युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:5 - Muria Far Western

⁵ अनि विस्वासयोग्य साक्षि अनि हातोरनिगाडाल असा जिवे मायवाल लोकुरकनिगाडाल पहले जिवे मातोर अनि दुनियाता सबोय राजाहलोरा राजाल मन्तोर ओर येसु मसिनिकेडाल मिकुन दया अनि शान्ति पुटसोर मनि। ओर माकुन मया किस आपुना बलिदान हायानाता नतुरता द्वारा माकुन पापताल लेहच,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:5 Iomraidhean Croise

मत्ति 20:28

नना मानेयतोर मरि नावा सेवा किहाना साटि आयो मति नना दुसरोना सेवा कियान साटि अनि पापता बन्दनते मतोरक पकाय लोकुरकुन लेहचियान साटि आपुना जिवा अदेना किमत आस हेविर इन्जोर वातान।”

मत्ति 28:18

येसु ओरा हेरे वातुर, “स्वरगतिगा अनि दरतितिगा सबोय अदिकार नाकुन हिता मन्ता।

युहनाल 13:1

अनि पसहा हनुमता मुने नावा इद दुनिया तासिस बाबोना हेरे हन्दाना ओना बेरा अवता इन्जोर येसु पुतुर, अनि ओर इद दुनियाते मतोर आपुना लोकुरकुन बदाम मया किन्दुर अदामे आकरिवनाह मया किसोर मतोर।

युहनाल 13:34

अनि वरोन दुसरोन मया इराट इन्जोर नना मिकुन उन्दि पुनाल आग्या हिन्तोना। नना बदाम मियागा मया इरतोना अदामे निमाट वने वरोन दुसरोन मया इराट।

युहनाल 15:9

अनि नावोर बाबो बदाम नाकुन मया किन्तोर अदामे नना वने मिकुन मया किन्तोना, निमाट नावा मयाते मन्ट।

युहनाल 18:37

अनि पिलातुस ओन इतुर, “निमा राजा आन्दि बहे?” अनि येसु उत्तर हितुर, “नना राजाल आन्दान इन्जोर निमाय इन्तोन। खरोयता बारेते गवाहि हियान साटि नना इद दुनियाते जनमा येतितान अनि अदेन साटि दुनियातिगा वातान। बोरायि खरोयता हरिते ताकान्तोर ओर नावा पोल्लोंग केन्जान्तोर।”

युहनाल 3:11

ओद खरोयतुन माक पुन्तोरोम इन्जोर नना निकुन खरोय खरोय इन्तोना अनि अदेन माक हुळतोरोम अदेना बारेते गवाहि इन्तोना, ते वने निमाट मावा गवाहितुन विस्वास केविट।

युहनाल 3:16

परमेस्वर आपुनोर वरोरे मरिनिगा बोरायि विस्वास केविर ते ओना नाश आयमाकि मति ओन अनन्त काळता जिवा पुटि इन्जोर परमेस्वर आपुनोर वरोरे मरिन हियान साटि इद दरतिता लोकुरकुन पकाय मया कितुर।

युहनाल 3:32

अनि बाराय आयि ओर स्वरगतिगा हुळतोर अनि परमेस्वरनिगाडाल केन्जतोर अदेना गवाहि हिन्तोर, मति बोरे ओना गवाहितुन स्विकार केवोर।

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

बुतोंग 26:23

मसिन दुःख ताह लागार, अनि ओरे सबोयना मुने हातोरिगाडाल जिवेमास, मावोर लोकुरकनिगा अनि दुसरो जातितोर लोकुरकनिगा वेळिचि लेहका मन्ता परमेस्वरना पोल्लो वेहानुर इन्जोर परमेस्वरना पोल्लो वेहवालोरक अनि मूसाल वने वायवाल मन्ता दियांगता बारेते परमेस्वरना पोल्लो वेहतुरक अदेन तासि नना असा दुसरो बाताले इनोन।”

रोमि 3:25

परमेस्वर मावा पापता गुना निहान साटि येसु मसिन दुनियातिगा लोहतुर। ओर मावा पापताल पिसहान साटि नतुर हिस बलिदान आतुर। अनि ओर मावा साटि नतुर हिस बलिदान आतुर इन्जोर माक विस्वास कियाकाट ते ओर मावा पापतुन मापि किस परमेस्वरना मुने येतानाता योग्य बनेकिन्तोर। अनि आपुना स्वभावते ओर लोकुरक मुने किता पापतुन दन्ड हेवाय तासिस पापि लोकुरकुन मापि किस परमेस्वर आपुना दारमिकता तोहान्तोर,

रोमि 8:37

ते वने माकुन मया किन्तोर ओर मसिना द्वारा इव सबोय पोल्लोतिगा माक उन्दि हजोर विजयि पुटहिला आतोरोम।

१ कुरिन्थुस 6:11

मियागा हुचुलोर लोकुरक मुने इदामे पाप केवालोरक मतोरक मति प्रबु येसु मसिना कारण मावोर परमेस्वरना आत्मा मिया पापतुन नोरस पवित्र बनेकिस परमेस्वरना येताना योग्य ठहरे कितुर।

गलाति 2:20

नना मसिनासंग कुरुस पोरो मन्तोना; इन्जोर नावा जुनाल मानेयना पापता स्वभाव बन्द आत मति मसिहा नावागा जिवित मन्तोर। अनि नना मेन्दुलतिगा इदेक जिवित मन्तोना ते केवल नाकुन मया किस नावा साटि आपुनतुन हितुर ओर परमेस्वरनोर मरिना विस्वासते जिवित मन्तोना।

