युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:3 - Muria Far Western

³ अनि पकाय तकलिप सहेन किस मन्दाना हिमत नियागा मन्ता, अनि नावा पोरोय साटि पकाय तकलिप सहेन किसोर मतोरिट ते वने अवकेमायविट इन्जोर नना पुन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:3 Iomraidhean Croise

मरकुस 15:21

सिकन्दर अनि रुपुसनोर बाबो शमोन कुरेनि नाटेनोर मतोर। ओर नाटेनिगाडाल वास मतोर। ओर येसुना हेरेटाल हन्दुर असके सयनिक लोकुरक शिमोनिन पयस येसुना कुरुस पयिला जबरदस्ति कितुरक।

लूका 14:27

अनि आपुना कुरुस ताहोर आस नावा परके वायोर आयनुर ओर वने नावोर चेला आय परोर।”

लूका 18:1

अनि पजा ओरक आशा सोळेकेवोर आस दरोज प्रार्थना कियाना जरुरता बारेते तोहान साटि येसु ओरकुन उन्दि पिटो वेहतुर:

लूका 21:19

अनि निमाट हिमते सहेन किस मनकिट ते मिकुन अनन्ता काळदा जिवा पुटार।”

लूका 5:5

अनि शिमोन येसुन, “हे गुरुजि, माक ते नरका पलिंग मेहनत कितोरोम मति उन्दि गेला मीन वने पयोम, मति निया वेहनाते जालि वाटकान” इन्जोर इतुर।

लूका 8:15

मति इमान्दारिते अनि सहेनकिस पोसोरिंग परमेस्वरना पोल्लो मानेमास ताकान्तोरक ओर लोकुरक सोबाता जागाते अरतांग विजांग लेहका मन्तोरक।”

युहनाल 15:21

मति ओरक नाकुन लोहवालतुन पुनोरक इन्जोर नावा पोरोयता कारणते इव सबोय पोल्लोंग ओरक मियासंग कियानुरक।

रोमि 12:12

निमाट आपुना आशाता बारेते गिरदा किम्ट अनि मिकुन सन्कट वायार असके हिमते मन्ट। अनि दरोज प्रार्थना किसोर मन्ट।

रोमि 16:12

अनि प्रबुना सेवातिगा मेहनत कितांग हेलाळ त्रुफेना अनि तुरफोसा अवेहकुन नावा नमस्कार इन्ट। अनि प्रबुना सेवातिगा पकाय मेहनत किता नावा प्रिय परसिस अदेन वने नावा नमस्कार इन्ट।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

रोमि 8:25

मति बोद चिजतुन माक हुळोम अदेना स्विकार कियान साटि आशा किन्तोरोम ते हिमते सहेमास ओद आशिषसाटि हर हुळसोर मन्तोरोम।

१ कुरिन्थुस 13:7

ओर आपुना जिवनतिगा सबोय सहेन किन्तोर अनि दरोज परमेस्वरनिगा विस्वास इरान्तोर। अनि ओर सबोय पोल्लोतिगा परमेस्वरनिगा आशा इरान्तोर अनि सबोय पोल्लोतिगा पोसोरिंग सहेन किस मन्तोर।

१ कुरिन्थुस 16:16

इन्जोर निमाट इदाम लोकुरकुन अनि ओरासंग पकाय मेहनत किन्तोरक ओरा वने अधिनते मन्ट इन्जोर नना विनन्ति किन्तोना।

२ कुरिन्थुस 10:15

अनि माक आपुना बुतोता सिवाते आपुना हजोरपण कियाकोम। मति दुसरोना मेहनता कायांग आपुना लेहका पयस अदेना पोरो हजोरपण केवोम। बदाम मिया विस्वास विळसोर दायार अदेना द्वारा मिया नडुम माक कियालातोम ओद बुतो वने मिया मदते असा वने विळसोर दाकोम इन्जोर माक आशा किन्तोरोम।

