युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:14 - Muria Far Western

¹⁴ “लवुदिकिया सहेरता मसिलोकुरा सभाता दूततुन इद कोटा: विस्वास योग्यवाले अनि खरोय गवाहदार मन्तोर अनि परमेस्वरना सृष्टिता राज केवाल मन्तोर आमिन पोरोयतोर इदाम इन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:14 Iomraidhean Croise

युहनाल 1:3

अनि ओना द्वारा सबोय आयि तयार आता अनि बारायि आयि तयार आता अगडाल बोदायि चिज ओना सिवायि तयार आयो।

युहनाल 8:14

अनि येसु ओरकुन इतुर, “नना आपुना गवाहि आपुने हिन्तोना ते वने नावा गवाहि खरोय मन्ता बाक्याकि नना बगाडाल वातोना अनि बगा दान्तोना इन्जोर नना पुन्तोना मति नना बगडाल वान्तोना अनि बगा दान्तोना इन्जोर निमाट पुनविट।

२ कुरिन्थुस 1:20

परमेस्वरना बचोक वाचा मन्तांग अव सबोय येसु मसिनिगा इंगोतासंग मन्ता इन्जोर परमेस्वरना स्तुति आयान साटि ओना द्वारा माक आमिन इन्तोरोम।

कुलुसि 1:15

येसु मसि अदृश्य परमेस्वरना स्वभावतोर अनि सबोय गुणतोर प्रतिरुप मन्तोर अनि सबोय उत्पन्न आता अदेनिगा ओन सबोय अदिकार मन्ता।

कुलुसि 1:18

अनि तला आपुना मेन्दुलतुन बदाम नियन्त्रन किन्ता अदामे आपुना मेन्दुल मन्ता मसिलोकुरा सभातुन ओर नियन्त्रन किन्तोर। सबोय पोल्लोतिगा मुनेटा स्थान ओन पुटि इन्जोर ओर मसिलोकुरा सभातुन बनेकेवाल अनि ओर मसिलोकुरा सभातुन जिवन हेवाल मन्तोर, अनि हातोरिगाडाल असो जिवे मायवालनिगा मुनेटोर मन्तोर

कुलुसि 2:1

मिया साटि अनि बोर लवुदिकिया सहेरतिगा मन्तोर अनि बोरक इदेकवनाह नावा चेहरा हुळोर ओर सबोय लोकुरक साटि,

कुलुसि 4:16

इद पत्र मिया मुने वाचेकिस आतपा लेवुदिकियाता मसिलोकुरा सभातिगा वने वाचे केविर। अनि लेवुदिकियाताल वायार ओद पत्र निमाट वने वाचेकियाकिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:11

असके “बाताले निमा हुळान्तोन अदेन पुस्तकतिगा कोटस इफिसुस अनि स्मुरना अनि पिरगमुन अनि तुयाथिरा अनि सरदिस अनि फिलेदिलफिया अनि लवुदिकिया इव सात मसिलोकुरा सभांगतिगा लोहचिम” इन्जोर नावा परके पिपारिता लेहका उन्दि हजोर लेंग नना केन्जतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:5

अनि विस्वासयोग्य साक्षि अनि हातोरनिगाडाल असा जिवे मायवाल लोकुरकनिगाडाल पहले जिवे मातोर अनि दुनियाता सबोय राजाहलोरा राजाल मन्तोर ओर येसु मसिनिकेडाल मिकुन दया अनि शान्ति पुटसोर मनि। ओर माकुन मया किस आपुना बलिदान हायानाता नतुरता द्वारा माकुन पापताल लेहच,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:11

असके पजा स्वरग तरियता इदाम नना हुळतान, अनि नावा मुने उन्दि पान्डरि कोडा दिसतु अनि ओद कोडापोरो वरोर उदितोर, ओन विस्वासयोग्य अनि खरोयवाले इदाम पोरोय इन्तोरक, अनि ओर खरोयते न्याय अनि लळायि किन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:1

“इफिसुस सहेरता मसिलोकुरा सभाता दूततुन इद कोटा: सात हुकोंग आपुना तिन्दान कयतिगा पयस टिवरि इराना सोनाता ओव सात गोटातांग नडुम वलियान्तोर इदाम इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:6

असा ओर नाकुन इतुर, “इव सबोय पोल्लोंग पुरा आतांग। नना अलफा अनि ओमेगा, सुरवात अनि अन्त ननाय आन्दान। बोन एर उन्डा वसता मन्तोर ओन नना अनन्त जिवनता एता झरातिगाडाल फुकोटते एर हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:13

नना अलफा अनि ओमेगा, पहले अनि आकरि, सुरुवात अनि अन्त आन्दान।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:6

पजा स्वरगदूत नाकुन इतुर, “इव पोल्लोंग विस्वासयोग्य अनि खरोय मन्तांग। सान्डेय पुरा आयाना जरुरि मन्ता अव पोल्लोंग आपुना दास लोकुरकुन तोहिर इन्जोर परमेस्वरना पोल्लो वेहवालोरा आत्मांगता परमेस्वर मन्तोर ओर प्रबु आपुनोर स्वरगदूततुन लोहतुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:7

“फिलेदिलफिया सहेरता मसिलोकुरा सभाता दूततुन इद कोटा: पवित्र अनि खरोय मन्तोर अनि दावुदना किल्लिंग आपुना कयदे मन्तोर अनि ओर तरियता कवाळतुन दुसरो बोरे बन्द किया परोर इदाम तरियान्तोर अनि ओर बन्द किता कवाळतुन दुसरो बोरे तरियला परोर इदाम बन्द किन्तोर ओर इव पोल्लोंग इन्तोर: