युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:11 - Muria Far Western

¹¹ असके “बाताले निमा हुळान्तोन अदेन पुस्तकतिगा कोटस इफिसुस अनि स्मुरना अनि पिरगमुन अनि तुयाथिरा अनि सरदिस अनि फिलेदिलफिया अनि लवुदिकिया इव सात मसिलोकुरा सभांगतिगा लोहचिम” इन्जोर नावा परके पिपारिता लेहका उन्दि हजोर लेंग नना केन्जतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:11 Iomraidhean Croise

बुतोंग 16:14

लुदिया पोरोयता तुयाथिरा सहेरता मान्जिन्ता सुति सन्दरांग मोमे उन्दि भक्ते आळ केन्जसोर मता। ओद मसिना बारेता पोलुसना पोल्लोतुन समजेमायान साटि प्रबु अदेना मन्दुन तरियतुर।

बुतोंग 18:24

अपुल्लोस पोरोयतोर वरोर यहुदि इफिसुसतिगा वातुर। ओना जनमा सिकन्दरियातिगा आस मता, ओर पकाय करियतोर मानेय मतोर अनि पवित्र पुस्तकतुन बेस पुन्दुर।

बुतोंग 20:17

मिलेतुस सहेरताल पोलुस इफिसुस सहेरतिके उन्दि सन्देश लोहच मसिलोकुरा सभाता मुक्या लोरकुन केयतुर।

१ कुरिन्थुस 15:32

अनि इफिसुस सहेरतोर लोकुरक केळाता जानवर लेहका नावासंग लळेमातुरक। ओद लळायि कियाना केवल इद सन्सारता पोल्लोंग साटि मन्ता ते इदाम कियाना द्वारा नाकुन बोदे फायदा हिले आसि। अनि हातोर लोकुरकुन असा जिवेह केवोर आयनुर ते “दटु माक सोबाय तिन्काट उन्काट बाक्याकि नाळ माकुन हायानाय मन्ता।”

१ कुरिन्थुस 16:8

मति पिन्तिकुस्त हनुमवनाह नना इफिसुस सहेरतिगा मनका।

इफिसुस 1:1

परमेस्वरना इच्चाते येसु मसिना खास चेला पोलुस, इफिसुसतिगा मन्वालोरक येसु मसिनिगा विस्वास किन्तोरक ओरक पवित्र लोकुरक साटि कोटिन्तोना।

कुलुसि 2:1

मिया साटि अनि बोर लवुदिकिया सहेरतिगा मन्तोर अनि बोरक इदेकवनाह नावा चेहरा हुळोर ओर सबोय लोकुरक साटि,

१ तिमुति 1:3

अनि इफिसुस सहेरतिगा मन्ज सबोय खोटाल प्रकारता करहानातुन बन्द कियान साटि हुचुक लोकुरकुन आग्या हिम इन्जोर नना रोमि देशता मकदुनिया प्रदेशतिके हन्दानपा निकुन सोबाय समजेकिस मतोना,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:17

ओन हुळतान असके नना हाताप लेहका ओनांग काल्कपोरो अरतान। ओर नावापोरो आपुना तिन्दान कय इरस इतुर, “वरियमा, पहले अनि अन्तिम अनि जितो ननाय आन्दान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:19

इन्जोर, इदेक मन्ता अनि आयवाल मन्ता निमा दर्शनतिगा हुळति ओव सबोय पोल्लोंग निमा कोटा;

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:2

अनि येसु मसि आपुना स्वरगदूततुन लोहच आपुनोर दास युहन्नानिन इव पोल्लोंग तोहतुर। अनि परमेस्वरना पोल्लो अनि येसु मसिना गवाहितुन इदाम ओर हुळता सबोय पोल्लोतुन युहन्नाल वेहतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:20

अनि नावा तिन्दान कयतिगा हुळति अव सात हुकोंगना अनि सोनोता ओव टिवरि इराना सोनाता सात गोटातांग रहस्य इदाम मन्ता: ओव सात हुकोंग मसि विस्वासि लोकुरा सात सभाता दूतक आन्दुरक, अनि टिवरि इराना सोनाता ओव सात गोटांग मसि विस्वासि लोकुरा सात सभांग आन्दुरक।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:4

युहन्नाल आसिया प्रदेशता सात मसिलोकुरा सभातुन कोटान्तोर: इदेक मन्तोर अनि पहले मन्दुर अनि वायवाल मन्तोर ओर परमेस्वरनिकेडाल अनि ओना सिंहासनता मुने मन्तोरक ओव सात आत्मानिकेडाल,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:8

इदेक मन्तोर अनि पहले मन्दुर अनि वायवाल मन्तोर ओर सबोयताल लाववाले प्रबु परमेस्वर इन्तोर, “ननाय अलफा अनि ओमेगा आन्दान।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 10:4