२ कुरिन्थुस 11:23

बाताल ओरके मसिनोर सेवक आन्दुर बहे? नना बयहाल लेहका इन्तोना। नना ओराताल विळस मन्तोना। ओराताल नना पकायि मेहनत कितोना, ओराताल नना पकायि बेरा जेहलतिगा दन्ड भोगेमातान। ओराताल नना पकायि मार तितान। ओराताल नना पकायि बेरा हायाना दोखाते अरतान।

२ कुरिन्थुस 4:1

इन्जोर परमेस्वरना दयाते माकुन सेवाकियाना सन्दि पुटतु इन्जोर माक बसकेय हिमत तासोर आस,

२ कुरिन्थुस 4:16

इन्जोर माक निराश आयोम आस मावा मेन्दुलता लाव कमि आसोर दान्ता ते वने मावा अन्तरात्मा दियांग दियांग पुनालताल पुनाल आसोर दान्ता।

२ कुरिन्थुस 5:9

इन्जोर माक इद दुनियाता मन्दाना योग्य मेन्दुलतिगा मनकोम या इद मेन्दुल तासिस स्वरगतिगा मन्दाना योग्य मेन्दुलतिगा मनकोम ते वने प्रबुन सोबायि गिरिदा कियालागार इदाम मावा इच्चा मन्ता।

२ कुरिन्थुस 6:5

विरोदि लोकुरक माकुन सोटाते हाहान्तोरक अनि मावागा दोष लावे किस जेहलतिगा वाटस हिन्तोरक, अनि नाटेना पकाय विरोदि लोकुरक पकाय होंग आस माकुन विरोद किस वाहाचान्तोरक, माक बिना हुन्जवाय अनि तिन्दान साटि बाताले पुटो ते उपास मन्ज परमेस्वरना बुतोतुन पकाय मेहनत किन्तोरोम।

गलाति 6:2

निमाट वरोर दुसरोना वजा ताहच मदत कियान साटि मुने आम्ट अनि इद रितिते मसिना नियमतुन पालन कियाकिम्ट।

गलाति 6:9

माक भलायि बुतो किनेक किनेक बसकेय अवकेमायोम आयकोम। बाक्याकि माक अवकेमायोम आयकोम ते परमेस्वरना बराबर बेराते भलायिता कायांग माक कोयकाट।

फिलिप्पि 2:16

इदाम निमाट कियाकिट ते नना मिया साटि किता ओद सबोय बुतो अनि मेहनत बेकार हनो इन्जोर येसु मसिना असा मल्स वायाना दियांग इद हुळस मिया हजोरपण किया परका।

फिलिप्पि 4:3

नावोर खरोय गोतियाह, परमेस्वरना जिवनता पुस्तकतिगा पोरोय कोटता मन्ता ओर क्लेमेन्त अनि नावासंगे सेवाकेवालोर लोकुरासंगे मन्ता अव आसक सोबाता पोल्लो वेहान साटि नावासंग पकाय मेहनत कितांग इन्जोर अव आसकुन मदत कियाला पहाजे इदाम नना मिकुन विनन्ति किन्तोना।

कुलुसि 1:11

अनि ओना गिरदाता संग सबोय प्रकारते दिर अनि सहनशिलता तोह परकिट इन्जोर परमेस्वरना महिमाता लावता अनुसार सबोय प्रकारतांग सामर्थते लाववाले आसोर हन्ट।

१ तिस्लुनि 2:9

हे बायि-दादालोरक, निमाट मावा परिश्रम अनि मेहनतुन आलिहसोर मन्तोरिट; अनि परमेस्वरना सोबाता पोल्लोतुन वेहचुन माक बोने डब्बुना बारेते तकलिप आयमाकि इन्जोर नरका पियाल माक बुतो किसोर मन्तोम।

१ तिस्लुनि 5:12

हे बायि-दादालोरक, मिया साटि मेहनत किन्तोर ओरक मुक्याल लोकुरकुन अनि आत्मिक मार्गदर्शन किन्तोर ओर लोकुरकुन निमाट मानेमाम्ट इन्जोर माक मिकुन विनन्ति किन्तोरोम।

२ तिस्लुनि 3:13

हे बायि-दादालोरक, निमाट सोबाय बुतो कियान साटि बसकेय कमजोर आयमाट।

२ तिस्लुनि 3:5

प्रबु परमेस्वर मिया मन्दुन परमेस्वरना मया अनि येसु मसिना धिरजतिके बरसान साटि मदत किम्ट।

