युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:18 - Muria Far Western

¹⁸ “तुयाथिरा सहेरता मसिलोकुरा सभाता दूततुन इद कोटा: पतियता किसिता ज्वाला लेहका कोन्डांग अनि पान्डरि पितळी लेहका काल्क मन्तांग परमेस्वरनोर मरि वेहिन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:18 Iomraidhean Croise

मत्ति 17:5

अनि पतरस वळकिला आस मन्दुर अचोय बेरा आबारताल उन्दि ढगि वासुन ओरा पोरो दळमि आतु अनि ओद ढगितिगाडाल “येर नावोर प्रिय मरि आन्दुर, येनिगा नना गिरिदा मन्तोना, निमाट येनांग वेहतानुंग केन्जाट” इन्जोर उन्दि लेंग वातु।

मत्ति 27:54

असके सयनिक लोकुरा वरोर अदिकारि अनि ओनासंग येसुन केपिन्दुरक, भुकंप अनि अदेनासंग आस मता दुसरो सबोय पोल्लोंग हुळस पकाय वरियतुरक, “खरोय येर परमेस्वरनोर मरि मतोर” इन्जोर इतुर।

मत्ति 3:17

“येर नावोर मयातोर मरि आन्दुर, ओनाताल नना पकाय गिरदा मन्तोना” इन्जोर स्वरगताल उन्दि लेंग आत।

लूका 1:35

स्वरगदूत मरियमिन इतुर, “परमेस्वरना पवित्र आत्मा नियागा रयार, अनि सबोयताल हजोर परमेस्वरना लाव नियागा मन्दार। इन्जोर जनम आयवाल पवित्र नुनाल परमेस्वरनोर मरि इन्दानुर।

युहनाल 1:14

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

युहनाल 1:49

नतन्येल ओन उत्तर हितुर, “हे गुरु निमा परमेस्वरनोर मरि आन्दि। निमा इस्रयेलतोर हजोर राजाल आन्दि।”

युहनाल 10:36

ते बाबो अलग किसुन दुनियातिगा लोहतोर नाकुन ‘नना परमेस्वरनोर मरि आन्दान’ इदाम नना इतोना इन्जोर नना परमेस्वरना अपमान किन्तोन इदाम निमाट बाक्या वळकान्तोरिट?

युहनाल 3:16

परमेस्वर आपुनोर वरोरे मरिनिगा बोरायि विस्वास केविर ते ओना नाश आयमाकि मति ओन अनन्त काळता जिवा पुटि इन्जोर परमेस्वर आपुनोर वरोरे मरिन हियान साटि इद दरतिता लोकुरकुन पकाय मया कितुर।

युहनाल 3:18

ओनागा विस्वास किन्तोर ओरकुन दन्डता न्याय आयो मति बोर ओनागा विस्वास केवोर ओर परमेस्वरनोर वरोरे मरिनिगा विस्वास केवोर इन्जोर ओनागा दोषि ठहरे मातोर।

युहनाल 5:25

अनि येसु ओरकुन असा इतुर, “मिकुन खरोय खरोय इन्तोना, हातोर लोकुरक नना परमेस्वरनोर मरिना पोल्लोंग केन्जुन बोरक मानेमान्तोरक ओरक जिवेमायनुरक ओद बेरा वायिला आता; अनि ओद बेरा इदेक वाता।

बुतोंग 16:14

लुदिया पोरोयता तुयाथिरा सहेरता मान्जिन्ता सुति सन्दरांग मोमे उन्दि भक्ते आळ केन्जसोर मता। ओद मसिना बारेता पोलुसना पोल्लोतुन समजेमायान साटि प्रबु अदेना मन्दुन तरियतुर।

बुतोंग 8:36

अनि हन्जोर हन्जोर ओरक एर मता उन्दि तळाय हेरे अवतुरक असके हिजळाल: “हुळा इगा एर मन्ता, इदेक नाकुन बपतिस्मा येतान साटि बाताल अळचन मन्ता” इन्जोर इतुर।

रोमि 1:4

परमेस्वरना प्रिय अनि पवित्र आयान साटि केयस मतोरक ओर रोम सहेरतिगा मनवालोर सबोय लोकुरक साटि इद पत्र कोटान्तोना:

रोमि 8:32

परमेस्वर आपुना मरिन वने पिसिहच इरोर आस माक सबोय लोकुर साटि बलिदान कियालाय सोपे कितोर ते ओर परमेस्वर मावा योजना किता सबोय पोल्लोंग बाक्या माकुन पकायि हेवोर आयनुर बहे?

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:11

असके “बाताले निमा हुळान्तोन अदेन पुस्तकतिगा कोटस इफिसुस अनि स्मुरना अनि पिरगमुन अनि तुयाथिरा अनि सरदिस अनि फिलेदिलफिया अनि लवुदिकिया इव सात मसिलोकुरा सभांगतिगा लोहचिम” इन्जोर नावा परके पिपारिता लेहका उन्दि हजोर लेंग नना केन्जतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:1

“इफिसुस सहेरता मसिलोकुरा सभाता दूततुन इद कोटा: सात हुकोंग आपुना तिन्दान कयतिगा पयस टिवरि इराना सोनाता ओव सात गोटातांग नडुम वलियान्तोर इदाम इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:24

मति तुयाथिरा सहेरतिगा इसबेलना उपदेशतुन मानेमायोरक अनि ‘सयतान तोहता पकाय हजोर मकता पोल्लो’ इदाम हुचुलोर लोकुरक इन्तोर इसबेलना करहानातुन करिहविट मियागा बाकि लोकुरा पोरो असा दुसरो वजा वाटोन आयका इन्जोर नना मिकुन वेहान्तोना।