युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:3 - Muria Far Western

³ ओरक सिंहासनता मुने अनि नालुंगास प्रानिंग अनि चोविस खास अदिकारि लोकुरा मुने उन्दि पुनाल पाटा ओन्दुर। दरतिताल अस तच मतोरक ओरक उन्दि लाक चवरेचाळिस हजार लोकुरकुन तासिस, बोरे ओद पाटातुन ओयिला परोर आन्दुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:3 Iomraidhean Croise

१ कुरिन्थुस 1:18

मसि कुरुस पोरो हायानाता बारेता पोल्लो नाश आयवालोरकुन बेकार पोल्लो मन्ता मति पिसिहचोरे मन्तोर माकुन ते ओद पोल्लो परमेस्वरना लाव मन्ता।

१ कुरिन्थुस 2:14

मति परमेस्वरना आत्मा हिलेर मानेय परमेस्वरना आत्मा तोहतुर अव पोल्लोंग मानेमायोर; बाक्याकि ओव पोल्लोंग ओना साटि बेकार मन्ता। ओद आत्मिक रितिते समजेमायिला पहाजे इन्जोर ओर ओव पोल्लोनुंग समजेमायिला परोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:1

असके पजा नना सियोन मटा पोरो बेळा पिलाल अनि ओनासंग ओरा कपारकपोरो ओना पोरोय अनि ओना बाबोना पोरोय कोटता मता उन्दि लाक चवरेचाळिस हजार लोकुरकुन नना हुळतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 15:3

ओरक परमेस्वरनोर दास मूसाना पाटा अनि बेळा पिलाता पाटा ओस-ओस इदाम ओतुरक, “हे सबोय लाववाले प्रबु परमेस्वर, निया बुतोंग हजोर अनि अत्भुत मन्ता, हे सबोय जातितोर राजा, निया हरि परमेस्वरना मुने येताना योग्य अनि खरोय मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:17

पवित्र आत्मा सबोय मसिलोकुरा सभातुन बाताल इन्ता अदेन पकाय ध्यानते केन्जुन सम्जेमाम्ट। विजय आयनुर ओन नना स्वरगतिगा मकता मन्नातिगाडाल हियाका, अनि ओन उन्दि पान्डरि कल वने सम्मान हियाका, अनि ओद कलतिगा उन्दि पुनाल पोरोय कोटता मन्दार, अदेन पुटिहवालना शिवाय दुसरो बोरे ओद पोरोय पुनोर आयनुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:4

शिक्का येतितोरा संख्या नना केन्जतान: इस्रायेल लोकुरा सबोय गोत्रताल शिक्का येतितोर उन्दि लाख चवरेचाळिस हजार लोकुरक मतोरक।