रोमि 1:16 - Muria Far Western

¹⁶ नना येसु मसिना बारेते सोबाता पोल्लोसाटि लज्जा आयोन; बाक्याकि बोरायि अगा विस्वास इरान्तोरक ओना पिसाना साटि मुने यहुदि अनि पजा यहुदि आयोर लोकुरकुन ओद पिसाना साटि परमेस्वरना लाव मन्ता।

रोमि 1:16 Iomraidhean Croise

मरकुस 8:38

इद व्यभिचार अनि पापि केवालोरा पिळिता नडुम बोरायि नावा अनि नावा पोल्लोनुंग येतिला लज्जेमायनुरक ते नना मानेयतोर मरि वने ओना बारेते पवित्र स्वरगदूतकनासंग आपुना बाबोना महिमातासंग वायका असके लज्जा कियाकान।”

लूका 9:26

अनि बोर आयि मानेय नाकुन अनि नावांग पोल्लोनुंग वेहान साटि लज्जा आयनुर ते, ओना बारेते नना मानेयतोर मरि वने आपुना बाबोना अनि पवित्र स्वरगदूतनांग महिमासंग दुनियाता न्याय कियान साटि वायाना दियाते लज्जेमायका।

युहनाल 7:35

असके यहुदि लोकुरक वरोन दुसरोनासंग इदाम इन्दिला लागतुरक, “माक येन मिलेमाय परो आयकोम इदाम येर बगा दायनुर? बाताल ओर मावा देशता बाहरो सहेरते हन्जुन अगा मावोर यहुदिलोकुरक युनानि लोकुरासंग मन्तोरक अनि ओरकुन वने उपदेश हियानुर बहे?

बुतोंग 3:26

मियागाडाल सबोय लोकुरक आपुना खराब बुतोंग बन्द किहिस आशिष हेविर इन्जोर परमेस्वर आपुनोर सेवक येसुन तेहच पहले मिया हेरे लोहतुर।”

रोमि 10:17

इन्जोर विस्वास येसु मसिना बारेते केन्जानाते उत्पन्न आन्ता अनि बोरायि मसिना बारेते वेहान्तोरक असके लोकुरक मसिना बारेता सोबाता पोल्लो केन्जान्तोरक।

रोमि 15:19

इदाम किस नना येरुसलेम सहेरताल इल्लुरिकुस प्रदेशवनाह सबोय जागातिगा नना येसु मसिना बारेते सोबाता पोल्लोता पुरा पुरा प्रचार कितान।

रोमि 15:29

अनि नना मिया हेरे वायका असके मसिना आशिष माक सबोय लोकुरकुन पकाय पुटार इन्जोर नना पुन्तोना।

रोमि 2:9

अनि गलति किन्तोर ओरक सबोय लोकुरा पोरो मुने यहुदि अनि पजा यहुदि आयोर सबोय लोकुरकनिगा दुःख अनि सन्कट वायार।

रोमि 4:11

अनि ओना कतनाता मुने विस्वासता द्वारा पुटता दारमिकताता शिक्का लेहका कतनातुन आपुना मेन्दुलतिगा येतितुर। इदाम बिना कतनाते बोर विस्वास किन्तोरक ओरक सबोय लोकुरकुन ओर बाबो आयान साटि इदाम ओरा विस्वासता द्वारा ओरकुन परमेस्वरना मुने येताना योग्य ठहरे मायाना साटि मन्ता।

१ कुरिन्थुस 15:2

अनि ओद सोबाता पोल्लोतिगा निमाट मजबुतते विस्वास किस स्थिर मन्तोरिट ते परमेस्वर मिकुन पिसहान्तोर, आयोते मिया विस्वास कियाना बेकार आस मनवार।

१ कुरिन्थुस 2:2

मियासंग मन्दान बेरा येसु मसिना बारेते अनि ओना कुरुस पोरो हायानातुन तासिस दुसरो बोदे पोल्लोतुन दुसरो बोदे पोल्लोंग पुन्दाना इच्चा केवोन।

१ कुरिन्थुस 2:4

मिया विस्वास मानेयना ग्यानते आयो मति परमेस्वरना लाव पोरो मजबुत मनि इन्जोर नना मिकुन करिहतान अनि वेहतान ओद पोल्लो केन्जान साटि सोबाय मन्ता मानेयना ग्यानता पोल्लो आयो मति परमेस्वरना आत्माता लावते तोहता मन्तांग।

