युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:4 - Muria Far Western

⁴ पजा नना सिंहासन्क हुळतान, अनि ओव सिंहासन्कतिगा उदितुरक लोकुरकुन न्याय कियाना अदिकार हिस मतोर। अनि येसुना गवाहिता अनि परमेस्वरना पोल्लोता कारण तला असक मतोरक अनि ओद जानवरता अनि अदेना मूरतिता आरादना केवोर अनि अदेना शिक्का आपुना कपारक पोरो अनि कयकनिगा येतोर आसि ओरा आत्मातुन वने नना हुळतान। ओरक जितो आस हजार वरसावनाह मसिनासंग राज कितुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:4 Iomraidhean Croise

मत्ति 19:28

येसु ओन इतुर, “नावा परके वातोर निमाट असा जिवेमास पुनाल काळतिगा नना मानेयतोर मरि राजाना महिमातासंग सिंहासनतिगा उदानुर असके निमाट वने बारा सिंहासनतिगा उदस इस्रायेलना बारा गोत्रता न्याय कियाकिट इन्जोर नना मिकुन खरोय इन्तोना।

मत्ति 24:10

ओद दियांग नावा चेलाल लोकुरकनिकेडाल पकाय लोकुरक नावा विस्वास तासियानुरक, अनि वरोर दुसरोन पयपियाहनुरक अनि वरोर दुसरोन दुश्मनि इरानुरक,

मरकुस 6:16

अनि हेरोदेस इद केन्जचुन इतुर, “ओर नना तला कदियस मतोना ओर युहन्नाल आन्दुर, ओर असा जिवेमातोर!”

मरकुस 6:27

आकरिते तला कदियस तरीर इन्जोर राजाल सान्डे वरोर सिपायितुन आग्या हिस लोहतुर।

मरकुस 9:11

अनि ओरक येसुन पुच्चेमातुरक, “एलियाह मुने वायाना जरुरि मन्ता इन्जोर मूसाना नियमतुन करिहवालोरक बाक्या इन्तोरक?”

लूका 1:17

अनि ओर परमेस्वरना पोल्लो वेहवाल एलियाना आत्मा अनि लावदे प्रबुना मुने वासुन सेवा कियानुर। इदाम सेवा किसोर ओर अवाल बाबोना मन्दुन बालकनासंग उन्दि कियानुर अनि आग्या मानेमायोर लोकुरकुन परमेस्वरना मुने येताना योग्य मन्तोर ओर लोकुरा पोल्लोतुन, मन्जे खराब अनि खरोय पोल्लोतुन समजेमायवालोरक बनेमास मलस ततानुर। इदाम प्रबुना पोल्लोतुन मानेमास ताकान्तोरक उन्दि दल प्रबुन साटि तयार कियानुर।”

लूका 14:14

अदाम कियाकि ते निमा धन्य मानेय आयकि, बाक्याकि ओरिगा निकुन बदला हियान साटि बाराय हिलेंग अनि परमेस्वरना मुने येताना योग्य लोकुरा असा जिवे मायाना दिया निमा गरिब, विकलांग, लंगळाह, आन्दळाह लोकुरकुन तिहतोन ताना बदला परमेस्वर हियानुर” इन्जोर इतुर।

लूका 22:30

अनि निमाट नावा राज्यतिगा नावासंग मन्जुन तिन्किट-उन्किट अनि राजगदितिगा उचुन यहुदि लोकुरा बारा गोत्रतुन न्याय कियाकिट।”

युहनाल 14:19

अनि हुळुक बेराता पजा दुनियातोर लोकुरकुन नाकुन दिसोन आयका मति निमाट नाकुन हुळकिट बाक्याकि नना जितो मन्तोना इन्जोर निमाट वने जितो मनकिट।

रोमि 11:15

बाक्याकि परमेस्वर यहुदिलोकुरकुन स्विकार केवोर असके परमेस्वरताल लक मतोरक ओर यहुदि आयोर लोकुरक परमेस्वरनासंग सोबाय संबन्द बनेमात। इन्जोर यहुदिलोकुरक परमेस्वरिन स्विकार कियानुरक ते ओरक हातोरिगाडाल जिवेमास तेदान्तोर ओरा लेहका आयनुर।

रोमि 8:17

अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।

२ तिमुति 2:12

अनि माक येसु मसिना विस्वास ते आकिरवनाह मनकाट ते येसुना संग राज वने कियाकाट। मति येसु मसिना विस्वासतुन माक हरचिकोम ते ओर माकुन वने हरचियानुर;

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:2

अनि येसु मसि आपुना स्वरगदूततुन लोहच आपुनोर दास युहन्नानिन इव पोल्लोंग तोहतुर। अनि परमेस्वरना पोल्लो अनि येसु मसिना गवाहितुन इदाम ओर हुळता सबोय पोल्लोतुन युहन्नाल वेहतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:9

मिवोर तमो अनि येसुना पकाय तकलिपतिगा अनि राज्यतिगा अनि पोसोरिंग सहेन कियानातिगा मिया सहभागि मन्तोना नना युहन्ना, परमेस्वरना पोल्लो अनि येसुना गवाहिता कारण समुद्र नडुम मन्ता पतमुस पोरोयता टापुतिगा मतोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:11

