फिलिप्पि 4:8 - Muria Far Western

⁸ इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

फिलिप्पि 4:8 Iomraidhean Croise

मत्ति 22:16

आकरिते ओरक आपुना चेला लोकुरकुन अनि हेरोदियास राजाना दलतोरासंग येसुना हेरे इदाम इन्दिला लोहतुरक, “हे गुरु, निमा खरोय अनि परमेस्वरना हरि खरोय रितिते करहान्तोन अनि निमा बोनाय भेदभाव केवि इन्जोर निमा बोने वरियवि इदाम माक पुन्तोरोम।

मरकुस 6:20

बाक्याकि बपतिस्मा हेवाल युहन्नान परमेस्वरना मुने येताना योग्य अनि पवित्र मानेय समजेमास ओन हेरोदेस वरियन्दुर अनि ओन पिसिहचोर मतोर। अनि ओन वेहता पोल्लोंग केन्ज हेरोदोस पकाय वरियन्दुर मति ओना पोल्लोंग गिरदाते केन्जदुर।

लूका 16:15

येसु परीसिलोकुरकुन इतुर, “आपुहकुन परमेस्वरना मुने येताना योग्य मन्तोर इदाम निमाट मानेयकना मुने तोहान्तोरिट, मति परमेस्वर मिया मन्दुन पुन्तोर, बाक्याकि मानेयकना नडुम हजोर मन्ता ओद चिज परमेस्वरना मुने बारायि हिले।

लूका 2:25

येरुसलेम सेहेरतिगा शिमोन पोरोयतोर वरोर मानेय मतोर, अनि ओर मानेय परमेस्वरना मुने येताना योग्य अनि परमेस्वरना भक्ति केवाल मतोर। अनि ओर इस्रायेल लोकुरा लेहचियाना साटि पोसिंदुर, अनि ओनिगा पवित्र आत्मा मन्तोर।

लूका 23:50

अनि यहुदि प्रदेशता अरिमत्या सहेरतोर यूसुफ अगा मतोर। ओर परमेस्वरना राज्य साटि हर हुळस मतोर वरोर सोबाय मानेय अनि परमेस्वरना मुने येताना योग्य मतोर। ओर यहुदिलोरा हजोर सभाता सदस्य मतोर ते वने येसुन हव्काना ओरा योजनांग अनि बुतोतुंग यूसुफ ओरा संग हेवोर आतुर।

युहनाल 7:18

अनि बोराय आपुना मन्दिगडाल बारायि इन्तोर ते ओर आपुना हजोरपण साटि इच्चा किन्तोर, मति बोर आपुनतुन लोहवालना हजोरपणता इच्चा पळकान्तोर ओरे खरोय मन्तोर अनि ओनिगा बारायि अदरम हिले।

बुतोंग 10:22

ओरक इतुरक, “सयनिक दलतोर अदिकारि कुरनेलियुस परमेस्वरना मुने येताना योग्य अनि परमेस्वरतुन वरियवाल अनि सबोय यहुदि लोकुरा सोबायि गवाहि पुटतोर मानेय मन्तोर। ओर निकुन आपुना लोन केयस नियाकेडाल परमेस्वरना पोल्लो केन्जिर इन्जोर ओन वरोर पवित्र स्वरगदूत सुचेह कितोर” इदाम ओर पतरसिन इतुरक।

बुतोंग 22:12

पोलुस असा वेहतुर, “असके दमासकस सहेरतिगा मन्वालोर हनन्याह पोरोयतोर वरोर मानेय मतोर। ओर अगा मन्वालोर सबोय यहुदिलोकुरकनिगा मानवाले अनि मूसाना नियमता अनुसार परमेस्वरना वरे इरवाल मानेय मतोर। ओर नावा हेरे वातुर।

बुतोंग 6:3

इन्जोर हे बायि-दादालोर, निमाट आपुनिगाडाल पवित्र आत्मातुन सबोय रितिते मानेमास मन्तोर पकाय ग्यानि आस सबोय लोकुरक मानेमातोर सात मानेयकुन आचकाट। अनि माक इद बुतो साटि ओरकुन ठहरे कियाकाट।

रोमि 13:13

अनि लोकुरक दियाता वेळिचितिगा बदाम सोबाय बुतो किस जिवे मान्तोर अदामे माक वने सोबाय बुतो किस जिवेमायिला पहाजे। माकुन जेवेकियाना साटि केयानातिगा हन्जुन दाळंगो उन्जुन गलति रितिता गिरदाते मन्दाना आयो, अनि व्यभिचार किस खराब जिवन जिवे मायमाट। अनि माक दुसरोन हेवा किस वाहचमाट।

रोमि 13:3

अनि सोबाय बुतो किन्तोरक ओर लोकुरक अदिकारिलोकुरकुन वरियाना जरुरि हिले मति बोर खराब बुतो किन्तोरक ओरके वरियान्तोरक। इन्जोर निमाट अदिकारिलोकुरकुन वरियाना इच्चा केविट ते सोबाय बुतो किसोर मन्ट असके ओरक मिया स्तुति कियानुरक।

