युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:1 - Muria Far Western

¹ “सरदिस सहेरता मसिलोकुरा सभाता दूततुन इद कोटा: परमेस्वरना सात आत्मांग अनि सात हुकोंग मन्तोर ओर इदाम इन्तोर: नना निया बुतोंगतुन पुन्तोना, निकुन जितो इन्तोरक मति निमा हास मन्तोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:1 Iomraidhean Croise

लूका 15:24

बाक्याकि येर नावोर मरि पापते हास मतोर, मति इदेक पापतुन हरचुन, जिवेमातोर; मायस मतोर, इदेक कलिय्तोम’ इदाम इतुर अनि इदाम ओरक पकाय गिरदा आतुरक।”

लूका 15:32

मति येर निवोर तमो पापते हास मतोर, मति इदेक पाप कियाना हरचुन जिवेमातोर, मायस मतोर इदेक ओन कलिय्ताट’ इन्जोर गिरदा आसुन सोबाय मन्दिला पहाजे।”

युहनाल 1:16

बाक्याकि ओना दया दरोज मावागा पकाय मन्ता इन्जोर माकुन पकाय आशिरवाद पुटान्ता।

युहनाल 1:33

नना ते ओन पुनोन आन्दान मति एरते बपतिस्मा हियान साटि नाकुन लोहतुर ओरे नाकुन इदाम इतुर, ‘बोनागा निमा पवित्र आत्मातुन रेयाना अनि रोमाना हुळति ओरे पवित्र आत्माते बपतिस्मा हेवाल आन्दुर।’

युहनाल 20:22

अनि इदाम इन्जुन येसु ओरा पोरो ऊहकतुर अनि ओरकुन इतुर, “पवित्र आत्मा येताट।

युहनाल 3:34

बाक्याकि परमेस्वर लोहतोर ओर परमेस्वरना पोल्लोंग वेहिन्तोर, बाक्याकि परमेस्वर पवित्र आत्मातुन पकाय हिन्तोर।

बुतोंग 2:33

परमेस्वर येसुन आपुना तिन्दान कय हेरे हजोर पद हिस उपिहतुर। अनि ओर बाबोनिकेडाल प्रतिज्ञाता अनुसार पवित्र आत्मा स्विकार किस ओर इद पवित्र आत्मातुन माकुन पकाय हितुर, अदेन निमाट इदेक हुळिला अनि केन्जिला आतोरिट।

इफिसुस 2:1

निमाट पापते अनि परमेस्वरना विरुद किता आपुना गलतिता कारणते हास मतोरिट। अगडाल येसु मिकुन जितो कितुर।

इफिसुस 2:5

माक आपुना गलतिता कारण आत्मिक रितिते हास मतोरोम ते परमेस्वर माकुन मसिनासंग जितो कितुर (परमेस्वरना दयातेय मिया मुक्ति आता),

कुलुसि 2:13

निमाट परमेस्वरनिगा विस्वास कियाना पहले पाप किसोर मन्दिट बाक्याकि आपुना पापि स्वभावतुन कदियवाय मतोरिट इन्जोर आत्मिक रुपते निमाट हास मतोरिट। मति मावा सबोय पापतुन मापि हिस परमेस्वर मिकुन मसिनासंग जिवेहकितुर।

१ तिमुति 5:6

अनि बोदे रान्डि आसक आपुना भोगविलास साटि मन्दार ते ओव रान्डि आसक जिवोत मन्ज वने ओव आत्मिक जिवाते हातोर लेहका मन्तांग।

याकुब 2:26

इदाम लेहका बदाम बिना आत्मा मेन्दुल हाताप मन्ता इदामे विस्वास वने बिना बुतोते हाताप मन्ता।

१ पतरस 1:11

मसि सहेन कियानुर ओद पकायि तकलिप अनि पजा दिसार ओद महिमाता बारेते ओरागा मन्तोर मसिना आत्मा मुनेटाले वेहतुर। इव पोल्लोंग इद दुनियातिगा बसके बदाम आयनुंग इन्जोर परमेस्वरना पोल्लो वेहवालोर पकाय इच्चाते पळकसोर मतोरक।

यहुदा 1:12

अनि वरे केवोर आस मिया मयाता सभातिगा मियासंग तिन्तोर-उन्तोरक येरक समुद्रतिगा मकता कल डोंगातुन बचोन कतरनाक मन्ता अदामे येरक वने मन्तोरक, अनि केवल आपना बारेते विचार किस आपुनाय पोटा निहवालोर मेहवालोर आन्दुरक, येरक वळिय तुळहिच ओन्ता एर हिले ढगिंग लेहका बोदे फायदा हिलेर आन्दुरक, अनि वचुन हिरक पसियस मुटतांग सबोय नाश आता कायांगवाले रुतुता बेरा कायांग हादो ओद मरा लेहका आन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:11

