युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:3 - Muria Far Western

³ अनि ओद हजार वरसा पुरा आयानवनाह अलग-अलग जातितोर लोकुरकुन असा भळकेह केमाकिर इन्जोर अदेन अडिय बचोन खोल मन्ता इन्जोर माक पुनोम अचोन हजोर गडदातिगा वाटस अदेना पाटक बन्द किसितुर, अनि अदेन पोरो शिल हितुर। इदेना पजा अदेन हुडुक बेरा साटि असा लेहचिविर इन्जोर जरुरि मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:3 Iomraidhean Croise

मत्ति 24:24

बाक्याकि पकाय खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते आचतोरकुन वने भळके कियान साटि हजोर चिन्हा अनि पकाय चमत्कारता बुतोंग किस तोहानुरक।

मत्ति 27:66

अदाम ओरक सयनिक लोकुरकुन संग ओतुरक, अनि ओरक बिजगुडिता कवाळ मुच मता ओद हजोर कलदा पोरो शिक्का हिस केपवालोर सयनिक लोकुरकुन अगा इरसुन बिजगुडिता केपाना पका कितुरक।

मरकुस 4:15

अनि बसके ओरक परमेस्वरना पोल्लो केन्जान्तोरक असके सयतान सान्डे वास ओव पोल्लोतुन पेहकस ओन्तोर इन्जोर ओर लोकुरक हरिता हेरे अरता विजा लेहका मन्तोरक।

लूका 8:31

माकुन नरकता गुमयाते हन्दाना आग्या हेमा इदाम दुष्टात्मांग येसुन विनन्ति कितुंग।

२ कुरिन्थुस 11:3

मति सयतान तेरासना रुपते अदन पोरोयता वाटिकातिगा वासुन आपुना चलाकिते हाव्वान दोखा हिस मता अदाम मसि साटि मन्ता मिया सबोय मन्दा मया अनि ध्यानताल मिकुन बहके किस लक ओयिर इन्जोर नना वरयान्तोना।

२ पतरस 3:8

मति हे प्रिय गोतियालोरक, प्रबुन उन्दि दिया हजार वरसाना बराबर मन्ता अनि हजार वरसा उन्दि दियाता बराबर मन्ता इन्जोर इद पोल्लो निमाट मरिंगमाट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:9

अनि सबोय दुनियातुन भळकेह केवाल इबिलिस या सयतान इदाम पोरोयतोर ओद पकाय हजोर मासुल तरासिन अर्थ ओद जुनाल तरासिन दरतितिगा अरिहचितुर अनि ओनोर दूतकुन वने ओनासंग अरिहचितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:14

पहलेटा जानवरता मुने तोहान साटि परवांगि पुटता ओव चिन्हता द्वारा ओद दुसरो जानवर दरतितिगा मनवालोरकुन भळकेह किन्दुर। अनि तलवारते घाव आतु ते वने असा जितो आता ओद पहलेटा जानवरता मूरति बनेहकिम्ट इन्जोर ओद दुसरो जानवर दरतितिगा मनवालोरकुन इन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:8

निमा हुळतोन ओद जानवर ओद पहले मता मति इदेक हिले अनि अडिय बचोन खोल मन्ता इन्जोर माक पुनोम अचोन हजोर पतियता किसिता गडदाताल वायवाल काळते पसियस अनन्त काळता नाश साटि वायवाल मन्ता; अनि ओद जानवर पहले मता मति इदेक हिले ते वने ओद वायवाल मन्ता ओद जानवरतुन दरतिता सृष्टिता सुरुताले जिवनता पुस्तकतिगा पोरोय कोटोर आतुरक दरतितोर लोकुरक ओद जानवरतुन हुळस चकेमायनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:1

असके पजा वरोर स्वरगदूततुन स्वरगताल रयाना हुळतान, ओना कयतिगा अडिय बचोन खोल मन्ता इन्जोर माक पुनोम अचोन हजोर पतियता किसिता गडदाता टाटराता खिलि अनि उन्दि हजोर साकरी ओना कयदे मता।