युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:5 - Muria Far Western

⁵ इन्जोर निमा बचोन ऊच पोरोडाल अडिय अरतोन इन्जोर अलहा, अनि पस्तेमाम अनि निया मसि विस्वासता सुरुवाते परमेस्वरना मुने किता अदे बुतोंग असा किम। निमा पस्तेमायवि आयकि ते नना निया हेरे वास टिवरि इरा निया गोटातुन अदेना जागाताल गुचिहचिका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:5 Iomraidhean Croise

मत्ति 5:14

निमाट दुनियाता वेळिचि आन्दिट। मटा पोरो उदिता मन्ता सहेर मकिला परो।

मत्ति 5:15

अनि लोकुरक टिवरि पयटे किसुन दळिया अडिय इरोर मति अदेन कोपेलातिगा इरान्तोरक। असके अदेनते लोतोर सबोय लोकुरकुन वेळिचि अवान्ता।

मरकुस 12:9

इन्जोर अंगुरता बगिचातोर मालकाल बाताल कियानुर? ओर वासुन ओरक कास्तकारकना नाश किस अंगुरता बगिचा दुसरोन हिस वाटनुर।

लूका 1:17

अनि ओर परमेस्वरना पोल्लो वेहवाल एलियाना आत्मा अनि लावदे प्रबुना मुने वासुन सेवा कियानुर। इदाम सेवा किसोर ओर अवाल बाबोना मन्दुन बालकनासंग उन्दि कियानुर अनि आग्या मानेमायोर लोकुरकुन परमेस्वरना मुने येताना योग्य मन्तोर ओर लोकुरा पोल्लोतुन, मन्जे खराब अनि खरोय पोल्लोतुन समजेमायवालोरक बनेमास मलस ततानुर। इदाम प्रबुना पोल्लोतुन मानेमास ताकान्तोरक उन्दि दल प्रबुन साटि तयार कियानुर।”

लूका 20:16

अनि ओर मालकाल वासुन कास्ताकर लोकुरकुन नाश किस अंगुरकना आवाटुन दुसरोन सोपेकिसियानुर।” अद पोल्लो केन्जुन, “इदाम बसकेय आयमाकि!” इन्जोर लोकुरक इतुरक।

गलाति 5:4

निमाट ओद नियमता द्वारा परमेस्वरना येताना योग्य बनेमायाना इच्चा किन्तोरिट ते निमाट मसिहाताल अलग अनि ओना दयाताल अरतोरिट।

यहुदि 10:32

मति निमाट मसिना बारेता खरोय पोल्लो समजेमास मसि विस्वासि बनेमातिट असके मिया पकाय तकलिपतिगा हिमतासंग विस्वासते स्थिर मतोरिट ओव पहलेटा दियानुंग निमाट आल्हाट।

२ पतरस 3:17

इन्जोर हे प्रिय गोतियालोरक, निमाट पहलेटाले इव पोल्लोनुंग पुन्ज इन्जोर परमेस्वरना मुने खराब बुतो केवालोरा खोटाल करिहनाता कारण आपुना विस्वासता स्थिरतातुन तासिमाट इन्जोर हुशार मन्ट।

यहुदा 1:24

इदेक अरानाताल मिकुन पिसहिच आपुना महिमाता मुने पकाय गिरदातासंग निरदोष किस निपिहला परान्तोर,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:20

अनि नावा तिन्दान कयतिगा हुळति अव सात हुकोंगना अनि सोनोता ओव टिवरि इराना सोनाता सात गोटातांग रहस्य इदाम मन्ता: ओव सात हुकोंग मसि विस्वासि लोकुरा सात सभाता दूतक आन्दुरक, अनि टिवरि इराना सोनाता ओव सात गोटांग मसि विस्वासि लोकुरा सात सभांग आन्दुरक।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:9

मानेयक पकाय अदिते कासतुर, असके इदाम तकलिपता पोरो अदिकार मन्ता परमेस्वरना पोरोयता निन्दा कितुरक सिवायि ओरक परमेस्वरना महिमा कियाना या आपुना पापताल पस्तेमायोर आतुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:16

इन्जोर पस्तेमाम; आयोते नना निया हेरे सान्डेय वास नावा टोडिता तलवारते ओरासंग लळायि कियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:19

नना निया बुतोंग, निया मया अनि विस्वास अनि सेवा अनि पोसोरिंग सहेन कियाना अनि निया आकरि किता बुतो पहले किसोर मतोन अदेनताल वने पकाय हजोर आतोन इदाम पुन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:19

नना मया किन्तोना ओरकुन नना रांगान्तोना अनि दन्ड हिन्तोना इन्जोर हलकायिते मन अनि पस्तेमाम।