रोमि 14:18

अनि बोर आयि इदाम जिवन जिवेमास मसिना सेवा किन्तोरक ओनाताल परमेस्वर गिरदा आन्तोर अनि सबोय लोकुरक ओन मान हिन्तोरक।

रोमि 2:29

अनि परमेस्वरना नियम सबोय मन्दे बोर मानेमान्तोर ओरे खरोय यहुदि मन्तोर; मूसाना नियमता कोटता कतना खरोय आयो मति पवित्र आत्माता द्वारा मन्दा पापता कतना खरोय कतना आन्दु। ओर मानेयना स्तुति आयो मति परमेस्वरनिकेडाल स्तुति आन्ता।

१ कुरिन्थुस 4:5

इन्जोर प्रबु असा मलस वायनुर; ओद बेराता मुने निमाट बोरे मानेयना न्याय केमाट। प्रबु वायनुर असके लोकुरा न्याय आयार। प्रबु आन्दारते मकता मावा सबोय पोल्लोनुंग वेळिचितिगा तोहानुर अनि लोकुरा मन्दे मकस मन्ता ओद सबोय उद्देश्य तोहानुर पजा वरोर वरोर बदाम बुतो कितुर अदेना अनुसार सबोय लोकुरकुन परमेस्वरनिकेडाल प्रशंसा पुटार।

२ कुरिन्थुस 13:7

निमाट बोदे खराब बुतो केमाट इन्जोर माक परमेस्वरतुन प्रार्थना किन्तोरोम। माक खरोय दिसकोम इदाम साटि आयो मति माक खोटाल लेहका ठहरे मायकोम ते वने मिया फायदाता बुतो कियान साटि मन्ता।

२ कुरिन्थुस 6:8

हुचुलोर लोकुरक माकुन आदर किन्तोरक मति दुसरो हुचुलोर लोकुरक माकुन अनादर किन्तोरक। हुचुलोर लोकुरक मावा प्रशंसा किन्तोरक मति दुसरो हुचुलोर लोकुरक मावा विरोदते निन्दा किन्तोरक। मावोर विरोदि लोकुरक माक खोटाल समजेमान्तोर मति माक खरोय वळकान्तोरोम।

२ कुरिन्थुस 8:18

परमेस्वरना सोबाता पोल्लो वेहान साटि मसिलोकुरा सभातिगा पोरोय पकायि फयले माता वरोर तमोन माक ओनासंग लोहिला आतोरोम।

२ कुरिन्थुस 8:21

केवल प्रबुनाय मुने आयो मति मानेयना मुने वने सोबाय मन्ता ओव पोल्लो कियाना मावा लक्ष मन्ता।

गलाति 5:22

मति पवित्र आत्माता बुतो इव मन्तांग: आपसते मया कियाना, गिरदाते मन्दाना, शान्तिते मन्दाना, दिरजते प्रगटकियाना, दया कियाना, भलायि कियाना, इम्मानदारिते मन्दाना,

इफिसुस 4:25

इन्जोर खोटाल वळकाना हरचुन सबोय लोकुरक आपुनोर हेरेटोरासंग खरोय वळकाट बाक्याकि माक सबोय उन्दिय मेन्दुलता अलग अलग भाग मन्तोरोम।

इफिसुस 5:9

(बाक्याकि वेळिचितिगा मन्वालोर लोकुरा बुतोता कायांग सबोय प्रकारता भलायि अनि दारमिकता अनि खरोय मन्ता।)

इफिसुस 6:14

परमेस्वरना सच्चायितुन आपुना नळितिगा पट्टा लेहका आरेकिस अनि परमेस्वरना मुने दारमिक पोल्लो कियाना चिलकत लेहका पोन्डस,

फिलिप्पि 3:1

इदेक हे नावोर बायि-दादालोरक, निमाट प्रबुना संगते मन्तोरिट इन्जोर गिरदाते मन्ट! मिकुन असा-असा वने खोटाल करिहवालोरा बारेते कोटसोर मन्तोना ते नाकुन बाराय तकलिप आयो मति इद मिया सुरक्षा साटि मन्ता।

कुलुसि 4:5

निमाट मसिनिगा विस्वास केवोर ओरक लोकुरासंग मन्दाना बेरा पकाय कमि सन्दि मन्ता इन्जोर समजेमास ओरासंग बुद्धिते व्यवहार किम्ट। बाक्याकि मिया द्वारा ओरक वने मसिन पुन्दिला पहाजे।

१ तिस्लुनि 4:12

इदाम व्यवहार कियाकिट ते अविस्वासि लोकुरक मिया आदर कियानुरक अनि मिकुन बोदे पोल्लोता कमि आयो आयार।

१ तिमुति 2:2

विशेषाल राजाह साटि अनि सबोय हजोर सरकारि नवकरि लोकुरक साटि प्रार्थना किम्ट बाक्याकि ओरक आपुना देशतोरक लोकुरकुन खरोय रितिते न्याय अनि सोबाय शासन कियान साटि परमेस्वर ओरकुन मदत कियाला पहाजे। अनि इदाम सबोय लोकुरकुन साटि प्रार्थना कियाकिट ते माक सोबाय शान्ति अनि परमेस्वरना इच्चाता अनुसार मन्दा परान्तोरोम।

