युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:10 - Muria Far Western

¹⁰ ते ओर परमेस्वरना कोपता कटोराताल बाताले मिसरेह केवो परमेस्वरना पकाय अरसता दाळंगो उन्डिला पहाजे, ओर मानेयतुन पवित्र स्वरगदूतक अनि बेळा पिलाता मुने किसते अनि गंधकते पकाय तकलिप आयार।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:10 Iomraidhean Croise

मत्ति 20:22

येसु अदेन, “निमाट बाताल तलकिन्तोरिट इन्जोर निमाट पुनविट। नना सहेन कियाका ओद पकाय तकलिपतुन निमाट सहेन किया परकिट बहे?” इन्जोर पुच्चेमातुर। ओरक येसुन, “इंगो! माक सहेन किया परान्तोरोम” इन्जोर इतुरक।

मत्ति 25:41

“पजा ओर डावान बासाडोरकुन इन्दानुर, ‘हे सरापि लोकुरक, नावा मुनेटाल सयतान अनि ओनोर दूतक साटि तयार किता मन्ता ओद अनन्त काळता साटि मन्ता किसतिगा हन्ट।

मत्ति 26:39

पजा ओर हुचुन्सा असा मुने विळस अडिय अरसुन “हे नावोर बाबो, आय परार ते पकाय तकलिपता इद वाटि नावा हेरेटाल लक किम, ते वने नावा इच्चा लेहका आयो मति निया इच्चा लेहका आयि” इन्जोर प्रार्थना कितुर।

मरकुस 8:38

इद व्यभिचार अनि पापि केवालोरा पिळिता नडुम बोरायि नावा अनि नावा पोल्लोनुंग येतिला लज्जेमायनुरक ते नना मानेयतोर मरि वने ओना बारेते पवित्र स्वरगदूतकनासंग आपुना बाबोना महिमातासंग वायका असके लज्जा कियाकान।”

मरकुस 9:44

अगा नरकतिगा ओदेना पुळिय हायो अनि किस पियो।

बुतोंग 10:22

ओरक इतुरक, “सयनिक दलतोर अदिकारि कुरनेलियुस परमेस्वरना मुने येताना योग्य अनि परमेस्वरतुन वरियवाल अनि सबोय यहुदि लोकुरा सोबायि गवाहि पुटतोर मानेय मन्तोर। ओर निकुन आपुना लोन केयस नियाकेडाल परमेस्वरना पोल्लो केन्जिर इन्जोर ओन वरोर पवित्र स्वरगदूत सुचेह कितोर” इदाम ओर पतरसिन इतुरक।

२ तिस्लुनि 1:7

अनि प्रबु येसु आपुना लाववाले स्वरगदूतकनासंग स्वरगताल दमकेमाता किसते प्रगट आस परमेस्वरतुन पुनोर अनि मावोर प्रबु येसुना सोबाता पोल्लोतुन मानेमायोर ओरकुन दन्ड हियानुर। अनि मिकुन अनि माकुन वने आपुना पकाय तकलिपतिगाडाल ओन आराम हियानुर।

यहुदा 1:7

इदाम रितिते सदोम अनि अमोरा अनि येरा लेहका व्यभिचारि आस दुसरो मेन्दुलता लागेमास मतोरक अवेहना हेरेगुरेटा सहेरता लोकुरकुन अनन्त दन्डता किसते दन्ड कितुर। इद मावा साटि चेतावनि मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 15:7

असके नालुंग प्रानिंगनिगाडाल उन्दि जानवर सबोय काळ साटि जितो मन्तोर परमेस्वरना कोपते निदस मतांग सात सोनोता कटोरांग सात स्वरगदूतकुन हितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:19

हजोर सहेर मन्जे बाबिलोन मून्ड भाग आतुंग, अनि सबोय जातितोर सहेरक अरतुंग अनि परमेस्वरना पकाय होंगदा जोमा मन्ता कटोरा बाबिलोनतुन उहिर इन्जोर हजोर बाबिलोनतुन परमेस्वर खास आल्हितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:3

बाक्याकि सबोय जातितोर लोकुरक अदेनासंग व्यभिचार कितुरक इन्जोर परमेस्वर पकाय होंगते मन्तोर; अनि दरतितोर राजालोर अदेनासंग व्यभिचार कितोरक, अनि अदेन पकाय सुख-विलासते मन्दान साटि दरतितोर व्यापारि लोकुरकताल पकाय किमतिता चिजक असोर मन्दु अदाम ओरक अदेना कारण पकाय दनवान आतोरक।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:6

ओद मियासंग बदाम वेवहार हितुर अदामे अदेनासंग वने वेवहार हिम्ट, अनि अदेना बुतोता अनुसार अदेन डब्बल बदला हिम्ट, ओद बोद रितिते मिकुन पकाय तकलिप हितु अदे रितिते अदेना डब्ल अदेन पकाय तकलिप किम्ट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:15

सबोय जातितोरक लोकुरकुन कदियस वाटिलाय ओना टोडिताल उन्दि पकाय होळता तलवार पसियन्दु। ओर कचिता राजदण्ड पयस ओरागा राज कियानुर, वरोर मानेय अंगुरता घनितिगा अंगुरतुन विसान्तोर लेहका ओर ओना विरोदि लोकुरकुन नाश किन्तोर। ओरा हजोर पापता कारण पकाय होंगते मन्तोर ओर परमेस्वरिन साटि ओर इदाम किन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:20

ओद पहलेटा जानवर अनि ओद जानवरतासंग अदेना मुने चमत्कारता बुतोंग किस लोकुरकुन भळकेह किस पहलेटा जानवरता शिक्का येतिहलाय अनि अदेना मूरतितुन आरादना किहितोर मन्तोर आपुनास परमेस्वरना पोल्लो वेहवाल आन्दोम इदाम खोटाल वेहवाल ओद दुसरो जानवरिन पयतुर। अनि ओरक इवुरासिन बन्दकिस गंधकते पतिन्ता ओद किसता तळायतिगा जितोय वाटसितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:10

ओरा भळकेह केवाल सयतानतुन, ओद जानवर अनि आपुनास परमेस्वरना पोल्लो वेहवाल आन्दोम इदाम खोटाल इन्वाल वने मन्तोरक ओद किस अनि गंधकता तळायतिगा वाटसितुर, अगा अनि ओरक नरका-पलिंग सबोय काळदे पकाय पिळाते तळपेमासोर मन्दानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:14

हामुर अनि हातोर लोकुरा मन्दाना जागातुन किसता तळायतिगा वाटसितुर। इद किसता तळाय दुसरो हामुर आन्दु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:8

मति वरियवालोर, अनि अविस्वासि लोकुरक, कपटि, अनि हव्कवालोरक, अनि व्यभिचारि लोकुरक, अनि होदाल बुतो केवालोर अनि मूरति पुजा केवालोर अनि सबोय खोटाल वळकवालोरा भाग किस अनि गंधकते पतियसोर मन्ता ओद तळायतिगा पुटार, इद दुसरो हामुर आन्दु।”