युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:11 - Muria Far Western

¹¹ ओरक सबोय लोरकुन पान्डरि सन्दरा हितुर। अनि मिया लेहका हव्कवाल मन्तोरक मिवोर संगवारि दास अनि तमोलोरा काहाना पुरा आयानावनाह निमाट असा हुडुक बेरावनाह हरहुळाट इन्जोर ओरकुन इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:11 Iomraidhean Croise

मत्ति 10:21

येसु असा ओरकुन इतुर, “तमो, तमोन अनि बाबो मरिन हव्काना साटि सोपे कियानुर, अनि बालक अवाल-बाबोना विरोदते तेदचुन ओरकुन हव्काहनुरक।

लूका 15:22

मति ओनोर बाबोहाराल आपुनोर दासतुन इतुर, ‘सान्डे हन्जुन सोबातंग कपळांग तचुन नावोर मरिन करहाट। अनि ओना कयतिगा मुदा अनि काल्कनिगा हरपुह करहाट।

युहनाल 16:2

अनि ओरक मिकुन समाज मन्दिरताल बाहरो टन्डसिनुरक, मिकुन हव्कस वाटनुरक, ओरक नना परमेस्वरना सेवा किन्तोना इन्जोर समजेमास मिकुन हव्काना बेरा वायिला आता।

बुतोंग 20:24

मति नना नावा जिवातुन बाताले किमत मन्ता इदाम विचार केवोन। मति प्रबु येसु नाकुन निवळे किता ओद बुतो पुरा कियाना मुक्य पोल्लो मन्ता। परमेस्वरना हजोर दयाता सोबाता पोल्लो सबोय लोकुरकुन वेहान साटि प्रबु येसु नाकुन निवळेकितोर ओद बुतो पुरा कियाना केवल नावा लक्ष मन्ता।

२ तिस्लुनि 1:7

अनि प्रबु येसु आपुना लाववाले स्वरगदूतकनासंग स्वरगताल दमकेमाता किसते प्रगट आस परमेस्वरतुन पुनोर अनि मावोर प्रबु येसुना सोबाता पोल्लोतुन मानेमायोर ओरकुन दन्ड हियानुर। अनि मिकुन अनि माकुन वने आपुना पकाय तकलिपतिगाडाल ओन आराम हियानुर।

२ तिमुति 4:7

अनि उन्दि लळायि लेहका नना परमेस्वरना विस्वास साटि लळायि कितान, वरोर वितवाल बदाम जिकान्तोर अदाम लेहका परमेस्वर नावा कयदे हिता सोबाता पोल्लो वेहानाता बुतो नना सोबाय पुरा कितान। अनि येसु मसिना खरोय करहाना उपदेशतुन नना बसकेय तासिस हनोन।

यहुदि 11:40

परमेस्वर मावा साटि सबोयताल सोबाय पोल्लो हियाना साटि योजना कितुर इन्जोर ओरक सबोय लोकुरक केवल मावासंगे ओद वाचाता परिपूर्णता आय परान्तोरक।

यहुदि 12:23

अनि स्वरगतिगा पोरो कोटता मन्ता परमेस्वरनोर पहलेटा बालकना सभातिगा अनि सबोय लोकुरा न्याय केवाल परमेस्वर मुने अनि परमेस्वरना मुने येताना योग्य मन्तोर परिपूर्ण बेनेहमातोर लोकुरा आत्माता हेरे,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 10:6

अनि बोर स्वरगतुन अनि स्वरगतिगा मन्ता ओद सबोयतुन, अनि दरतितुन अनि दरतितिगा मन्ता ओद सबोयतुन, अनि समुद्रतुन अनि समुद्रतिगा मन्तांग सबोय चिजकुन उत्पन्न कितोर सबोय काळदे जिवित मन्तोर परमेस्वरना पोरोयते शपथ तिन्ज इतुर, “इदेक ते असा उसिर आयो आयार।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:15

अनि पहलेटा जानवरता मूरतितुन जिवा स्वास हियाना अदिकार दरतिताल पसियता दुसरो जानवरतुन पुटतु। असके पहलेटा जानवरता मूरतितुन वळकिला लाव पुटि अनि जानवरता इद मूरतितुन आरादना केवोर लोकुरकुन हव्कस वाटिर इदाम आग्या हितु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:13

पजा नना स्वरगताल उन्दि शब्द केन्जतान, “कोटा: इदेकताल प्रबुना विस्वासते हातोरक हायवालोरक, धन्य मन्तोरक।” “इंगो! ओरकुन आपुना मेहनताल इदेक आराम पुटार बाक्याकि ओरा बुतोंग ओरासंग मन्ता” इन्जोर पवित्र आत्मा इन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:6

पवित्र लोकुरा नतुर अनि येसुना गवाहलोरा नतुर उन्ज ओद आळ होच मता इदाम नना हुळतान अनि अदेन हुळस नना पकाय आश्चरय आतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:14

नना ओन इतान, “हे सयबाल, निमा पुन्तोन।” ओर नाकुन इतुर, “येरक पकाय तकलिपताल पसियस वातोरक, अनि बेळा पिलाता नतुरतिगा आपुना-आपुना सन्दरा नोरस पान्डरि कितोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:9

असके पजा सबोय जातिंग अनि गोत्र अनि अलग-अलग बोलि वळकवालोर लोकुरकताल, बोरे काहिला परोर इचोन उन्दि पकाय हजोर भीळ पान्डरि सन्दरा करस अनि आपुना कयतिगा खजुरता कोहक पयस सिंहासनता मुने अनि बेळा पिलाता मुने नितितोरक नना हुळतान।