युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:6 - Muria Far Western

⁶ पजा स्वरगदूत नाकुन इतुर, “इव पोल्लोंग विस्वासयोग्य अनि खरोय मन्तांग। सान्डेय पुरा आयाना जरुरि मन्ता अव पोल्लोंग आपुना दास लोकुरकुन तोहिर इन्जोर परमेस्वरना पोल्लो वेहवालोरा आत्मांगता परमेस्वर मन्तोर ओर प्रबु आपुनोर स्वरगदूततुन लोहतुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:6 Iomraidhean Croise

मत्ति 13:41

नना मानेयतोर मरि आपुनोर स्वरगदूतकुन लोहका अनि ओरक ओना राज्यताल सबोय पाप कियान साटि कारण आन्ता सबोय पोल्लोनुंग अनि खराब बुतो केवालोरकुन जमा कियानुर,

लूका 1:70

ओर आपुना सेवक दावुदिना वंशतिगा मावा साटि वरोर लाववाले पिसिहवालिन लोहतोर,

लूका 16:16

मूसाना नियता पुस्तक अनि परमेस्वरना पोल्लो वेहवालोरकना बेरा बपतिस्मा हेवाल युहन्नाना बेरावनाह मता। बपतिस्मा हेवाल युहन्नाना पजा परमेस्वरना राज्यता बारेते करिचोरिंग मन्दुर अनि पकाय लोकुरक अदेना बारेते केन्जुन परमेस्वरना राज्यतिगा वायान साटि कोसिस किन्तोरक।

बुतोंग 12:11

असके पतरस आपुना जिवनते बाताल आतु इन्जोर सोबायि समजेमास “इदेक प्रबु आपुनोर स्वरगदूत लोहच नाकुन हेरोदेसना कयदाल अनि यहुदि लोकुरा सबोयि खराब योजनाताल नाकुन पिसिहतोर इन्जोर खरोय नना पुतान” इन्जोर इतुर।

बुतोंग 3:18

मति ओनोर मसि पकाय तकलिप सहेन कियानुर इन्जोर बोव पोल्लोनुंग परमेस्वर सबोय परमेस्वरना पोल्लो वेहवालना टोडिताल पहलेय वेहच मतोर अदेन ओर इदे रितिते पुरा कितुर।

रोमि 1:2

(पवित्र पुस्तकतिगा परमेस्वरना पोल्लो वेहवालोरा द्वारा परमेस्वर मुनेय वाचा हिस मता येसु मसिना बारेता सोबाता पोल्लो) वेहान साटि

१ कुरिन्थुस 14:32

परमेस्वरना पोल्लो वेहान्तोर ओर आपुना आत्मातुन काबुते इरिला परान्तोर। ओर आपुना वळकाना रोमिस दुसरो लोकुरकुन वने वळकान साटि सन्दि हिया परान्तोर।

१ कुरिन्थुस 7:29

हे बायि-दादालोरक, इद दुनियातिगा मावा साटि पकाय कमि बेरा मन्ता। इन्जोर नना इदाम वेहान्तोना: मन्जे माक केवल आपुना मुत्ते अनि आपुना लोतोरा बारेते पकाय चिन्ता किस प्रबुन साटि सोबाय बुतो कियान साटि पुटता सन्दितुन उपयोग केवोर आस मनमाकिर इन्जोर मुत्ते मन्वाल मानेय ओन मुत्ते हिलेर मानेय लेहका मन्दिला पहाजे।

२ तिस्लुनि 1:7

अनि प्रबु येसु आपुना लाववाले स्वरगदूतकनासंग स्वरगताल दमकेमाता किसते प्रगट आस परमेस्वरतुन पुनोर अनि मावोर प्रबु येसुना सोबाता पोल्लोतुन मानेमायोर ओरकुन दन्ड हियानुर। अनि मिकुन अनि माकुन वने आपुना पकाय तकलिपतिगाडाल ओन आराम हियानुर।

यहुदि 12:9

दुनियातिगा माकुन जनमा हेवाल बाबो वने दन्ड हिन्तोर असके माक ओन मानेमास ओना आग्या पालन किसोर मतोम; ते स्वरगतिगा मन्तोर मावोर आत्मिक बाबो परमेस्वर माकुन दन्ड हियाना बेरा ओन मानेमास ओना अधिनते अनन्तकाळ साटि बचोन पकाय जिवित मन्दिला पहाजे बहे?

