रोमि 12:3 - Muria Far Western

³ परमेस्वर नाकुन दयाकिस मिया साटि लोहतोर इन्जोर नना निमाट सबोय लोकुरकुन इन्तोना, निमाट आपुनतुन खरोय रितिते समजेमाम्ट मन्जे निमाट बचोन लायक मन्तोरिट अदेनताल आपुना हजोरपण तोहमाट। मति परमेस्वर सबोय लोकुरकुन बचोन विस्वास हितोर अदेना अनुसार आपुनतुन समजेमाम्ट।

रोमि 12:3 Iomraidhean Croise

लूका 18:11

अनि परीसि मानेय निचुन आपुना मन्दे पकाय लावते इदाम प्रार्थना किया लाकतुर, ‘हे परमेस्वर, नना येर डाकु, खोटाल, व्यभिचार केवालोरक इदाम लोकुरा लेहका या येर टाक्स येतवाना लेहका वने नना हिलेन इन्जोर नना निया धन्यवाद किन्तोना।

युहनाल 3:34

बाक्याकि परमेस्वर लोहतोर ओर परमेस्वरना पोल्लोंग वेहिन्तोर, बाक्याकि परमेस्वर पवित्र आत्मातुन पकाय हिन्तोर।

रोमि 1:5

ओना पोरोयता कारण यहुदि आयोर लोकुरकनिगा प्रबु येसुन विस्वास किस मानेमायाना साटि येसु मसिना द्वारा ओना पोरोयता कारण माकुन दया किस येसुना खास चेलाह आस आचतुर।

रोमि 11:20

इद खरोय मन्ता। ओर यहुदिलोकुरक मसिनिगा विस्वास इरोरक इन्जोर ओरकुन कदियस वाटतोर मति निमाट विस्वास इरतिट इन्जोर मिकुन जोळे किस कलम कितोर इन्जोर निमाट घमन्ड केमाट। मति वरियसोर मन्ट।

रोमि 11:25

हे नावोर बायि-दादालोरक, निमाट आपुनतुन हुश्यार समजेमायमाट इन्जोर निमाट परमेस्वरना द्वारा मकिहता रहस्यता पोल्लो पुन्ट इदाम नावा इच्चा मन्ता। अनि इस्रायेलतोर हुचुलोर लोकुरा मन कटोर आता। मति इद कटोर मन दरोज साटि हिले अनि बचोक यहुदि आयोर लोकुरकुन परमेस्वर आचतोरक ओरक सबोय लोकुरक परमेस्वरना हेरे वायनुर। अदेना पजा ओरा कटोर मन बदलेमायार इन्जोर परमेस्वरना द्वारा इदेकवनाह मकिहता रहस्य पोल्लो मन्ता।

रोमि 12:16

निमाट सबोय लोकुरासंग सोबाय संबन्द इराट, घमन्ड केमाट अनि दुसरो लोकुरक हुडलोर समजेमान्तोरक इदाम सबोय लोकुरासंग निमाट सोबाय संबन्द इराट, अनि केवल आपुनतुने बुद्धिमान समजेमायमाट।

१ कुरिन्थुस 15:10

अनि इदेक नना येसुना खास चेला मन्तोना, ओद परमेस्वरना दयाता कारणते मन्तोना अनि परमेस्वर नावागा किता ओद दया बेकार आयो बाक्याकि येसुना दुसरो सबोय खास चेला लोकुरताल नना पकाय मेहनत कितान। खरोय इनका ते नना ओद आपुनास मेहनत केवोन मति नावागा दया किस परमेस्वर ओद मेहनत कितोर।

१ कुरिन्थुस 3:10

नाकुन पुटता परमेस्वरना विशेषाल वरदानते नना वरोर पकाय सोबाय मिस्तिरि लेहका पायवातुन बनेकितान; मिकुन येसु मसिना सोबाता पोल्लोतुन ननाय पहले वेहच मतोना अनि दुसरो लोकुरक नना बनेकितान ओद पायवाता पोरो बनेहकियाला आतोरक। मन्जे ओरक मिकुन असा वने करहान्तोर इन्जोर निमाट आत्मिक जिवनते मजबुत आयकिट। मति सबोय मानेय नना बनेकिता ओद पायवा पोरो बदाम दोहिला आतोर अदेना बारेते हुशार मन्ट।

