादालोरक, परमेस्वरना पोल्लोंग करिहवालोरकुन परमेस्वर पकाय कटिनते न्याय कियानुर इन्जोर निमाट समजेमास पकाय लोकुरक परमेस्वरना पोल्लोंग करिहवाल आयान साटि विचार केमाट।

१ पतरस 2:13

प्रबुन साटि निमाट मानेय बनेहकितोर ओद सबोय नियमता अधिनते मन्ट।