फिलिप्पि 4:3 - Muria Far Western

³ नावोर खरोय गोतियाह, परमेस्वरना जिवनता पुस्तकतिगा पोरोय कोटता मन्ता ओर क्लेमेन्त अनि नावासंगे सेवाकेवालोर लोकुरासंगे मन्ता अव आसक सोबाता पोल्लो वेहान साटि नावासंग पकाय मेहनत कितांग इन्जोर अव आसकुन मदत कियाला पहाजे इदाम नना मिकुन विनन्ति किन्तोना।

फिलिप्पि 4:3 Iomraidhean Croise

लूका 10:20

मति दुष्टात्मा मिया आग्या मानेमास पसिहनातांग इन्जोर निमाट गिरदा आयमाट, मति मिया पोरोय स्वरगतिगा कोटताल मन्ता इन्जोर गिरदा आम्ट।”

रोमि 12:1

ते नावोर बायि-दादालोरक, परमेस्वर मावा सबोयलोरकुन दया कितोर इन्जोर निमाट आपुना जिवनतुन उन्दि बलिदान लेहका परमेस्वरतुन सबोय रितिते सोपे किस परमेस्वर साटि पवित्र अनि गिरदा आयार इदाम जिवन जिवेमाम्ट। इदे परमेस्वरना आरादना कियाना मिया खरोय रिति मन्ता इन्जोर नना मिकुन विनन्ति किन्तोना।

रोमि 16:12

अनि प्रबुना सेवातिगा मेहनत कितांग हेलाळ त्रुफेना अनि तुरफोसा अवेहकुन नावा नमस्कार इन्ट। अनि प्रबुना सेवातिगा पकाय मेहनत किता नावा प्रिय परसिस अदेन वने नावा नमस्कार इन्ट।

रोमि 16:9

मावासंग मसिना सेवा कितुर उरबानुसिन वने नावा नमस्कार इन्ट। अनि नावोर प्रिय गोतियाल स्ताक्कुसिन वने नावा नमस्कार इन्ट।

फिलिप्पि 1:12

हे बायि-दादालोरक, नावागा बाताल आता अदेनतेय येसु मसिना सोबाता पोल्लो पकाय फयलेमात इन्जोर निमाट वने पुन्ट इदाम नावा इच्चा मन्ता।

फिलिप्पि 1:16

मसिना सोबाता पोल्लोता रक्षण कियान साटि नना इगा जेहलतिगा मन्तोना इन्जोर पुन्जुन येर लोकुरक मयाते इदाम किन्तोरक।

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

फिलिप्पि 1:7

इदाम मिया सबोय लोकुरा बारेते विचार कियाना नावा साटि बेस मन्ता, बाक्याकि नना मुनेटाल अनि इदेक जेहलदिगा मन्दान अनि येसु मसिना सोबाता पोल्लोता खरोयता बारेते इगा वळकाना बेरा अदेन विरोद केवालोराताल परमेस्वरना सोबाता पोल्लोता रक्षण कितान, अनि ओद बेरा निमाट सबोय लोकुरक नावासंग परमेस्वरना दयाते मुनेटाल अनि इदेक वने नावासंग मन्दिट इन्जोर निमाट सबोय लोकुरक नावा पकाय मायातोर मन्तोरिट।

फिलिप्पि 4:2

प्रबुनिगा उन्दि मन्दे मनिर इन्जोर नना युवादिया अनि सन्तुखे पोरोयतोर लोकुरकुन समजेह किस विनन्ति किन्तोना।

कुलुसि 1:7

अनि ओद सुसमाचार निमाट मावोर प्रिय सहकर्मि इपफ्रासनिकेडाल करहितोरिट ओर मावा साटि मसिहानोर विस्वासयोग्य सेवक मन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:8

दुनियाता उत्पतिता बेराताल असकता बेळा पिलाता जिवनता पुस्तकतिगा पोरोय कोटोर दरतितोर सबोय लोकुरक ओद जानवरता आरादना कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:8

निमा हुळतोन ओद जानवर ओद पहले मता मति इदेक हिले अनि अडिय बचोन खोल मन्ता इन्जोर माक पुनोम अचोन हजोर पतियता किसिता गडदाताल वायवाल काळते पसियस अनन्त काळता नाश साटि वायवाल मन्ता; अनि ओद जानवर पहले मता मति इदेक हिले ते वने ओद वायवाल मन्ता ओद जानवरतुन दरतिता सृष्टिता सुरुताले जिवनता पुस्तकतिगा पोरोय कोटोर आतुरक दरतितोर लोकुरक ओद जानवरतुन हुळस चकेमायनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:12

पजा नना हुडलोर-हजोर इदाम सबोय हातोरकुन सिंहासनता मुने नितितोर हुळतान। अनि पुस्तक तरियहतुर, अनि जिवनता पुस्तक पोरोयता असा दुसरो उन्दि पुस्तक वने तरियहतुर, अनि ओव पुस्तकतिगा कोटता मता अदामे ओरा बुतोता अनुसार हातोरा न्याय कितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:15

अनि जिवनता पुस्तकतिगा बोना पोरोय कोटो ओन किसता ओद तळायतिगा वाटसितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:27

मति केवल बेळा पिलाता जिवनता पुस्तकतिगा पोरोय कोटता मन्ता ओर लोकुरक अगा दायनुरक। मति बोदे अपवित्र चिजक, लज्जाता बुतो अनि खराब बुतो केवालोरक बोरे अगा हनोर आयनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:5

बोर जिकानुर ओर पान्डरि सन्दरा करहानुर, अनि नना ओना पोरोय जिवनता पुस्तकतिगाडाल बसकेय काटे केवोन आयका मति ओना पोरोय नावोर बाबो अनि ओना दूतकनांग मुने मानेमायका।