१ कुरिन्थुस 7:17

मति प्रबु येसु मसि माक लोकुरकनिकेडाल वरोर वरोरतुन अलग अलग परिस्थितिते आपुना पोरो विस्वास किस जिवन जिवेमायान साटि आचतुर इन्जोर वरोर वरोन मुने बोद परिस्थितिते केयस मतोर ओदे परिस्थितिते मन्ज जिवन जिवेमाम्ट। अनि इदाम नना मसिलोकुरा सभाता सबोय विस्वासि लोकुरकुन इद आग्या करहान्तोना।

२ कुरिन्थुस 10:13

मति परमेस्वर माकुन हिता बुतोता सिवाता बाहरो माक बसकेय आपुना हजोरपण केवोम। प्रबु मियागा किता ओद बुतो वने ओद सिवाते वायार इन्जोर मियागा माक किता ओद बुतोता बारेते हजोरपण किन्तोरोम।

२ कुरिन्थुस 12:13

मसिलोकुरा दुसरो सभातुन पुटता सबोयि पोल्लोंग मिकुन वने पुटतु। मति केवल उन्दि फरक मता: नना मिया पोरो बोदे रितिते वजा आयो आतान। इद गलति साटि नाकुन मापि कियाकिट बहे?

२ कुरिन्थुस 12:7

नावागा असादरण पोल्लोता रहस्यतुन पकाय तोहतोर ओद कारणते नना पकाय हजोरपण केवोन आयका इन्जोर नावा मेन्दुलतिगा गुहचता काटा लेहका मन्ता पकाय नोमुरुता तकलिपतुन हितुर; नाकुन पकाय हजोरपण आयमाकि इन्जोर नाकुन तकलिप हियान साटि ओद काटा सयतानोर दूत आन्दुर।

गलाति 6:3

मति निमाट हुडलोर मन्तोरिट ते वने आपुनतुन पकाय हजोर समजेमान्तोरिट ते आपुनतुन दोखा हिन्तोर।

इफिसुस 3:2

मिया साटि परमेस्वर दयातासंग विशेषाल बुतो नाकुन सोपे कितोर इन्जोर अदेना बारेते निमाट जरुर केन्ज मनकिट।

इफिसुस 3:4

अदेन निमाट वाचेकियाकिट ते मसिना बारेता ओद रहस्यता योजनाता बारेते नाकुन समजेमायाना बचोन मन्ता इन्जोर निमाट पुन्द परान्तोरिट।

इफिसुस 4:16

अनि मेन्दुलता अलग अलग भागता बुतो अलग मन्ता। अनि ओद अलग अलग भाग आपुना आपुना बुतो मयाते बराबर किसुन सबोय मेन्दुलतुन बरसाना अनि मजबुत कियान साटि मदत किन्ता। इदाम ओनिगा सबोय विस्वासि लोकुरक मेन्दुल लेहका उन्दि आस सबोय परिस्थितिते जोळेमास मयाते बरसोरिंग मन्तोरक।

फिलिप्पि 2:13

बाक्याकि परमेस्वरे आपुना इच्चाते मिया मन्दिगा ओना गिरदाता पोल्लोंग कियान साटि इच्चा अनि लाव हिन्तोर।

कुलुसि 1:29

इदाम सबोय लोकुरकुन मसिते परिपूर्ण बनेहकियान साटि नावागा लावते बुतो कियाला आता मसिना पकाय लावता अनुसार नना मन लावेकिस मेहनत वने किन्तोना।

कुलुसि 2:13

निमाट परमेस्वरनिगा विस्वास कियाना पहले पाप किसोर मन्दिट बाक्याकि आपुना पापि स्वभावतुन कदियवाय मतोरिट इन्जोर आत्मिक रुपते निमाट हास मतोरिट। मति मावा सबोय पापतुन मापि हिस परमेस्वर मिकुन मसिनासंग जिवेहकितुर।