१ कुरिन्थुस 9:12

दुसरो लोकुरक मियाताल तिन्दाना उन्दाना लेहका मन्ता जरुर पोल्लोंग पुटहान साटि लायक मन्तोर ते माक ओराताल वने लायक हिलेम बहे? मति माक इवुरास इद अदिकारता उपयोग केवोम अनि मसिना सोबाता पोल्लो वेहाना बेरा अदेन बोदे बन्दन केमाकिर इन्जोर माक इवुरास सबोय सहेन किसोर मतोम।

१ कुरिन्थुस 9:18

ते पजा नावा रोजि बाताल मन्ता? अनि सोबाता पोल्लोतुन प्रचार केवालना अदिकारते नाकुन पुटाना मता ओद हक्क बोरे विस्वासि लोकुराताल नना तलकोन अनि बोनाय कयते बाताले येतवाय मसिना सोबाता पोल्लोतुन फुकोटते नना वळकतान ओद नावा रोजि मन्ता।

२ कुरिन्थुस 2:12

नना मसिना सोबाता पोल्लो वेहान साटि त्रोवास सहेरतिगा वातान असके मसिना सोबाता पोल्लो वेहान साटि प्रबु नाकुन उन्दि सन्दि हितुर।

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

२ कुरिन्थुस 9:13

मसिना सोबाता पोल्लोता आग्यातुन निमाट मानेमायानाता कारण, येरुसलेम सहेरता पवित्र लोकुरक अनि दुसरो सबोय विस्वासि लोकुरकुन उदारताते मदत कियाना हुळसुन विस्वासि लोकुरक परमेस्वरना धन्यवाद कियानुरक।

गलाति 1:7

मति खरोय ओद सोबाता पोल्लोये हिले। मति हुचुक लोकुरक येसु मसिना सोबाता पोल्लोतुन बिगळे किस मिकुन भळके कियाना इच्चा किन्तोर।

१ तिस्लुनि 2:13

मावाताल परमेस्वरना सोबाता पोल्लो मियासंग अवतु इन्जोर माक वने परमेस्वरना दरोज धन्यवाद किन्तोरोम। अनि निमाट अदेन केवल मानेयना पोल्लो लेहका आयो मति परमेस्वरना पोल्लो इन्जोर समजेमासुन स्विकार कितिट। अनि परमेस्वरना विस्वास किन्तोर ओर लोकुरा जिवाते परमेस्वरना पोल्लो सोबाय बुतो किसोर मन्ता।

१ तिमुति 1:11

इद करहाना परमेस्वरना सोबाता पोल्लोता अनुसार मन्ता, ओद सोबाता पोल्लो दुसरो लोकुरकुन वेहान साटि हजोर परमेस्वर नाकुन आचतुर इन्जोर नना परमेस्वरना धन्यवाद किन्तोना।

२ तिमुति 1:12

इन्जोर इद सबोय दुःखतुन नना सहेमातान। मति नना लज्जा केवोन बाक्याकि बोनागा नना विस्वास कितोना इन्जोर नना पुन्तोना, ओर ओना न्यायकियानाता दियावनाह नाकुन केप परान्तोर इन्जोर नना पका मन्तोना।

२ तिमुति 1:16

अनि उनेसिपुरुसना परिवारतुन प्रबु दया केविर बाक्याकि नना साकळिंग करिहिस जेहलतिगा मन्तोनान मति ओर पकाय बेरा नाकुन हुळान साटि जेहलतिगा वासुन नावा मन्दुन शान्ति हितुर।

२ तिमुति 1:8

इन्जोर मावोर प्रबु येसु मसिना गवाहि वेहान साटि अनि नना साकळि करिहसुन प्रबुना साटि जेहलतिगा मन्तोना इन्जोर बसकेय लज्जा आयमा, मति सुसमाचार साटि नना बदाम दुःख सहेमातान अदामे परमेस्वरना सामर्थता अनुसार निमा वने दुःख सहेकिम,

यहुदि 4:12

परमेस्वरना पोल्लो जिवित अनि लाववाले मन्ता। ओद बोदायि रन्ड धारवाले तलवारताल वने पकाय होळता मन्ता। ओद मावा आत्मा अनि जिवा, अनि पळेकाना जोळक अनि पळेकाना लोपा मन्ता मज्जाताल वने आरपार पसियस दान्ता। अनि ओद मन्दा इच्चा अनि विचारतुन समजेमान्तोर।

१ पतरस 4:16

मति मसि आयानाता कारण पकायि तकलिप पुटहिर ते लज्जा आयमाकिर, मति निमाट मसिलोकुरक आन्दिट इन्जोर परमेस्वरना महिमा कियाला पहाजे।