असके “बाताले निमा हुळान्तोन अदेन पुस्तकतिगा कोटस इफिसुस अनि स्मुरना अनि पिरगमुन अनि तुयाथिरा अनि सरदिस अनि फिलेदिलफिया अनि लवुदिकिया इव सात मसिलोकुरा सभांगतिगा लोहचिम” इन्जोर नावा परके पिपारिता लेहका उन्दि हजोर लेंग नना केन्जतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:16

ओर आपुना तिन्दान कयतिगा सात हुकोंग पयस मतोर, अनि ओना टोडिताल पकाय होळता रन्ड धारवाले तलवार पसियन्दु। ओना चेहरा पोळद पकाय लावदे मान्जान्ता अदाम लेहका मान्जतु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:20

अनि नावा तिन्दान कयतिगा हुळति अव सात हुकोंगना अनि सोनोता ओव टिवरि इराना सोनाता सात गोटातांग रहस्य इदाम मन्ता: ओव सात हुकोंग मसि विस्वासि लोकुरा सात सभाता दूतक आन्दुरक, अनि टिवरि इराना सोनाता ओव सात गोटांग मसि विस्वासि लोकुरा सात सभांग आन्दुरक।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:4

युहन्नाल आसिया प्रदेशता सात मसिलोकुरा सभातुन कोटान्तोर: इदेक मन्तोर अनि पहले मन्दुर अनि वायवाल मन्तोर ओर परमेस्वरनिकेडाल अनि ओना सिंहासनता मुने मन्तोरक ओव सात आत्मानिकेडाल,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:13

निमा बगा मन्तोन अगा सयताना सिंहासन मन्ता इन्जोर नना पुन्तोना; ते वने निमा नावा पोरोयतिगा स्थिर मन्तोन, अनि सयतान राज किन्तोर मिया मन्दाना ओद जागातिगा मिया नडुम नावोर विस्वासयोग्य साक्षि अन्तिपासतुन हव्कतुरक ओद बेरा वने नावागा मन्ता निया विस्वास तासोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:19

नना निया बुतोंग, निया मया अनि विस्वास अनि सेवा अनि पोसोरिंग सहेन कियाना अनि निया आकरि किता बुतो पहले किसोर मतोन अदेनताल वने पकाय हजोर आतोन इदाम पुन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:9

नना निया पकाय तकलिप अनि गरिबितुन पुन्तोना। मति निमा धनि मन्तोन। अनि आपुनतुन यहुदि इन्तोरक मति ओरक यहुदि हिलेर, मति सयताना उपदेशतुन मानेमान्तोर ओरा निन्दातुन वने पुन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:15

नना निया बुतोंगतुन पुन्तोना; निमा दळिंगता हिलवि अनि कास्तोर हिलवि, निमा दळिंगता या कास्तोर मन्ज मनेन ते बेस आयार।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:2

हुशार आम, अनि हायवाल मन्ता मिया पिसतांग पोल्लोंगतुन मजबुत किम, बाक्याकि निया बोदे बुतोंगतुन नावा परमेस्वरना मुने नना पुरा आयाना हुळोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:8

नना निया बुतोनुंग पुन्तोना, हुळा, नना निया मुने उन्दि कवाळ तरियस इरतोना, अदेन बोरे बन्द कियाला परोर, निया लावते हुचुन्सा मन्ता ते वने निमा नावा पोल्लोता पालन कितोन अनि नावा पोरोयता इन्कार केवि आति।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 4:5

ओद सिंहासनताल विज अनि गुळजेमायाना पसियन्दु, अनि परमेस्वरना सात आत्मांग आन्दुंग किसता सात टिवरिंग सिंहासनता मुने पयटेमायिला आतांग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:6

असके नना ओद सिंहासन अनि नालुंग प्रानिंग अनि चोविस खास अदिकारि लोकुरा नडुम बोरे असकता लेहका वरोर बेळा पिलातुन नितितोर हुळतान। ओन सात कोहक अनि सात कोन्डांग मन्तांग। ओव सात कोन्डांग परमेस्वरना सात आत्मांग आन्दुंग। अवेहकुन परमेस्वर सबोय दरतितिगा लोहच मतोर।