अव सातु गुळजेमायानाता लेंगवातु असके नना कोटवाल मतोना, मति “सातु गुळजेमायाना वेहता पोल्लो कोटमा अवेहकुन शिल किस इरा” इन्जोर स्वरगताल उन्दि लेंग नना केन्जतान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:13

पजा नना स्वरगताल उन्दि शब्द केन्जतान, “कोटा: इदेकताल प्रबुना विस्वासते हातोरक हायवालोरक, धन्य मन्तोरक।” “इंगो! ओरकुन आपुना मेहनताल इदेक आराम पुटार बाक्याकि ओरा बुतोंग ओरासंग मन्ता” इन्जोर पवित्र आत्मा इन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:9

असके पजा ओर स्वरगदूत नाकुन इतुर, “बेळा पिलाता मरमिंगना जेवनतिगा केयतोर ओरक धन्य मन्तोरक इदाम कोटा” इन्जोर इतुर। “इव परमेस्वरना खरोय पोल्लोंग आन्दुंग” इन्जोर वने इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:1

“इफिसुस सहेरता मसिलोकुरा सभाता दूततुन इद कोटा: सात हुकोंग आपुना तिन्दान कयतिगा पयस टिवरि इराना सोनाता ओव सात गोटातांग नडुम वलियान्तोर इदाम इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:12

“पिरगमुन सहेरता मसिलोकुरा सभाता दूततुन इद कोटा: पकाय होळता रन्ड धारवाले तलवार मन्तोर इदाम इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:18

“तुयाथिरा सहेरता मसिलोकुरा सभाता दूततुन इद कोटा: पतियता किसिता ज्वाला लेहका कोन्डांग अनि पान्डरि पितळी लेहका काल्क मन्तांग परमेस्वरनोर मरि वेहिन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:24

मति तुयाथिरा सहेरतिगा इसबेलना उपदेशतुन मानेमायोरक अनि ‘सयतान तोहता पकाय हजोर मकता पोल्लो’ इदाम हुचुलोर लोकुरक इन्तोर इसबेलना करहानातुन करिहविट मियागा बाकि लोकुरा पोरो असा दुसरो वजा वाटोन आयका इन्जोर नना मिकुन वेहान्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:8

“स्मुरना सहेरता मसिलोकुरा सभाता दूततुन इद कोटा: पहले अनि अन्तिम मन्तोर, अनि हास मतोर मति इदेक असा जिवेमास तेदितोर इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:5

सिंहासनतिगा उदस मतोर ओर इतुर, “हुळा, नना सबोयतुन पुनाल किसिन्तोना।” पजा ओर इतुर, “कोटा, बाक्याकि इव पोल्लो विस्वासता योग्य अनि खरोय मन्तांग।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:10

पजा ओर नाकुन इतुर, “बेरा हेरे मन्ता इन्जोर इद पुस्तकता परमेस्वरना सन्देशता पोल्लोनुंग शिल किस बन्द केमा।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:16

“येसु पोरोयता नना मसिलोकुरा सभांग साटि मिकुन इव पोल्लोता गवाहि हियान साटि नावोर स्वरगदूततुन निया हेरे लोहतोना। नना दावुदना मूल अनि वंशज अनि कोर कुसेडा बेराता मान्जिन्ता हुको आन्दान।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:1

“सरदिस सहेरता मसिलोकुरा सभाता दूततुन इद कोटा: परमेस्वरना सात आत्मांग अनि सात हुकोंग मन्तोर ओर इदाम इन्तोर: नना निया बुतोंगतुन पुन्तोना, निकुन जितो इन्तोरक मति निमा हास मन्तोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:14

“लवुदिकिया सहेरता मसिलोकुरा सभाता दूततुन इद कोटा: विस्वास योग्यवाले अनि खरोय गवाहदार मन्तोर अनि परमेस्वरना सृष्टिता राज केवाल मन्तोर आमिन पोरोयतोर इदाम इन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:4

मति आप-आपुना सन्दरांग अशुद्ध केवोर हुचुलोर लोकुरक सरदिस सहेरता मसिलोकुरा सभातिगा मन्तोरक, ओरक पान्डरि सन्दरा करस नावासंग वलियानुरक, बाक्याकि ओरक इदेना योग्य मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:7

“फिलेदिलफिया सहेरता मसिलोकुरा सभाता दूततुन इद कोटा: पवित्र अनि खरोय मन्तोर अनि दावुदना किल्लिंग आपुना कयदे मन्तोर अनि ओर तरियता कवाळतुन दुसरो बोरे बन्द किया परोर इदाम तरियान्तोर अनि ओर बन्द किता कवाळतुन दुसरो बोरे तरियला परोर इदाम बन्द किन्तोर ओर इव पोल्लोंग इन्तोर: