युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:10 - Muria Far Western

¹⁰ असके स्वरगताल उन्दि हजोर लेंग इदाम इन्दाना नना केन्जतान: “इदेक मावोर परमेस्वरना पिसाना अनि लाव अनि राज्य अनि ओना मसिना अदिकार सुरु आता, बाक्याकि मावोर हेलाळ-तमोहकुन नरका-पलिंग मावोर परमेस्वरना मुने ओरागा दोष लावे किन्दुर ओर दोष लावे केवालिन दरतितिगा अरिहचितोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:10 Iomraidhean Croise

मत्ति 26:64

येसु ओन इतुर, “निमाय इतोन, इदेकताल निमाट मानेयतोर मरिन सबोय लाववाले परमेस्वरना तिन्दान कयबासा उदितोर अनि आबारता ढगिंगते वायाना वने हुळकिट इन्जोर नना मिकुन इन्तोना” इदाम इतुर।

मत्ति 28:18

येसु ओरा हेरे वातुर, “स्वरगतिगा अनि दरतितिगा सबोय अदिकार नाकुन हिता मन्ता।

मत्ति 6:10

निया राज्य वायि, निया इच्चा स्वरगतिगा बदाम पुरो आन्ता अदामे दरतितिगा वने आयि।

लूका 11:2

येसु आपुनोरक चेलालोरकुन इतुर, “निमाट प्रार्थना कियाकिट असके इदाम प्रार्थना किम्ट: ‘हे स्वरगतोर बाबा, निया पोरोयदुन पवित्र इनिरक, अनि निया राज्य वायि।

लूका 22:31

अनि येसु इन्तोर, “शिमोन हे शिमोन! बदाम गोहकुन हेतिते हेचुन पोलेतुन अलगो किन्तोर, अदाम मिकुन वने परिक्षा किस नावाकेडाल अलग कियान साटि सयतान परमेस्वरनिकेडाल परवांगि तलकतुर।

१ कुरिन्थुस 5:4

मावोर प्रबु येसु पोरोयते निमाट उन्दि जागा जमा आयकिट अनि मन्दे नना वने मियासंग अगा मनका असके निमाट प्रबु येसु मसिना अदिकारते ओद पाप केवाल मानेयतुन ओना पापि स्वभावतुन तासिस ओना आत्मा प्रबुना मलस वायाना दिया पिसहि इन्जोर मियागडाल टन्डस सयतानना कयदे हियाका।

२ कुरिन्थुस 12:9

मति प्रबु नाकुन “नावा दया निया साटि आयार, कमजोरितिगा नावा लाव पकाय तोहान्तोना” इन्जोर इतुर। इन्जोर मसिना लाव नावागा मन्दान साटि नना पकाय गिरिदाते नावा कमजोरिता बारेते हजोरपण किन्तोना।

तितुस 2:3

इदामे परमेस्वरिन वरियस पवित्र जिवन जिवे मायींग, अनि दुसरोनागं चाहळिंग वळकसुन दुसरोन बदनाम केमाकिगं, दाळंगो उनमाकिंग मति दुसरोरकुन सबोय पोल्लोंग करहिंग इन्जोर सेळोह आसकुन वने करहा।

१ पतरस 5:8

आपुनतुन नियत्रण किस हुशियारते मन्ट, मिवोर विरोदि सयतान गुरजेमान्ता सिंह लेहका बोन हिक्स तिनका इन्जोर पळकसोर वलियान्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:15

सातवो स्वरगदूत आपुना पिपारि नेकिहतुर असके दुनियाता राज्य मावोर प्रबुना अनि ओना मसिना आता, अनि ओर सबोय काळदे राज कियानुर इन्जोर स्वरगतिगा उन्दि हजो-हजोह लेंग आतुंग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:26

बोर जिकानुर अनि नना आग्या किता बुतोतुन आकरिवनाह पालन किसोर मन्तोर ओरकुन नावोर बाबाल नाकुन अदिकार हितोर लेहका नना वने ओन दुनियाता सबोय देशता लोकुरकनिगा अदिकार हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:10

“पिसाना सिंहासनतिगा उदितोर मावोर परमेस्वरना अनि बेळा पिलाताल पुटान्ता” इन्जोर ओरक पकाय जोरदे वेहचोर मतोरक।