मति साळेमून्ड दियाना पजा परमेस्वरनिकेडाल जिवनता स्वास ओरागा होळियतु अनि ओरक आपुना काल्कना लावते नितितुरक अनि ओरकुन हुळवालोरक पकाय वरे आतु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:15

सातवो स्वरगदूत आपुना पिपारि नेकिहतुर असके दुनियाता राज्य मावोर प्रबुना अनि ओना मसिना आता, अनि ओर सबोय काळदे राज कियानुर इन्जोर स्वरगतिगा उन्दि हजो-हजोह लेंग आतुंग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:3

ओव दियांग नना नावोर इवुर गवाहलोरकुन अदिकार हियाका, अनि लोकुरा पापता कारण माक पकाय दुःखते मन्तोरोम इदाम तोहान साटि बेळाना कल्कते बनेकिता सन्दरा करस उन्दि हजार रन्ड नुहक साट दियांगवनाह परमेस्वरना पोल्लो वेहानुर” इन्जोर इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:7

ओरक आपुना गवाहि पुरा कियानुर असके अडिय बचोन खोल मन्ता इन्जोर माक पुनोम अचोन हजोर पतियता किसिता गडदाताल पसियार ओद जानवर ओरासंग लळायि किस ओरकुन जिकानुर अनि ओरकुन हव्कस वाटनुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:11

ओरक बेळा पिलाता बलिदानता नतुरता कारण अनि आपुना वेहता परमेस्वरना पोल्लोता कारण ओर दोष लावे केवालिन जिकतुरक। अनि ओरक हायाना साटि वने वरियोर आतुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:11

ओरा पकाय तकलिपता पोयाना सबोय काळदे पोयसोर मन्दार। अनि समुद्रतिगाडाल पसियस वाता जानवर अनि ओना मूरतिता आरादना किन्तोरक अनि बोर ओना पोरोयता शिक्का येतान्तोर ओरकुन नरका-पियाल ओरा पकाय तकलिपताल बाताले आराम पुटो आयार।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 15:2

असके किस मिलेमाता काच लेहका उन्दि समुद्र नना हुळतान, अनि पहलेटा जानवर पोरो अनि ओना मूरति पोरो अनि ओना पोरोयता संख्या पोरो विजय आस मतोरक परमेस्वरना पिपारितुन पयस काचता समुद्रता हेरे नितितोरक नना हुळतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:8

निमा हुळतोन ओद जानवर ओद पहले मता मति इदेक हिले अनि अडिय बचोन खोल मन्ता इन्जोर माक पुनोम अचोन हजोर पतियता किसिता गडदाताल वायवाल काळते पसियस अनन्त काळता नाश साटि वायवाल मन्ता; अनि ओद जानवर पहले मता मति इदेक हिले ते वने ओद वायवाल मन्ता ओद जानवरतुन दरतिता सृष्टिता सुरुताले जिवनता पुस्तकतिगा पोरोय कोटोर आतुरक दरतितोर लोकुरक ओद जानवरतुन हुळस चकेमायनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:26

बोर जिकानुर अनि नना आग्या किता बुतोतुन आकरिवनाह पालन किसोर मन्तोर ओरकुन नावोर बाबाल नाकुन अदिकार हितोर लेहका नना वने ओन दुनियाता सबोय देशता लोकुरकनिगा अदिकार हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:6

इद हातोर लोकुरा पहलेटा असा जिवेमास तेदाना आन्दु। इद पहलेटा असा जिवेमास तेदानातिगा सहभागि मन्तोरक ओरक धन्य अनि पवित्र मन्तोरक। ओरा पोरो दुसरो हायानाता बाताले अदिकार हिले, मति ओरक परमेस्वर साटि अनि मसिहा साटि याजक लोकुरक आयनुरक अनि मसिनासंग हजार वरसांगवनाह राज कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:5

असा नरका आयो आयार, प्रबु परमेस्वर ओरकुन वेळिचि हियानुर इन्जोर ओरकुन टिवरिता वेळिचि या पोळदता वेळिचिता जरुरि मनो आयार, अनि ओरक सबोय काळदे राज कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:21

नना वने विजय आस आपुना बाबोनासंग ओना सिंहासनतिगा उदिता लेहका बोर जिकानुर ओन नना नावासंग नावा सिंहासनतिगा उदाना साटि अदिकार हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 4:4

ओद सिंहासनता नालुंगास बासा चोविस सिंहासन्क मतांग, अनि सिंहासन्कतिगा चोविस खास अदिकारि लोकुरक पान्डरि सन्दरा करस उदितोर, अनि ओरा तलापोरो सोनोता मुकुटक मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:9

अनि बेळा पिला ओव सात शिलतिगाडाल पान्चवो शिल देहतुर असके परमेस्वरना पोल्लोता कारण अनि ओरा गवाहिता कारण हव्कस मतोरा आत्मांगतुन वेदिता अडिय नना हुळतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:3

“मावोर परमेस्वरनोर सेवक लोकुरा, कपार पोरो माक शिक्का किस मारानावनाह जागातुन, समुद्रतुन अनि मराहकुन नाश केमाट” इन्जोर जोरदे इतुर।