इफिसुस 2:4

मति परमेस्वर पकाय दयावाले मन्तोर अनि ओना हजोर मयाता कारण ओर माकुन पकाय मया कितुर।

इफिसुस 5:2

अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

कुलुसि 1:18

अनि तला आपुना मेन्दुलतुन बदाम नियन्त्रन किन्ता अदामे आपुना मेन्दुल मन्ता मसिलोकुरा सभातुन ओर नियन्त्रन किन्तोर। सबोय पोल्लोतिगा मुनेटा स्थान ओन पुटि इन्जोर ओर मसिलोकुरा सभातुन बनेकेवाल अनि ओर मसिलोकुरा सभातुन जिवन हेवाल मन्तोर, अनि हातोरिगाडाल असो जिवे मायवालनिगा मुनेटोर मन्तोर

१ तिमुति 6:13

अनि सबोय लोकुरकुन जिवन हिन्तोर ओर परमेस्वरना मुने, अनि पुन्तियुस पिलातुसना मुने, पकाय सोबाय गवाहि हिस मन्दुर ओर येसु मसिना मुने नना निकुन इद आग्या हिन्तोना। नना निकुन हिता सबोय आग्यातुन मावोर प्रबु दुसरो बेरा वायानवनाह पालन किसोर मनकि ते दुसरो लोकुरक नियागा दोष लावे केवोर आयनुर।

१ तिमुति 6:15

अनि येसु मसि स्तुति येतान साटि योग्य मन्तोर। अनि ओर वरोर राजाल, अनि चत्रपति अनि प्रबुनोर प्रबु मन्तोर। ओर निरनय किता ओद बेराते प्रगट आयनुर,

यहुदि 10:29

ते परमेस्वरना मरिन मजाकिस मानेमायोर अनि आपुनतुन पवित्र किन्ता ओद करारता नतुरतुन अपवित्र चिज इदाम मानेमास परमेस्वरना दयाता आत्मातुन अपमान कितुर ओर मानेय बचोन पकाय दन्ड पुटार इन्जोर निमाट विचार कितिट बहे?

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

१ पतरस 1:19

मति बोदे दोष अनि बोदे डाग हिले बेळा पिलाता मन्जे मसिना पकाय किमति नतुरता द्वारा आतु इन्जोर निमाट पुन्तोरिट।

१ युहनाल 1:7

मति बदाम परमेस्वर वेळिचितिगा मन्तोर अदामे माक वने वेळिचितिगा ताकिकाट ते वरोर दुसरोनसंग संबन्द मन्ता अनि ओनोर मरि येसुना नतुर माकुन सबोय पापताल शुद्ध किन्ता।

१ युहनाल 4:10

अनि माक परमेस्वरदुन मया केवोम मति ओर माकुन मया कितुर अनि मावा पापता प्रायश्चित साटि आपुनोर मरिन लोहतुर इदेनते ओर आपुना मया प्रगट कितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:15

सातवो स्वरगदूत आपुना पिपारि नेकिहतुर असके दुनियाता राज्य मावोर प्रबुना अनि ओना मसिना आता, अनि ओर सबोय काळदे राज कियानुर इन्जोर स्वरगतिगा उन्दि हजो-हजोह लेंग आतुंग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:3

ओव दियांग नना नावोर इवुर गवाहलोरकुन अदिकार हियाका, अनि लोकुरा पापता कारण माक पकाय दुःखते मन्तोरोम इदाम तोहान साटि बेळाना कल्कते बनेकिता सन्दरा करस उन्दि हजार रन्ड नुहक साट दियांगवनाह परमेस्वरना पोल्लो वेहानुर” इन्जोर इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:14

ओरक बेळा पिलातासंग लळायि कियानुरक, मति ओर प्रबुलोरा प्रबु अनि राजालोरा राजाल आन्दुर इन्जोर बेळा पिला आपुनासंग मन्तोरक ओर केयतोर मन्तोरक अनि आचतोर मन्तोरक अनि इमानदारि लोकुरासंग ओरिगा विजय आयनुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:11

असके पजा स्वरग तरियता इदाम नना हुळतान, अनि नावा मुने उन्दि पान्डरि कोडा दिसतु अनि ओद कोडापोरो वरोर उदितोर, ओन विस्वासयोग्य अनि खरोयवाले इदाम पोरोय इन्तोरक, अनि ओर खरोयते न्याय अनि लळायि किन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:16

“राजाहनोर राजाल अनि प्रबुनोर प्रबु” इदाम पोरोय ओना कुरता पोरो अनि पोटरि पोरो कोटता मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:13

निमा बगा मन्तोन अगा सयताना सिंहासन मन्ता इन्जोर नना पुन्तोना; ते वने निमा नावा पोरोयतिगा स्थिर मन्तोन, अनि सयतान राज किन्तोर मिया मन्दाना ओद जागातिगा मिया नडुम नावोर विस्वासयोग्य साक्षि अन्तिपासतुन हव्कतुरक ओद बेरा वने नावागा मन्ता निया विस्वास तासोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:14

“लवुदिकिया सहेरता मसिलोकुरा सभाता दूततुन इद कोटा: विस्वास योग्यवाले अनि खरोय गवाहदार मन्तोर अनि परमेस्वरना सृष्टिता राज केवाल मन्तोर आमिन पोरोयतोर इदाम इन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:14

नना ओन इतान, “हे सयबाल, निमा पुन्तोन।” ओर नाकुन इतुर, “येरक पकाय तकलिपताल पसियस वातोरक, अनि बेळा पिलाता नतुरतिगा आपुना-आपुना सन्दरा नोरस पान्डरि कितोरक।