१ तिमुति 3:11

अनि मसिलोकुरा सभाता सेवातुन मदत केवांग आसक वने गम्बिर अनि सम्मानता योग्य आयिला पहाजे; दोष केवि आयमाकि अनि हर पोल्लोते विस्वास योग्य आयि।

१ तिमुति 3:4

अनि आपुना परिवारतुन सोबाय पाले केवाल अनि आपुना बालकनुंग आपुना सबोय आग्याते पालन केवाल मनिर।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ तिमुति 5:10

अनि ओद रान्डि आसक सोबाय बुतो केवे मनि अनि आपुना बालकिन पालन पोषन किस वरताहकुन सोबाय गिरदाते मानेमास पवित्र लोकुरा सेवा केवे मन्दिला पहाजे, अनि दुःखि लोकुरकुन मदत किस सबोय सोबाय बुतो कियान साटि मन्दे गिरदा केवे मन्दिला पहाजे। इदाम रान्डि आसकना पोरोय मसिलोकुरा सभाता मदत सुचितिगा कोटिला पहाजे।

१ तिमुति 5:2

अनि हजोर आसकुन आपुना अवाल लेहका समजेमास आदर किम अनि लयानुंग पुरा पवित्रताते आपुना हेलाळ लेहका समजेमासुन वळका।

तितुस 1:8

मति ओर अध्यक्ष वरताहकुन सोबाय गिरदाते मानेमायवाल अनि भला कियान साटि तेयार मन्वाल, मया केवाल, न्याय केवाल अनि समजे किसुन वेहवाल, ओना मन शुद्ध मनि अनि ओर शान्त स्वभावतोर मनिर।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

तितुस 2:2

अनि मुदयाह मानेयकुन करहा, अनि ओरकुन आपुनतुन हुशयार मन्वाल बनेहमायिर, अनि लोकुरक ओरकुन हुळसुन आदर केविर इदाम ओरक जिवेमायिर, समजदार आयिर, विस्वास इरिर, मया केविर, बोदायि दुःख सहेमायिला मजबुत आयिर।

तितुस 2:7

अनि निमा सबोय बुतोनुंग सोबाय किम अनि लयोरक लोकुरक वने अदामे कियाला पहाजे। अनि निमा ओर परमेस्वरना बारेते करिहकि ते इमान्दारिते करिहकि, अनि समजदारिते ओरक करिहतांग पोल्लोनुंग मानेमायिर,

तितुस 3:14

अनि ओरक सोबाय बुतो केविर इन्जोर निमा सबोयलोर विस्वासि लोकुरकुन करहा, बाक्याकि ओरक वरोन दुसरोना जरुरितुन पुरा केविर, अनि इदाम ओरक बिना फयदाते मनमाकिर।

यहुदि 11:2

बाक्याकि इदे कारणते मावोर पुरकातोर लोकुरकनिगा परमेस्वर गिरिदा आतुर।

यहुदि 13:18

मावा साटि प्रार्थना किसोर मन्ट; अनि सबोय पोल्लोतिगा परमेस्वरना मुने येताना योग्य बुतो किसोर ताकाना इच्चा किन्ता उन्दि खरोय अन्तकरण माक मन्ता इदाम माक पका आतोम।

याकुब 1:27

अनि अनाथ अनि रान्डिह आसकना गरिब परिस्थितिते मदत कियाना अनि दुनियाता गलतिताल आपुनतुन पिसहाना ओद मावोर बाबो परमेस्वरना हेरे शुद्ध अनि सोबाय भक्ति मन्ता।

याकुब 3:17

मति स्वरगताल वायवाल ग्यान पहले पवित्र मन्ता पजा शान्ति प्रिय, नम्रता, आग्याकारि, दया अनि सबोय प्रकारता सोबाय बुतो इदाम पोल्लोतुन कियान साटि इद ग्यान माकुन लाव हिन्ता। अनि ओद बोनाय पक्षपात केवो अनि कपटि हिले।

१ पतरस 1:22

खरोयतुन पालन कियानाता कारण मिया आत्मा निषकपट बन्धुभावता माया साटि शुद्धकिस इन्जोर मन लावेकिस वरोर दुसरोन पकाय मया किम्ट।

१ पतरस 2:12

बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 4:8

अनि सबोयताल हजोर पोल्लो वरोन दुसरोनताल पकाय मया इराट इन्जोर मन्ता, बाक्याकि मया पकाय पापतुन मुचिन्ता।

२ पतरस 3:1

हे प्रिय गोतियालोरक, नना इदेक मिकुन दुसरो पत्र कोटान्तोना।

१ युहनाल 3:18

हे बालक, माक मया किन्तोरोम केवल इदाम वळकानाते आयो मति खरोय मदत किसुन मया कियाला पहाजे।

१ युहनाल 3:3

अनि ओनागा इद आशा इरान्तोर ओर बदाम येसु पवित्र मन्तोर अदामे आपुना जिवनतुन पवित्र बनेकिन्तोर।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।