युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 15:4 - Muria Far Western

⁴ हे प्रबु, निकुन बोर वरियोर अनि निया पोरोयता महिमा केवोर आयनुर? बाक्याकि केवल निमाय पवित्र मन्तोन। सबोय निया न्यायता बुतो तोहतांग इन्जोर सबोय जातितोर लोकुरक वास निया मुने आरादना कियानुरक।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 15:4 Iomraidhean Croise

रोमि 15:9

अनि ओर यहुदि आयोर लोकुरक साटि वने वातुर ओरकुन परमेस्वर दया कितोर इन्जोर ओरक वने परमेस्वरना स्तुति कियाला पहाजे। बाक्याकि “नना जाति जातितिगा निया स्तुति कियाका अनि निया पोरोयता स्तुति कियाका” इदाम परमेस्वरना पोल्लोतिगा कोटता मन्ता

१ पतरस 1:16

“नना पवित्र मन्तोना इन्जोर निमाट वने पवित्र बनेमाम्ट” इन्जोर परमेस्वर इन्तोर इदाम पवित्र पुस्तकतिगा कोटता मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:15

सातवो स्वरगदूत आपुना पिपारि नेकिहतुर असके दुनियाता राज्य मावोर प्रबुना अनि ओना मसिना आता, अनि ओर सबोय काळदे राज कियानुर इन्जोर स्वरगतिगा उन्दि हजो-हजोह लेंग आतुंग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:7

ओर पकाय जोरदे इतुर, “परमेस्वरतुन वरयाट अनि ओना महिमा किम्ट, बाक्याकि ओना न्याय कियानाता बेरा अवता, अनि सबोय आबार अनि दरति अनि समुद्र अनि एता झरांग बनेहकितोर ओना आरादना किम्ट।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:5

असके एता पोरो अदिकार मन्ता स्वरगदूत इदाम इन्दाना नना केन्जतान, “इदेक मन्तोर अनि पहले मन्दुर अनि पवित्र मन्तोन, निमा इदाम खरोय न्याय कितोन इन्जोर खरोय मन्तोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:7

पजा नना बलिवेदिताल इद शब्द केन्जतान, “इंगो, हे सबोय लाववाले प्रबु परमेस्वर, निया न्याय बराबर अनि खरोय मन्ता।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:2

बाक्याकि व्यभिचारते दरतितुन खराब किन्दु ओद हजोर वेश्यान परमेस्वर न्याय कितोर अनि आपुना दास लोकुरा नतुरता बदला किस अदेनापोरो बदला येतितोर इन्जोर ओना न्याय खरोय अनि बराबर मन्ता।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:8

अदेन शुद्ध अनि मान्जता पकाय सोबाय पान्डरि सन्दरांगते बनेकिता खास सन्दरांग कराना अदिकार हितोर।” (ओद पकाय सोबाय पान्डरि खास सन्दरांग अर्थ पवित्र लोकुरा परमेस्वरना मुने येताना योग्य बुतोंग आन्दु।)

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:7

“फिलेदिलफिया सहेरता मसिलोकुरा सभाता दूततुन इद कोटा: पवित्र अनि खरोय मन्तोर अनि दावुदना किल्लिंग आपुना कयदे मन्तोर अनि ओर तरियता कवाळतुन दुसरो बोरे बन्द किया परोर इदाम तरियान्तोर अनि ओर बन्द किता कवाळतुन दुसरो बोरे तरियला परोर इदाम बन्द किन्तोर ओर इव पोल्लोंग इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 4:8

नालुंगास प्रानिंगना सारुंग-सारुंग मारेकिंग मतांग, अनि ओव मारेकिंगनांग नालुंगास बासा अनि मारेकिंगनांग अडिय वने कोन्डांगे-कोन्डांग मतांग, अनि “इदेक मन्तोर अनि पहले मन्दुर अनि वायवाल मन्तोर ओर सबोयताल लाववाले प्रबु परमेस्वर पवित्र, पवित्र, पवित्र” इन्जोर ओव नरका-पलिंग आराम केवाय इदाम इन्जोर मन्तांग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:10

“सबोयताल हजोर पवित्र अनि खरोय प्रबु दरतिता लोकुरकुन न्याय अनि दन्ड किस माकुन हव्कानाता बारेते बदला हियान साटि निमा बचोन वनाह बेरा कियाकि बहे?” इन्जोर ओरक पकाय जोरदे इतुरक।