युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:1 - Muria Far Western

¹ पजा बेळा पिलाल सात शीलक लावेकिस बन्द किता ओद पुस्तकता ओव सात शिलतिगाडाल पहले शिलतुन देहतुर असके “वाय!” इन्जोर ओव नालुंगास प्रानिंगनिगाडाल उन्दि प्रानि गुळजेमायाना लेंग लेहका इन्दाना नना केन्जतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:1 Iomraidhean Croise

युहनाल 1:29

दुसरो दिया येसु आपुनिके वायानपा हुळसुन बपतिस्मा हेवाल हुन्नाल इदाम इतुर “हुळाट, येर दुनियातोर लोकुरा पापताल मुक्ति हियान्तोर परमेस्वरनोर बेळा पिला आन्दुर।।

बुतोंग 4:20

माक मिया पोल्लो मानेमाय परोम मति बोद माक हुळतोम अनि केन्जतोम ओद पोल्लो माक वळकसोर मनकोम।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:19

असके स्वरगतिगा परमेस्वरना मन्दिर तरियतुर, अनि ओना करारता सन्दुक मन्दिरतिगा दिसतु, अनि विजक अनि शब्द अनि गुळजेमायाना अनि भुकंप अनि हजोह अदुह अरतुंग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:8

दुनियाता उत्पतिता बेराताल असकता बेळा पिलाता जिवनता पुस्तकतिगा पोरोय कोटोर दरतितोर सबोय लोकुरक ओद जानवरता आरादना कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:2

अनि पकाय पोंगाता एता पकाय सनसनाटा लेंग लेहका अनि पकाय गुळजेमान्ता लेंग लेहका स्वरगताल उन्दि पकाय हजोर लेंग नना केन्जतान, अनि नना केन्जतान ओद लेंग वीणा नेकिहवालोरक वीणा नेकिहला आतोर लेंग लेहका मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:6

पजा नना पकाय लोकुरा भीळता लेंग लेहका अनि पकाय पोंगान्ता एता लेंग लेहका शब्द अनि पकाय हजोर गुळजेमायाना लेंग लेहका जोरदा उन्दि लेंग केन्जतान, “हालेलूया! सबोय लाववाले मावोर प्रबु परमेस्वर राज किन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 4:8

नालुंगास प्रानिंगना सारुंग-सारुंग मारेकिंग मतांग, अनि ओव मारेकिंगनांग नालुंगास बासा अनि मारेकिंगनांग अडिय वने कोन्डांगे-कोन्डांग मतांग, अनि “इदेक मन्तोर अनि पहले मन्दुर अनि वायवाल मन्तोर ओर सबोयताल लाववाले प्रबु परमेस्वर पवित्र, पवित्र, पवित्र” इन्जोर ओव नरका-पलिंग आराम केवाय इदाम इन्जोर मन्तांग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:1

असके पजा नना सिंहासनतिगा उदस मतोर ओना तिन्दान कयतिगा लोपा अनि बाहरो कोटता मता, अनि सात शीलक लावेकिस बन्द किता उन्दि गुन्डे किस मता पुस्तक हुळतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:12

अनि ओरक पकाय हजोर लेंगदे ओतुरक, “कदियताल बेळा पिलाय लाव अनि धन अनि ग्यान अनि लाव अनि आदर अनि महिमा अनि धन्यवाद येताना योग्य मन्तोर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:8

ओर ओद पुस्तक येतितुर असके अव नालुंगास प्रानिंग अनि चोविस खास अदिकारि लोकुरक बेळा पिलाता काल्क अरतुरक। वरोन वरोन आपुना कयतिगा वीणा अनि पवित्र लोकुरा प्रार्थना आन्दुंग धुपते निन्दितांग सोनोता वाटिंग कयतिगा पयस मतोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:3

अनि बेळा पिलाल ओव सात शिलतिगाडाल दुसरो शिल देहतुर असके दुसरो प्रानि इदाम इन्दाना नना केन्जतान, “वाय!”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:5

अनि बेळा पिला ओव सात शिलतिगाडाल तिसरो शिल देहतुर असके नना तिसरो प्रानि इदाम इन्दाना केन्जतान, “वाय!” असके उन्दि कारयाल कोडातुन नना हुळतान अनि ओद कोडा पोरो उदवाल कयदे उन्दि किलोकाटा पयस मतोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:7

अनि बेळा पिला ओव सात शिलतिगाडाल चवतो शिल देहतुर असके “वाय!” इन्जोर चवतो प्रानि इन्दाना नना केन्जतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 8:1

अनि बेळा पिला ओव सात शिलतिगाडाल सातवो शिल देहतुर असके स्वरगतिगा लगभग अरदो गन्टावनाह पकाय शान्त आतु।