१ तिमुति 1:14

अनि मावा प्रबुना दया नाकुन पकाय पुटतु। अनि नना येसु मसिनासंग मन्तोना इन्जोर नना ओनागा विस्वास कियापरान्तोना अनि दुसरोन वने मया कियापरान्तोना।

१ तिमुति 2:15

मति आसक परमेस्वरना खरोय पोल्लोता अनुसार परमेस्वरनिगा सोबाय विस्वास अनि मया किसुन आपुना जिवातुन पवित्र बनेकिस विस्वास किसोर मनिंग ते बालकुन जनम हियाकि तेवने परमेस्वर आसकुन पिसहानुर।

१ तिमुति 2:9

अनि निमाट सबोय लोकुरक प्रार्थना साटि मिलेमायाना बेरा आसक आपुना सन्दराना बारते सोबाय ध्यान केविंग, अनि बोदायि शानवाले सन्दरा करमाकि। अनि लोकुरकुन आकर्षन साटि आपुना कल्कना पकाय सिंगार केमाट। अनि पकाय पयसाना सन्दरांग अनि मोतिंग अनि सोनाता सिंगार केमाकि। इदाम किसुन आसक शालिनाता अनि संयम स्वभावता मनि,

तितुस 2:12

अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

तितुस 2:2

अनि मुदयाह मानेयकुन करहा, अनि ओरकुन आपुनतुन हुशयार मन्वाल बनेहमायिर, अनि लोकुरक ओरकुन हुळसुन आदर केविर इदाम ओरक जिवेमायिर, समजदार आयिर, विस्वास इरिर, मया केविर, बोदायि दुःख सहेमायिला मजबुत आयिर।

तितुस 2:4

अनि अदामे आपुना मुजोहारानसंग अनि बालकसंग मया केविगं इन्जोर सेळोह अव लयाहकुन डाटेकिसुन वेहिंग,

तितुस 2:6

अदामे लयोरक शान्त स्वभावतोर आयिर इन्जोर निमा ओरकुन समजेह किम।

याकुब 4:6

मति परमेस्वर मावागा पकाय दया किन्तोर इन्जोर, “परमेस्वर घमन्ड लोकुरा विरोद किन्तोर अनि गरिब लोकुरकनिगा पकाय दया किन्तोर” इन्जोर पवित्र पुस्तकतिगा कोटता मन्ता।

१ पतरस 1:13

इन्जोर आपुना मन्दुन तयार किस आप आपुना मन्दुन नियत्रण किस मन्ट। येसु मसि मिकुन असा दिसाना बेरा मिकुन पुटवाल मन्ता ओद दयातिगा पुरा आशा इराट।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।

१ पतरस 4:7

सबोय पोल्लोता अन्त सान्डेय आयवाल मन्ता इदाम समजदार आस निमाट आपुनतुन काबु किस प्रार्थना कियान साटि हुशार मन्ट।

१ पतरस 5:5

इदे रितिते हे लयोरक, निमाट वने मुक्याल लोकुरा अदिकारते मन्ट, अनि निमाट सबोय लोकुरक नम्रताते वरोर दुसरोना सेवा कियान साटि तयारिते मन्ट, बाक्याकि “आपुनतुन हजोरपण केवालोरकुन परमेस्वर विरोद किन्तोर, मति परमेस्वर गरिब लोकुरकनिगा दया किन्तोर।”

१ पतरस 5:8

आपुनतुन नियत्रण किस हुशियारते मन्ट, मिवोर विरोदि सयतान गुरजेमान्ता सिंह लेहका बोन हिक्स तिनका इन्जोर पळकसोर वलियान्तोर।

३ युहनाल 1:9

नना मसिलोकुरा सभातुन इदेना बारेते कोटस मतान, मति ओरागा हजोर आयिला इच्चा किन्तोर ओर दियुत्रिफेस नावा अदिकारतुन मानेमायोर।