रोमि 10:3 - Muria Far Western

³ परमेस्वर लोकुरकुन बदाम परमेस्वरना मुने येताना योग्य बनेकिन्तोर इन्जोर ओरक पुनोरक। अनि आपुना रितिते परमेस्वरना मुने येताना योग्य बनेमायाना कोसिस किन्तोरक इदाम किस ओरक परमेस्वरना अधिनते मन्ज ओन मानेमायोर आतुर।

रोमि 10:3 Iomraidhean Croise

लूका 10:29

मति ओर आपुनास बराबर मन्तोर इदाम तोहान साटि ओर असा उन्दि प्रश्न येसुन पुच्चेमातुर, “नावा हेरेटोर बोर आन्दुर?”

लूका 16:15

येसु परीसिलोकुरकुन इतुर, “आपुहकुन परमेस्वरना मुने येताना योग्य मन्तोर इदाम निमाट मानेयकना मुने तोहान्तोरिट, मति परमेस्वर मिया मन्दुन पुन्तोर, बाक्याकि मानेयकना नडुम हजोर मन्ता ओद चिज परमेस्वरना मुने बारायि हिले।

रोमि 1:17

बाक्याकि परमेस्वर आपुना पोरो विस्वास किन्तोर ओर लोकुरकुन बदाम येताना योग्य बनेहकिन्तोर इन्जोर येसु मसिना बारेते सोबाता पोल्लोतिगा सुचेह कितोर। परमेस्वरना मुने येताना योग्य मुनेटाल आकरिवनाह विस्वासतिगा टिकेमाता। पवित्र पुस्तकतिगा कोटता मन्ता अदाम लेहका “परमेस्वरना मुने येताना योग्य विस्वासते जिवित मन्दानुर।”

रोमि 10:2

परमेस्वरतुन गिरदा कियाना ओरा पकाय इच्चा मन्ता मति परमेस्वरतुन खरोय रितिते बदाम गिरदा कियाना ओरक पुनोरक इन्जोर नना मिकुन खरोय इन्तोना।

रोमि 10:20

अनि पजा, “नाकुन पळकोर आन्दुरक ओर लोकुरकुन नना मिलेमातान; अनि नाकुन पुचेवने मायोर आन्दुरक ओर लोकुरकुन नना प्रगट कितान” इन्जोर परमेस्वरना पोल्लो वेहवाल यशायाह पकाय हिमते इन्तोर।

रोमि 11:7

ते बाताल आतु? इस्रायेल लोकुरक परमेस्वरना मुने येताना योग्य आयाना कोसिस किन्दुरक मति ओरक आय परोरक। मति परमेस्वर आचतोर ओर लोकुरक परमेस्वरना मुने येताना योग्य बनेमान्तोरक अनि पिसतोर सबोय लोकुरा मन्दुन कटोर बनेकितोर।

रोमि 3:22

सबोय विस्वासि लोकुरक साटि येसु मसिनिगा विस्वासता द्वारा परमेस्वरना दारमिकता बिना भेदभावते दिसता।

रोमि 3:26

येसु मसिनिगा बोर विस्वास किन्तोरक ओरकुन वने आपुना मुने येताना योग्य बनेमायान साटि इद काळते परमेस्वर आपुना धर्मिकता तोहाना साटि इदाम कितुर।

रोमि 5:19

वरोर मानेय परमेस्वरना नियम मानेमायोर इन्जोर बदाम पकाय लोकुरक पापि ठहरे मातुरक अदामे वरोर मानेय परमेस्वरना नियम मानेमायानाते पकाय लोकुरक परमेस्वरना मुने येताना योग्य ठहरे मायनुरक।

२ कुरिन्थुस 5:21

मसिनिगा बोदे पाप हिले आसि माक ओना द्वारा परमेस्वरना मुने येताना योग्य ठहरे मायिला पहाजे इन्जोर परमेस्वर मावा पापतुन ओना पोरो इरस मावा पापता साटि बलि बनेहकितुर।

फिलिप्पि 3:9

अनि मूसाना नियमता द्वारा पुटता दारमिकता आयो मति येसु मसिनिगा मन्ता विस्वासता कारण परमेस्वरताल पुटता दारमिकताता अनुसार ओनासंगे उन्दि जिवाते मन्दाना साटि अनि,

२ पतरस 1:1

येसु मसिनोर दास अनि येसु मसिना खास चेलाल शिमोन पतरस, मावोर परमेस्वर अनि पिसिहवाल येसु मसिना दारमिकताता द्वारा मावालेहका पकाय किमति विस्वास पुटहान्तोर ओर लोकुरक साटि इद पत्र कोटान्तोर।