युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:15 - Muria Far Western

¹⁵ नना निया बुतोंगतुन पुन्तोना; निमा दळिंगता हिलवि अनि कास्तोर हिलवि, निमा दळिंगता या कास्तोर मन्ज मनेन ते बेस आयार।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:15 Iomraidhean Croise

मत्ति 10:37

येसु ओरकुन इतुर, “नावाताल पकाय अवाल या बाबोन मया किन्तोर नावा योग्य हिलेर, अनि पेकाल या पेडिन नावाताल पकाय मया किन्तोर ओर नावा योग्य हिलेर।

मत्ति 24:12

दुनियातिगा लोकुरक खराब बुतो कियाना पकाय आयनुंग इन्जोर पकाय लोकुरा मया बन्द आयार।

मत्ति 6:24

येसु असा ओरकुन इतुर, “रन्ड मालकाना सेवा कियाला बोरायि मानेय आय परोर, बाक्याकि ओर वरोन दुश्मन किस दुसरोन मया इरानुर, या वरोन मिलेमास मन्दानुर अनि दुसरोन तुच्च समजेमायनुर। निमाट परमेस्वर अनि धन इव रन्डासना सेवा किया परविट।

रोमि 12:11

निमाट हलकायिते पुरा मन्दे प्रबुना सेवा किसोर मन्ट।

१ कुरिन्थुस 16:22

अनि बोरे प्रबुनिगा मया केवोर ते ओर सरापता योग्य मन्तोर। मावोर प्रबु वायवाल मन्तोर।

२ कुरिन्थुस 12:20

बाक्याकि नना मिया हेरे वायका असके मियाबारेते नावा इच्चा लेहका मिकुन अनि नना बदाम आयिला पहाजे इन्जोर विचार किन्तोरिट अदाम लेहका नना आयोन आस निमाट नाकुन वने मिलेमायकिट इन्जोर वने नना वरयान्तोना। अनि मिया नडुम वाहचाना, हेवा, होंग, विरोद, इरषा, चाहळिंग, अभिमानि अनि अव्यवस्ता इदाम पोल्लोंग कलियकि इन्जोर वने नाकुन वरे मन्ता।

फिलिप्पि 1:9

मिया मया परमेस्वरना बारेता खरोय ग्यान अनि सबोय परिस्थितिता खराब अनि खरोयतुन समजेमायान परिपूर्ण बुद्धितासंग असा वने पकाय बरसोरिंग हनि,

२ तिस्लुनि 1:3

हे बायि-दादालोरक, मिया विस्वास अनि आपसता मया बरसोरिंग मन्ता इन्जोर माक परमेस्वरना मुने दरोज मिया साटि धन्यवाद कियाला पहाजे।

याकुब 1:8

अनि रन्ड मन्कनोर मानेय आपुना सबोय पोल्लोतिगा चन्चल मन्तोर।

१ पतरस 1:22

खरोयतुन पालन कियानाता कारण मिया आत्मा निषकपट बन्धुभावता माया साटि शुद्धकिस इन्जोर मन लावेकिस वरोर दुसरोन पकाय मया किम्ट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:4

मति निया मसि विस्वासता सुरुवाते मिया मन्दिगा नावासंग अनि मसि विस्वासि लोकुरासंग मता निया पहलेटा लेहका मया तासिसितोन इन्जोर नाकुन निया विरुद इन्दाना मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:1

“सरदिस सहेरता मसिलोकुरा सभाता दूततुन इद कोटा: परमेस्वरना सात आत्मांग अनि सात हुकोंग मन्तोर ओर इदाम इन्तोर: नना निया बुतोंगतुन पुन्तोना, निकुन जितो इन्तोरक मति निमा हास मन्तोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:16

निमा दळिंगता हिलवि या कास्तोर हिलवि, निमा कोमट मन्तोन इन्जोर नना निकुन नावा टोडिताल पोरसवाल मन्तोना।