२ तिस्लुनि 3:8

अनि मियागडाल बोनाय पोरो वजा आयमाकि इन्जोर माक बोनागाय पुकट गाटो तिनोम, माक नरका-पियाल मेहनत किन्तोम।

१ तिमुति 4:10

अनि इद कारणते माक जिवित परमेस्वरनिगा आशा इरस पकाय मेहनत किन्तोरोम। ओर सबोय लोकुरकुन विशेषाल ओनागा विस्वास किन्तोर ओर लोकुरकुन मुक्ति हेवाल मन्तोर।

१ तिमुति 5:17

अनि मसिलोकुरा सभाता मुक्याल लोकुरकुन विशेषाल मेहनत किस प्रबुना पोल्लोतुन वेहवाल अनि करिहवाल लोकुरकुन पकाय आदर हिम्ट।

यहुदि 10:36

बाक्याकि परमेस्वरना इच्चातुन पुराकिस ओर प्रतिज्ञा किता पोल्लोंग पुटिहकिट इन्जोर मिकुन पोसोरिंग सहेन किस मुने हन्दाना जरुरि मन्ता।

यहुदि 12:1

विस्वासि लोकुरा इचोन पकाय दल मावा नालुंग बासा मन्ता। विस्वासता अर्थ बाताल मन्ता इन्जोर ओरा जिवनता गवाहि माकुन वेहान्तोरक। इन्जोर मावा मुने मन्ता ओद लक्षतिके माक वरोरे वितिला साटि मावा विस्वासते मुने हन्दाना साटि माकुन परके पिळंगिन्ता सबोय पोल्लोंग अनि माकुन मुने हन्दानातुन अळेहकेवाल सबोय पापतुन हरचिस मावा मुने मन्ता ओद लक्षतिके पोसोरिंग सहेनकिस वितकाट।

यहुदि 13:13

ते वराट माक वने ओर सहन किस मतोर ओद अपमानतुन सहन किस यहुदि लोकुरा रिति रिवाजता बाहरो येसुना हेरे दाकाट।

यहुदि 6:10

बाक्याकि परमेस्वर मिया बुतो अनि निमाट पवित्र लोकुरा साटि किता अनि इदेक वने कियाला आतोरिट सेवाते परमेस्वर साटि निमाट तोहता मया मरंगान साटि परमेस्वर अचोन अन्यायि हिलेर।

यहुदि 6:12

इदाम निमाट आळसि आयोर आस विस्वास अनि पोसोरिंग सहेन किस मन्दानाते परमेस्वरना वाचाता वारिस मन्तोरक ओर लोकुरा लेहका आम्ट इन्जोर माक विचार किन्तोरोम।

यहुदि 6:15

अनि इदे रितिते अब्रहाम पोसोरिंग सहेनकिस परमेस्वर प्रतिज्ञा किता पोल्लो येतितुर।

२ पतरस 1:6

अनि परमेस्वरना बारेता पुन्दानातासंग संयम अनि संयमतासंग विस्वासते स्थिर मन्दाना, अनि स्थिरतातासंग परमेस्वरना गिरिदा कियाना बुतोंग कियाना,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:9

मिवोर तमो अनि येसुना पकाय तकलिपतिगा अनि राज्यतिगा अनि पोसोरिंग सहेन कियानातिगा मिया सहभागि मन्तोना नना युहन्ना, परमेस्वरना पोल्लो अनि येसुना गवाहिता कारण समुद्र नडुम मन्ता पतमुस पोरोयता टापुतिगा मतोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:10

परिक्षाता बेरा पोसोरिंग सहेनकिस मन्दिला पहाजे इन्जोर नावा पोल्लोतुन निमा पालन कितोन इन्जोर दरतितिगा मन्वालोरा परिक्षा कियान साटि दरतितिगा मन्तोर सबोय लोकुरा पोरो वायवाल मन्ता ओद परिक्षाता बेराते नना वने निकुन पिसहिच इरका।