युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:4 - Muria Far Western

⁴ येरक कुवाराह मन्तोरक इन्जोर आळदासंग मेन्दुलता संबन्द केवोरक। बगाय बेळा पिला दान्तोर ओरक ओना परके दान्तोरक मति येरकुन परमेस्वर साटि अनि बेळा पिला साटि पहले काया आयान साटि मानेयनिकेडाल अस ततोर आन्दुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:4 Iomraidhean Croise

मत्ति 19:12

आपुना अवाहारिना गर्भताल नपुसक आस जनम आतोर मन्तोरक अनि मानेयक नपुसक बनेहकितोरक नपुसक मन्तोरक; अनि स्वरग राज्यता कारण आपुनतुन नपुसक बनेहकितोरक नपुसक वने मन्तोरक। नना वेहता इद पोल्लो बोर येतिला परान्तोर ओर इद पोल्लो येतिर” इन्जोर इतुर।

मत्ति 25:1

येसु स्वरग राज्यता बारेते असा उन्दि पिटो वेहतुर, “स्वरग राज्य आपुना टिवरि पयस दुलहान मिलेमायान साटि पसियान्तांग ओव दाहा कुवारिह लेयाना लेहका मन्दार।

मत्ति 8:19

असके वरोर मूसान नियमतुन करिहवाल मानेय येसुना हेरे वास, “हे गुरु, निमा बगाय दाकि ते वने नना निया परके वायका” इन्जोर इतुर।

युहनाल 10:27

अनि नावा बेळांग नावा पोल्लोंग मानेमातांग। अनि नना अवेहकुन पुन्तोना अनि अव नावा परके परके ताकान्तांग।

युहनाल 12:26

अनि बोरायि नावा सेवा कियानुर ते ओर नावा परके वायिर अनि बगा नना मन्तोना अगा नावोर दास वने मन्दानुर अनि बोरायि नावा सेवाकियानुर ते बाबो ओना आदर कियानुर।”

युहनाल 13:37

अनि पतरस ओन इतुर, “हे प्रबु इदेक नना निया परके बाक्या वायिला परोन? नना ते निया साटि नावा जिवाता बलिदान कियाका।”

युहनाल 8:12

अनि येसु असा लोकुरकुन इतुर, “नना दुनियाता वेळिचि आन्दान; बोराय नावा परके वायनुर ओर आन्दारते ताकोर आयनुर मति जिवन हेवाल वेळिचि पुटहानुर।”

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

१ कुरिन्थुस 16:15

अनि स्तिफानुसना तमोना लोतोर आखया प्रदेशतोर पहले विस्वासि मन्तोरक अनि परमेस्वरना लोकुरा सेवाकियान साटि ओरक दरोज तयार मन्तोरक इन्जोर निमाट पुन्तोरिट।

१ कुरिन्थुस 6:20

बाक्याकि परमेस्वर पकाय किमत हिस मिकुन असतोर इन्जोर आपुना मेन्दुलता द्वारा परमेस्वरना हजोरपण किम्ट।

१ कुरिन्थुस 7:28

मति निमाट मरमिंग कियाकिट ते अद बोदे पाप हिले। इदाम मरमिंग केवाय मन्तांग कुवारि लयाह मरमिंग किन्तांग अद वने सोबाय मन्ता अव बोदे पाप केवोंग। मति इद बेरा मरमिंग कितोरक ओर लोकुरा दरोजता जिवनते तकलिप आन्ता अनि निमाट इद रितिता तकलिपताल पिस मन्ट इन्जोर नावा इच्चा मन्ता।

२ कुरिन्थुस 11:2

परमेस्वर मिकुन पकाय मया किन्तोर अदामे नना वने मिकुन मया किन्तोना। बाक्याकि सोबाय स्वभावता लयान मरमिंग साटि वरोर दुलहान सोपे कियाना लेहका नना मिकुन केवल मसिन सोपेकियान साटि ओनासंग हेयना मांगळिंग कितान।

इफिसुस 1:14

परमेस्वर आपुना लोकुरा संपुर्ण पिसाना साटि मावा वारिसता बयाना मन्ता इन्जोर पवित्र आत्माता द्वारा ओर माकुन शिक्का किस मतोर। ओना महिमाता स्तुति आयि।

इफिसुस 5:27

बाक्याकि अदेन बोदायि डाग, कोमजेमाता अनि इदाम बोदायि प्रकारता दोष मनमाकि। मति पवित्र अनि निरदोष आस आपुना साटि उन्दि मसिलोकुरा उन्दि मान्जता सभा बनेहकिस आपुना हेरे मन्दान साटि अदेन आपुनतुन सोपे कितुर।

१ तिमुति 4:3

अनि लोकुरक मरमिंग केमाट अनि हुचुक विशेषाल तिन्दाना चिजतुन तिनमाट इन्जोर खोटाल शिक्षण करिहवालोरक मना कियानुरक। मति खरोयतुन पुनवालोर विस्वासि लोकुरक अदेन परमेस्वरना धन्यवाद किस तिनिर इन्जोर परमेस्वर अवेहकुन बनेहकितुर।

यहुदि 12:23

अनि स्वरगतिगा पोरो कोटता मन्ता परमेस्वरनोर पहलेटा बालकना सभातिगा अनि सबोय लोकुरा न्याय केवाल परमेस्वर मुने अनि परमेस्वरना मुने येताना योग्य मन्तोर परिपूर्ण बेनेहमातोर लोकुरा आत्माता हेरे,

याकुब 1:18

अनि माक परमेस्वरना सुष्टितीगा हादितांग पहले कायांग आस मन्दान साटि परमेस्वर आपुना इच्चाते माकुन खरोय पोल्लोते जनम हितुर।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:14

ओरक बेळा पिलातासंग लळायि कियानुरक, मति ओर प्रबुलोरा प्रबु अनि राजालोरा राजाल आन्दुर इन्जोर बेळा पिला आपुनासंग मन्तोरक ओर केयतोर मन्तोरक अनि आचतोर मन्तोरक अनि इमानदारि लोकुरासंग ओरिगा विजय आयनुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:22

ओद सहेरतिगा परमेस्वरना मन्दिर नना हुळोन, बाक्याकि सबोय लाववाले प्रबु परमेस्वर अनि बेळा पिला अदेना मन्दिर आन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:23

ओद सहेरतिगा पोळद अनि नलेंजता वेळिचिता जरुरि हिले, बाक्याकि परमेस्वरना मान्जानाते अगा वेळिचि आयिला आता अनि बेळा पिला अदेना टिवरि आन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:4

मति आप-आपुना सन्दरांग अशुद्ध केवोर हुचुलोर लोकुरक सरदिस सहेरता मसिलोकुरा सभातिगा मन्तोरक, ओरक पान्डरि सन्दरा करस नावासंग वलियानुरक, बाक्याकि ओरक इदेना योग्य मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।