२ पतरस 1:21

बाक्याकि परमेस्वरना पोल्लो बसकेय मानेयना इच्चाते आयो मति परमेस्वरना प्रेरणाते मानेय पवित्र आत्माता द्वारा परमेस्वरना पोल्लोंग वळकन्दुर।

२ पतरस 3:2

बाक्याकि निमाट परमेस्वरना पोल्लो वेहवाल पवित्र लोकुरक पहलेटाले इतोर ओव पोल्लोंग अनि मावोर प्रबु अनि पिसिहवाल ओर येसु मसि आपुना खास चेलाल लोकुरा द्वारा हिता आग्यातुन आल्हाट इन्जोर इव रन्डास पत्रतिगा हुचुक पोल्लोंग आलिहच खरोय रितिते विचार कियान साटि मिया मन्दुन जागृत कियाना कोसिस किन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:1

मुने सान्डेय खरोय आयवाल मन्तांग पोल्लोंग आपुना दास लोकुरकुन तोहान साटि परमेस्वर येसु मसिन हितोर ओव तोहता पोल्लोंग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:20

“हे स्वरग गिरिदा किम्ट! अनि पवित्र लोकुरे अनि येसु मसिना खास चेलालोरे अनि परमेस्वरना पोल्लो वेहवालोर लोकुरे गिरिदा किम्ट! परमेस्वर अदेन मिया साटि बदला येचुन अदेन न्याय कितुर बहे।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:9

असके पजा ओर स्वरगदूत नाकुन इतुर, “बेळा पिलाता मरमिंगना जेवनतिगा केयतोर ओरक धन्य मन्तोरक इदाम कोटा” इन्जोर इतुर। “इव परमेस्वरना खरोय पोल्लोंग आन्दुंग” इन्जोर वने इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:5

सिंहासनतिगा उदस मतोर ओर इतुर, “हुळा, नना सबोयतुन पुनाल किसिन्तोना।” पजा ओर इतुर, “कोटा, बाक्याकि इव पोल्लो विस्वासता योग्य अनि खरोय मन्तांग।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:9

पजा आकरिता सात पकाय तकलिपते निन्दितांग सात कटोरा मतांग ओर सात स्वरगदूतकनिगाडाल वरोर स्वरगदूत नावा हेरे वास नाकुन इतुर, “हिके वाय, नना निकुन बेळा पिलाता मुत्ते आयार ओद दुल्हिन तोहका” इन्जोर इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:1

पजा सहेरता हरिता नडुम परमेस्वर अनि बेळा पिलाता सिंहासनताल पसियस पोंगता जिवन हिन्ता एता उन्दि पोंगता नदि स्वरगदूत नाकुन तोहतुर। ओद नदि काचता लेहका साप मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:16

“येसु पोरोयता नना मसिलोकुरा सभांग साटि मिकुन इव पोल्लोता गवाहि हियान साटि नावोर स्वरगदूततुन निया हेरे लोहतोना। नना दावुदना मूल अनि वंशज अनि कोर कुसेडा बेराता मान्जिन्ता हुको आन्दान।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:7

“हुळा, नना सान्डेय वायवाल मन्तोना। इद पुस्तकता परमेस्वरना सन्देश मानेमान्तोर ओर धन्य मन्तोर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 4:1

इव पोल्लोता पजा नना दुसरो उन्दि दर्शन हुळतान। स्वरगतिगा उन्दि कवाळ तरियता मन्ता इदाम हुळतान; अनि पिपारिता लेंगदा लेहका नावासंग वळकतोर ओर पहलेटा लेंग नाकुन: “इगा पोरो वाय, अनि मुने वायिला आता ओव पोल्लोंग नना निकुन तोहका” इन्जोर आग्या हितुर।